IUSAN PANGAWIGUNAAN PIRANTI GAMBAR (MONOPOLI) MABASA BALI RING PAPLAJAHAN NGWACEN AKSARA BALI RING SISIA KELAS V SDK MARSUDIRINI

Transkripsi

1 IUSAN PANGAWIGUNAAN PIRANTI GAMBAR (MONOPOLI) MABASA BALI RING PAPLAJAHAN NGWACEN AKSARA BALI RING SISIA KELAS V SDK MARSUDIRINI 1 I. M. D. Adipraya 1 I. B. Rai, 2 I. W. Wendra Jurusan Pendidikan Bahasa Bali Universitas Pendidikan Ganesha Singaraja, Indonesia {adiprayaniko.an@gmail.com, Ibrai_cangapit@yahoo.com, wayan.wendra@ymail.com}@undiksha.ac.id KUUB Tetilikan puniki matetujon anggen nlatarang indik (1) iusan pangawigunaan piranti gambar ring sisia kelas V SDK Marsudirini lan (2) pikobet-pikobet sane wenten ring sisia kelas V SDK Marsudirini ring. Panandang tetiliknyane inggih punika iusan paplajahan ngwacen aksara Bali. Tetilikan puniki nganggen palihan deskriptif-kualitatif, deskriptif-kuantitaif, lan deskriptif-komparatif santukan tetilikan puniki nelatarang indik iusan pangawigunaan piranti gambar lan pikobetpikobet sisia ring. Tetilikan puniki nganggen kalih kramaning mupulang data, inggih punika kramaning pepintonan lan kramaning sadu wicara. Data tureksanyane sane kaaanggen, inggih punika: (1) reduksi data, (2) deskripsi data, (3) klasifikasi data, (4) panyutetan. Pikolih ring tetilikan puniki, inggih punika (1) kawagedan sisia sayan nincap, kacingak saking rata-rata biji kelas sesampun kajahin nganggen piranti gambar paplajahan ngwacen aksara Bali, (2) paplajahan basa Bali kaanggep keweh lan ngemedin, paplajahan pasang aksara Bali kaanggep keweh santukan akeh madaging uger-uger, ten prasida ngwacen sesuratan maaksara Bali santukan ten hapal, ten uning indik pah-pahan aksara Bali, bingung ring wastan lan wangun pangangge ring aksara Bali. Kruna jejanten : Gambar Monopoli, Ngwacen, Aksara Bali

2 Abstrak Penelitian ini bertujuan untuk menjelaskan tentang (1) pengaruh penggunaan media gambar (monopoli) berbahasa Bali dalam pembelajaran membaca aksara Bali pada siswa kelas V SDK Marsudirini serta (2) kendala-kendala yang dihadapi siswa kelas V SDK Marsudirini dalam pembelajaran membaca aksara Bali. Objek dalam penelitian adalah pengaruh penggunaan media gambar (monopoli) berbahasa Bali dalam pembelajaran membaca aksara Bali. Penelitian ini menggunakan rancangan penelitian deskriptif kualitatif, deskriptif kuantitaif, dan deskriptif komparatif karena penelitian ini menjelaskan tentang pengaruh penggunaan media gambar (monopoli) berbahasa Bali dalam pembelajaran membaca aksara Bali dan kendala-kendala yang dihadapi siswa dalam pembelajaran membaca aksara Bali. Penelitian ini menggunakan dua metode pengumpulan data, yaitu test dan wawancara. Metode analisis data yang digunakan, yaitu: (1) reduksi data, (2) deskripsi data, (3) klasifikasi data, (4) kesimpulan. Hasil dalam penelitian ini, yaitu (1) kemampuan siswa meningkat, dilihat dari rata-rata nilai kelas yang diperoleh setelah diajarkan menggunakan media gambar (monopoli) berbahasa Bali dalam pembelajaran membaca aksara Bali, (2) pelajaran bahasa Bali dianggap susah dan membosankan, materi pasang aksara Bali dianggap susah karena mengandung banyak aturan, tidak mampu membaca wacana beraksara Bali karena tidak hafal, tidak tahu tentang bagian-bagian dari aksara Bali, bingung terhadap nama dan bentuk dari pangangge dalam aksara Bali. Kata kunci : Gambar Monopoli, Membaca, Aksara Bali Abstract This study aims are describe about (1) the effect of using picture media (monopoly) by using Balinese Language into reading lesson of aksara Bali at V class in SDK Marsudirini, (2) the problems of students at V class in SDK Marsudirini into reading lesson of aksara Bali. The object of this study is the effect of using picture media (monopoly) by using Balinese Language into reading lesson of aksara Bali. This study using research plan such as, qualitative descriptive, quantitative descriptive and comparative descriptive, because this study describe about the effect of using picture media (monopoly) by using Balinese Language into reading lesson of aksara Bali. While submit of data using two methods, such as test and interview. In analyzing the data, the research uses (1) data reduction, (2) data description, (3) data classification, and (4) conclusion. The result of this study to show that: (1) improving student s ability, looking for average of class value that got after taught using picture media (monopoly) by using Balinese Language into reading lesson of aksara Bali, (2) the students perception are Balinese lesson to make bored and difficult, especially pasang aksara Bali material is difficult and have many roles, can t to read aksara Bali text, because they can t remember aksara Bali very well, don t know about part of aksara Bali, confuse about name and form pangangge aksara Bali. Key words: Picture of Monopoly, Reading, Aksara Bali

3 PURWAKA Basa pinaka piranti mabebaosan ring sajeroning kahuripan iragane. Ring Bali, Basa Bali punika pinaka Basa Ibu utawi basa kapertama majeng ring parikrama Bali sane kaanggen mabebaosan sawai-wai. Basa Bali pinaka basa lisan lan tulis madue ceciren sane khas sane minayang sareng basa sane tiosan. Silih sinunggil ceciren basa Bali pinaka basa tulis inggih punika ring aksara Bali. Aksara Bali punika pinaka warisan kebudayaan Bali sane patut kalestariang. Iraga pinaka jadma Bali kaaptiang mangda prasida ngwacen teks maaksara Bali, saantukan aksara Bali punika kaanggen ring sajeroning upakara yadnya ring agama Hindu. Riantukan punika, basa Bali patut mikolihang pembinaan ring panglimbakan lan pangajegannyane. Silih sinunggil uratian pamerintah majeng ring budaya daerah inggih punika antuk nyisipang paplajahan Basa Daerah (Bali) ring kurikulum pendidikan. Ring sekolah, paplajahan bahasa Bali sampun kapolihang mawit saking SD ngantos ring SMA. Ring SD, paplajahan indik basa kakepah dados petang kompetensi, minakadi ngwacen (membaca), nyurat (menulis), mabebaosan (berbicara), lan mirengan (menyimak). Manut ring kurikulum warsa 2013 mata pelajaran basa Bali sampun kagibungang dados mata pelajaran Sosial Budaya, nanging para sisia tetep mikolihang indik pasang aksara Bali dasar (Pergub Bali No. 20 Tahun 2013). Ring paplajahan ngwacen, wenten makudang-kudang pikobetpikobet sane ngawinang tan prasida ritatkala ngwacen. Pikobet-pikobet punika, minakadi pangaksian, pinungkan, tuna angga, nista graha, palemahan sane nenten becik, emosi sane labil, cacat mental, lan nenten prasida nganutang padewekan. Manut Sudiana (2007:35), parindikan punika kakepah dados tiga, sane kapertama inggih punika kahanan fisik sakadi panyingakan, piranti ucap, lan otak. Sane kaping kalih inggih punika kahanan psikologis, luir ipun sikap, minat, motivasi, lan intelegensi. Kahanan sane kaping tiga inggih punika kahanan sosial ekonomi lan pendidikan. Saking pikobet-pikobet sane munggah ring ajeng manut pahpahan saking Sudiana (2007:35), kawentenan sane munggah ring lapangan nyihnayang indik para sisia kantun wenten ring pah-pahan kaping kalih, inggih punika kahanan psikologis utaminyane ring minat lan motivasi. Manut para sisia, ngwacen aksara Bali punika meweh pisan, duaning ipun marasa meweh ngapalang aksara miwah pengangge aksara punika. Rasa meweh punika medal santukan ipun nenten wenten minat ring paplajahan punika. Motivasi malajah taler ten wenten, saantukan ipun sampun kadong ngrasayang indik paplajahan ngwacen aksara Bali punika pinaka paplajahan sane ngemedin. Manut pikolih sadu wicara sareng guru kelas ritatkala ngwentenang observasi awal ring SDK Marsudirini, kapolihang data wantah 5% sisia kelas V sane prasida ngwacen sasuratan sane nganggen aksara Bali manut ring KKM mata pelajaran bahasa Bali inggih punika 75. Ratarata biji ring paplajahan ngwacen pasang aksara Bali punika wantah 64, nika nyihnayang indik pikolihan sisia kantun kirang. Panilik taler nyingakin pikobet ring guru-guru irika sane kantun nganggen metode ceramah ring sajeroning pamargin paplajahan basa Bali. Lianan punika, panilik taler nyingakin indik pasia krama guru sareng sisia kantun kirang utawi guru pinaka teacher center.

4 Piranti sane kaanggen guru ritatkala ngicenin paplajahan wantah buku kemanten. Mangda tetujon paplajahan prasida kapolihang, guru sapatutne waged lan gina ritatkala milihin indik piranti paplajahan. Manut Solehamin ( pangawigunaan piranti prasida ngawinang para sisia kantun produktif saantukan piranti punika ngicenin pengalaman melajah sane nglimbak, nenten ja nganggen siki indria kemanten. Majalaran antuk kawentenan piranti punika, para sisia nenten malih malajah antuk mirengang kemanten, nanging para sisia taler malajah majalaran antuk nyaksiang lan nelebin. Duaning paplajahan ngwacen aksara Bali salami niki kantun nganggen metode ceramah ring pamargi paplajahannyane ring sekolah, ngawinang para sisia sayan ngekoh mlajahin indik pasang aksara Bali punika. Indike punika taler sane ngawinang medalnyane pikobet sisia ring paplajahan pasang aksara Bali, minakadi sisia ten hapal indik aksara Bali lumbrah, sisia ten hapal indik pangangge-pangangge ring aksara Bali, sisia ten prasida ngwacen sasuratan sane nganggen aksara Bali, miwah sane tiosan. Manut ring tetuek paplajahan basa utaminyane paplajahan indik ngwacen aksara Bali, guru patut nganggen pendekatan sane berorientasi ring sisia (eostudent.blogspot.com/2014/). Silih sinunggil cara mangda pendekatan paplajahan punika prasida kamargiang inggih punika antuk ngawentenang indik variasi ring paplajahan. Silih sinunggil wangun variasi ring paplajahan inggih punika piranti paplajahan. Ring paplajahan ngwacen aksara Bali taler patut kajahin nganggen piranti paplajahan. Piranti paplajahan sane kaarsa manut ring inggih punika piranti gambar. Wenten makudang-kudang tetilikan saking panilik siosan sane nganggen piranti gambar pinaka panandang ring tetiliknyane, minakadi tetilikan saking Luh Gede Meriati sane mamurda Penerapan Media Gambar Berseri Berlatar Budaya Bali untuk Meningkatkan Hasil Belajar Menulis Deskripsi dengan Huruf Latin Siswa Kelas X 2 SMA Negeri 1 Sukasada lan tetilikan saking Ni Putu Nova Kartika Sari sane mamurda Kemampuan Menulis Puisi Bali Anyar dengan Menggunakan Media Gambar pada Siswa Kelas VIII A4 SMP Negeri 1 Singaraja. Makakalih tetilikan punika nganggen piranti gambar pinaka penandang tetilikan, nanging piranti gambar punika kaanggen ring paplajahan indik kawagedan nyurat. Pikolih saking kalih tetilikan punika nyihnayang indik ring paplajahan nyurat deskripsi lan puisi Bali anyar prasida nincap. Saking tetilikan sarupa punika, panilik madue manah indik kawentenan piranti gambar punika taler prasida kaanggen nincapang kawegedang sisia ring paplajahan ngwacen aksara Bali. Nanging iriki panilik mautsaha ngwentenang piranti gambar sane inovatif lan manut ring kawentenan emosional sisia SD sane kantun seneng maplalian. Piranti gambar punika marupa paplalianan Monopoli. Monopoli inggih punika silih sinunggil paplalianan sane pinih kasub ring jagate ( Paplalianan monopoli lumbrahnyane nganggen gambargambar genah sane sampun kasub ring dura negara, minakadi menara Pissa, menara Eiffel, Dubai, miwah sane tiosan. Jinah sane kaanggen ring paplalianan punika taler kari nganggen jinah dollar. Ring paplalianan monopoli mabasa Bali puniki, gambar-gambar sakadi menara Pissa, menara Eiffel, Dubai, miwah sane tiosan punika

5 kagentosin antuk gambar pura-pura sane wenten ring Bali minakadi Pura Besakih, Lempuyang, Goa Lawah, Goa Gajah, miwah sane tiosan. Lianan teken gambar pura, genahgenah pariwisata minakadi Uluwatu, GWK, pasisi Kuta, pasisi Lovina, miwah sane tiosan taler kaanggen mangda para sisia kantun nampek ring kawentenan genah-genah punika sane pacang ngawinang sisia dangan ritatkala ngamargiang paplalianan monopoli mabasa Bali punika. Ring gambar-gambar punika aksara-aksara Bali punika kasurat, minakadi ring gambar pura Besakih madaging aksara na, dadosne ritatkala sisia eling ring pura Besakih, ipun taler eling ring aksara na punika. Manut kerangka konseptual ring ajeng, prasida kamedalang hipotesis indik iusan saking pengawigunaan piranti gambar pacang nyihnayanang pikolih sane nincap. Duaning asapunika, panilik marasa kadudut ngwentenang tetilikan sane mamurda iusan ring sisia kelas V SDK Marsudirini. Manut ring dadalan pikobet ring ajeng, prasida kapolihang antang pikobet ring tetilikan puniki inggih punika (1) Sapunapi iusan ring sisia kelas V SDK Marsudirini? lan (2) Napi manten pikobet-pikobet sane wenten ring sisia kelas V SDK Marsudirini ring paplajahan ngwacen aksara Bali? Manut ring pikobet sane katlatarang ring ajeng, tetujon tetilik puniki (1) Mangda uning indik iusan paplajahan ngwacen aksara ring sisia kelas V SDK Marsudirini. (2) Mangda uning indik pikobet-pikobet sane wenten ring sisia kelas V SDK Marsudirini ring paplajahan ngwacen aksara Bali. Tetilik puniki mangda prasida molihang kawigunan majeng ring para jatma. Kawigunan sane kaaptiang inggih punika kawigunan teoristis lan kawigunan praktis. Kawigunan teoritis ring tetilikan puniki, inggih punika Tetilikan puniki kaaptiang prasida ngicenin sumbangan konseptual majeng ring pendidikan basa, utaminyane indik ring sisia SD. Malarapan antuk informasi-informasi sane kapolihang saking tetilikan puniki, pacang kauningin indik pikobet-pikobet sisia ring lan iusan pangawigunaan piranti gambar. Kawigunan praktis ring tetilikan puniki, inggih punika pinaka informasi majeng ring guru ngenenin indik pikobet-pikobet sane wenten ring paplajahan ngwacen aksara Bali lan pikolih saking iusan ring sisia SD, lianan teken punika pikolih tetilikan puniki prasida kaanggen motivasi malajah majeng ring sisia lan sumangdane prasida nincapang kawagedan druene ring ngwacen aksara Bali. Majeng ring panilik sane tiosan, pikolih tetilikan puniki prasida kaanggen data sekunder ritatkala ngwentenang tetilikan sarupa mangda prasida nincapang penglimbakan ilmu pengetahuan utaminyane ring wawidangan ngwacen aksara Bali, lan Pikolih tetilikan puniki kaaptiang prasida dados informasi majeng ring guruguru sane tiosan sumangdane prasida waged lan gina ritatkala milihin lan nganggen piranti paplajahan ring kelas

6 KRAMANING TETILIK Tetilikan puniki nganggen palihan tetilik deskriptif kualitatif, deskriptif kuantitatif, lan deskriptif komparatif. Tetilikan puniki kalaksanyang sumangdane prasida kauningin indik sapunapi iusan pengawigunaan piranti gambar (monopoli) ring paplajahan ngwacen aksara Bali lan pikobet sane kapanggihin para sisia rikala ngwacen aksara Bali. Jejering (subjek) ring tetilik puniki inggih punika sisia kelas V.A lan sisia kelas V.B SDK Marsudirini. Makakalih kelas puniki kaambil kadasarin antuk kawagedan sisia ring kalih kelas punika wenten ring rata-rata kelas sane relatif pateh. Indike punika kauiningi saking catetan biji rata-rata kelas sane kapolihang saking guru mata pelajaran basa Bali ring kelas punika. Penyebaran sisia ring soang-soang kelas punika taler merata. Dadosne akeh sisia sane kasengguh dueg, sedeng, lan kirang ring soang-soang kelas punika relatif pateh. Panandang (objek) ring tetilikan puniki inggih punika iusan (monopoli) ring paplajahan ngwacen aksara Bali lan pikobet-pikobet sane wenten ring sisia ring paplajahan ngwacen aksara Bali. Sajeroning kramaning mupulang data sane kaanggen inggih punika: (1) pepintonan, lan (2) sadu wicara. Kramaning pepintonan anggen ngrereh data indik pabinayan pikolih sisia ring paplajahan ngwacen aksara Bali sadurung nganggen piranti lan sesampun nganggen piranti. Tios ring punika kramaning sadu wicara kanggen mangda uning ring pikobet sane kapanggihin sisia ring paplajahan ngwacen aksara Bali. Piranti sane kaanggen inggih punika Tugas sane kaicen majeng ring para sisia inggih punika indik pepintonan tulis ngenenin pasang aksara Bali lan pedoman sadu wicara majeng ring sisia kelas V SDK Marsudirini. Data sane sampun kapolihang mawit saking kramaning pratiaksa lan sadu wicara puniki pacang kaolah antuk deskriptif kualitatif mangda prasida kauningin indik iusan lan pikobet-pikobet sisia ring paplajahan punika, pikolih indik kramaning pepintonan kaolah antuk deskriptif kuantitatif, lan data indik pikolih saking soang-soang kelas jagi kasaihang antuk deskriptif komparatif. Pamargi data tureksa sane kalaksanayang ring sajeroning tetilikan puniki sakadi: (1) reduksi data, (2) deskripsi data, (3) klasifikasi data, miwah (4) panyutetan. PIKOLIH LAN TETEPASAN Pikolih Tetilik Ring pikolih tetilikan puniki pacang katlatarang data sane sampun kapolihang, mapaiketan sareng pikobet ring tetilikan puniki. Data punika sakadi: (1) pikolih pepintonan sisia kelas V SDK Marsudirini Negara indik pasang aksara Bali sadurung lan sesampun kājahin nganggen piranti paplajahan, miwah (2) pikobet sane kapanggihin sisia kelas V SDK Marsudirini rikala malajahin indik pasang aksara Bali. Parindikan inucap pacang katlatarang ring sor puniki. Tetilik puniki genahnyane ring kelas V SDK Marsudirini. Pikolih tetilikan puniki medal saking kramaning pepintonan miwah sadu wicara. Kramaning pepintonan puniki ngamedalang kalih pikolih inggih punika pikolih sadurung kājahin nganggen piranti gambar (monopoli) mabasa Bali pinaka piranti paplajahan miwah pikolih sesampun kājahin nganggen piranti

7 gambar (monopoli) mabasa Bali pinaka piranti paplajahan. Sajeroning kramaning sadu wicara ngamedalang pikolih indik pikobet sane kapanggihin sisia kelas V SDK Marsudirini rikala malajahin indik pasang aksara Bali. Pikolih inucap pacang katlatarang sakadi ring sor. Data indik iusan ring sisia kelas V SDK Marsudirini kambil ring rahina Buda, tanggal 14 Januari Sisia sane nyarengin rikala pepintonan puniki akehnyane 30 diri. Tetilikan puniki nganggen genah ring kelas V.B SDK Marsudirini Negara. Mangda uning iusan pangawigunaan piranti gambar (monopoli) mabasa Bali ring paplajahan ngwacen aksara Bali ring sisia kelas V SDK Marsudirini, ring tetilikan puniki kanggen kramaning pepintonan. Risampun data mapupul, kalanturang antuk nureksain pikolih pepintonan saking sisia. Wusan nureksain pakaryan sisia, pikolih pepintonan sisia prasida katlatarang kaurut saking pikolih biji sane gede ngantos pikolih biji sane cerik, sakadi ring sor puniki. Manut rata-rata biji pepintonan kapertama, kawagedan sisia kelas V.B SDK Marsudirini Negara indik paplajahan pasang aksara Bali wenten ring rata-rata kelas 46,5. Rata-rata punika ngranjing ring sesengguh kirang. Yening kacarca prasida sakadi puniki. Saking 30 sisia sane nyarengin, kapolihang 1 diri sisia (3,3%) ngamolihang biji 90, kasengguh lintang becik, 5 diri sisia (16,7%) ngamolihang biji 70, kasengguh becik, 6 diri sisia (20,0%) ngamolihang biji 55 ngantos 60, kasengguh sedeng, 4 diri sisia (13,3%) ngamolihang biji 45 ngantos 50, kasengguh kirang, 14 diri sisia (46,7%) ngamolihang biji 20 ngantos 40, kasengguh lintang kirang. Saking data ring ajeng, prasida kacingak indik pikolih pepintonan kapertama sane kamargiang ring kelas V.B SDK Marsudirini sadurung kajahin nganggen piranti paplajahan, nyantenang indik kawagedan ratarata sisia ring kelas punika wenten ring sesengguh kirang. Malih awukunyane ring rahina Soma, Tanggal 19 Januari 2015 kalanturang antuk ngamargiang tetilikan puniki ring kelas V.A SDK Marsudirini. Ring kelas puniki, sisia kajahin indik materi pasang aksara Bali sane pateh sakadi ring kelas V.B, nanging pabinayannyane ring kelas V.A puniki sisia kajahin nganggen piranti paplajahan marupa piranti gambar (monopoli) mabasa Bali. Sawusan guru nelatarang indik materi paplajahan, sisia kelas V.A taler kaicenin pepintonan sane pateh sakadi ring kelas V.B. Risampun data mapupul, kalanturang antuk nureksain pikolih pepintonan saking sisia. Wusan nureksain pakaryan sisia, pikolih pepintonan sisia prasida katlatarang maurut saking pikolih biji sane gede ngantos pikolih biji sane cerik, sakadi ring sor puniki. Pikolih pepintonan nyantenang indik kawagedan sisia ring sesampun kājahin nganggen piranti gambar (monopoli) mabasa Bali wenten ring Rata-rata 75,83 sane kasengguh becik. Yening kacarca prasida sakadi puniki. Saking 30 sisia sane nyarengin, kapolihang 10 diri sisia (33,3%) ngamolihang biji 85 ngantos 100, kasengguh lintang becik, 13 diri sisia (43,3%) ngamolihang biji 70 ngantos 80, kasengguh becik, 4 diri sisia (13,3%) ngamolihang biji 65, kasengguh sedeng, 3 diri sisia (10,0%) ngamolihang biji 50, kasengguh kirang. Data ring ajeng prasida nyihnayang indik pangawigunaan piranti gambar (monopoli) mabasa Bali prasida maiusan ring paplajahan ngwacen aksara Bali. Indike punika

8 manut sakadi napi sane kabaosang olih Solehamin ( inggih punika pangawigunaan piranti prasida ngawinang para sisia kantun produktif santukan piranti punika ngicenin pengalaman melajah sane nglimbak, nenten ja nganggen sikian indria manten. Majalaran antuk kawentenan piranti punika, para sisia nenten malih malajah antuk mirengang manten, nanging para sisia taler malajah majalaran antuk nyaksiang lan nelebin. Indike punika kajantenang antuk panincapan rata-rata kawagedan sisia saking pepintonan kapertama lan pepintonan kaping kalih Mangda uning pikobet sane kapanggihin sisia rikala malajah indik ngwacen aksara Bali, kalaksanayang sadu wicara majeng ring para sisia. Ring sadu wicara puniki wenten 10 diri sisia sane katakenin sane kaambil saking kalih kelas sane dados jejering ring tetilikan puniki. Ring soang-soang kelas kapilih 5 diri sisia sane kambil acak. Ring sajeroning sadu wicara sane kalaksanayang, sane kapertama sisia sane dados responden katakenin indik napike sisia seneng malajah indik basa Bali? Saking pitaken punika 8 diri sisia nyawis indik ipun kirang seneng malajahin basa Bali. Ipun maosang indik paplajahan Basa Bali punika ngemedin lan keweh. Sisannyane malih kalih diri responden maosang biasa manten, nenten ja seneng pisan taler nenten ja sing demen. Indike punika nyantenang indik sisia kantun nenten seneng malajah basa Bali santukan paplajahan basa Bali kaanggep pinaka paplajahan sane keweh. Wusan nika, panilik malih mataken sareng responden napike paplajahan pasang aksara Bali nika keweh? Saking pitaken punika, makasami responden maosang indik paplajahan pasang aksara Bali punika keweh santukan wangun aksaranyane keweh hapalang. Lianan punika, wenten responden sane maosang indik paplajahan pasang aksara Bali punika akeh madaging uger-uger sane ngawinang ipun bingung lan marasa keweh malajahin indik pasang aksara punika. Indike punika nyantenang indik sisia kari nenten kresep ring paplajahan pasang aksara Bali sane ngawinang ipun marasa keweh malajahin indik paplajahan punika. Ngelantur ring pitaken sane kaping tiga indik kawagedan sisia ngwacen sesuratan sane nganggen aksara Bali. Ritatkala katakenin indik napike ragane prasida ngwacen sesuratan sane nganggen aksara Bali? Makasami responden maosang nenten tatas ring ngwacen sesuratan sane nganggen aksara Bali. Indike punika nyantenang indik sisia kantuk senengan nyalin sasuratan maaksara Bali saihang tekening ngwacen sasuratan maaksara Bali. Ritatkala katakenang indik indik ha, na, ca, ra ka, ngantos nya punika rumasuk ring aksara napi, akeh responden sane tan prasida nyawis. Wenten responden sane nyawis ha, na, ca, ra, ka ngantos nya punika rumasuk ring aksara Bali. Wenten taler sane maosang indik ha, na, ca ngantos nya punika rumasuk ring aksara wianjana, saantukan dugase ring kelas IV gurune maosang indik ha, na, ca, ra, ka, ngantos nya punika rumasuk ring aksara wianjana. Dadosne para sisia kari nenten uning indik pah-pahan ring aksara B, kali. Wenten taler sane kantun uning indik ha, na, ca, ra, ka punika rumasuk ring aksara wianjana saantukan ipun kantun ngresepang indike punika sane kapolihang saking sumber sane kirang jangkep. Ngenenin indik pangangge ring aksara Bali, akehan responden sane wantah uning sawates ring

9 pangangge suara. Nanging ipun durung tatas pisan ngenenin indik pangangge suara punika. Akeh taler responden sane kantun bingung ritatkala minayang pangangge suara suku lan hulu. Lianan teken punika, ring pangangge tengenan para responden kantun bingung minayang indik surang lan pepet. Manut pikolih sadu wicara punika, prasida kauningin indik pikobet-pikobet sisia minakadi, ngaat sisia malajahin basa Bali kantun kirang santukan ipun kantun nenten seneng tekening paplajahan punika. Materi indik pasang aksara Bali taler sane pinih takutine olih para sisia, santukan materi punika kasengguh keweh olih sisia, napi malih yening sisia punika katunden ngwacen sesuratan sane nganggen aksara Bali, akeh sisia sane maosang nenten prasida ngwacen sesuratan sane nganggen aksara Bali santukan ipun ten hapal ring aksara Bali punika. Pangresepan sisia ring soroh aksara Bali taler kantun iwang, santukan ipun molihang indik pangresepan punika saking sumber sane kirang jangkep. TETEPASAN Tetepasan puniki nlatarang indik pikolih sane mabuat sajeroning tetilikan, utaminyane mapaiketan ring bantang pikobet miwah tetujon tetilikan. Pikolih sajeroning tetilikan puniki marupa: (1) iusan ring sisia kelas V SDK Marsdurini, (2) pikobet-pikobet sane wenten ring sisia kelas V SDK Marsudirini ring. Parindikan inucap pacang katlatarang ring sor puniki. Iusan pangawigunaan piranti gambar kajantenang antuk pikolih pepintonan sane kamargiang ring kelas V.A lan V.B. Makakalih kelas puniki kaanggen jejering tetilikan santukan manut catetan rata-rata biji kelas sane kapolihang saking guru mata pelajaran, kajantenang indik rata-rata kelas saking makakalih kelas punika relatif pateh. Santukan kawagedan makakalih kelas punika pateh, dadosne panilik ngraris ngemargiang tetilikan nganggen kramaning sane matiosan ring soang-soang kelas. Ring kelas V.B, para sisia kajahin indik pasang aksara Bali nganggen kramaning ceramah kemanten lan ring kelas V.A para sisia kajahin indik pasang aksara Bali nganggen piranti paplajahan sane marupa piranti gambar (monopoli) mabasa Bali. Ring pamargi paplajahan sane kapertama, sisia kelas V.B kari kaajahin nganggen kramaning ceramah sakadi sane sampunsampun. Ring pamargi paplajahan punika kacingak indik sisia kantun med nyarengin paplajahan, akeh sisia sane kiap lan akeh sisia siosan sane macanda, lan pikolih pepintonan ring kelas punika kari wenten ring sesengguh kirang inggih punika 46,5. Indike punika nyihnayang indik sisia during tatas ngresep ring paplajahan ngwacen pasang aksara Bali, yadiastun ipun sadurungnyane sampun molihang indik materi sane pateh ring kelas IV. Ring paplajahan kaping kalih kamargiang ring kelas V.A. Duaning kawagedang kelas V.A lan V.B relatif pateh, dadosne ring kelas puniki nenten malih kaajahin nganggen kramaning ceramah, saantukan, yening malih kelas punika kaajahin antuk kramaning ceramah, pastika pikolihnyane pacang pateh lan indike punika pacang nelasang galah sane akeh. Dadosne, mangda galah sane kaanggen prasida efisien, sisia ring kelas V.A punika langsung kaajahin nganggen piranti gambar (monopoli) mabasa Bali. Ring pamargi paplajahan punika kacingak indik sisia kantun ngaat lan urati nyarengin paplajahan rikala

10 guru nguningayang jagi ngawentenang paplalianan ring paplajahan punika. Saking ngawit ngantos puput guru nelatarang lan ngamargiang paplajahan, uratian sisia nenten surut, napi malih ritatkala ngmargiang paplalianan monopoli mabasa Bali punika, sisia kacingak dahat seneng pisan. Nenten wenten sane kiap lan mecanda sareng sawitrane, sami antusias maplalianan monopoli mabasa Bali punika. Wusan punika, sisia taler kaicenin pepintonan sane pateh sareng kelas V.B. Pikolih pepintonan ring kelas V.A puniki wenten ring rata-rata biji 75,83 sane wenten ring sesengguh becik. Indike punika nyantenang indik sisia sampun prasida ngresepang indik paplajahan ngwacen aksara Bali, yadiastun nenten sami molihang biji sane lintang becik, nanging yening cingak saking rata-rata biji sane kapolihang punika, sampun wenten panincapan saking pikolih sadurungnyane. Saking data punika prasida kabaosang indik pangawigunaan piranti gambar (monopoli) mabasa Bali prasida maiusan ring panincapan kawagedan sisia ring. Indike punika prasida kabaos maiusan santukan ring kelas V.A sane kaajahin nganggen piranti gambar (monopoli) mabasa Bali, kacingak sisia kantun antusias lan ngaat nyarengin paplajahan. Yening sisia sampun urati, pastika paplajahan punika prasida karesepang. Indike punika manut sakadi sane baosang olih Solehamin ( indik pangawigunaan piranti prasida ngawinang para sisia kantun produktif saantukan piranti punika ngicenin pengalaman melajah sane nglimbak, nenten ja nganggen siki indria kemanten. Majalaran antuk kawentenan piranti punika, para sisia nenten malih malajah antuk mirengang kemanten, nanging para sisia taler malajah majalaran antuk nyaksiang lan nelebin. Iusan pangawigunaan piranti gambar (monopoli) mabasa Bali puniki wenten ring panincapan uratian lan rasa ngaat malajah sisia sane taler ngiusin ring pikolih malajah sisia. Duaning kawagedan sisia kelas V.A lan V.B pateh, pastika yening piranti gambar (monopoli) mabasa Bali puniki taler kaanggen ritatkala ngajahin ring kelas V.B, pikolih rata-rata biji kelas V.B punika taler pacang nincap. Duaning asapunika, paplajahan ngwacen aksara prasida kaanggen olih guru ritatkala ngamargiang paplajahan. Dadosne, saking (monopoli) mabasa Bali punika sisia prasida nglimbakang uratian lan rasa ngaat malajahnyane. Ipun nenten malih mirengang kemanten gurunyane nelatarang materi, nanging ipun prasida ngraris macande lan maplalian sareng materi indik pasang aksara sane kājahin malarapan antuk piranti gambar (monopoli) mabasa Bali punika. Dadosne para sisia kantun inget teken materi sane kaplajahin lan rasa emed malajah prasida kaicalang. Nglantur ring bantang pikobet sane kaping kalih ngenenin indik pikobet-pikobet sane wenten ring sisia kelas V SDK Marsudirini ring manut sakadi sane sampun kaunggahang ring sajeroning pikolih tetilikan, wenten makudang-kudang pikobet sisia ring paplajahan ngwacen aksara Bali. Pikobet punika kauningayang olih sisia ring galah sadu wicara sane akehnyane 10 diri responden. Ring sajeroning sadu wicara punika, kajantenang pikobet para sisia sajeroning paplajahan ngwacen aksara Bali sane marupa: (1) kaweruhan basa Bali, (2)

11 kaweruhan pasang aksara Bali, (3) kawagedan sisia ngwacen sesuratan maaksara Bali, (4) pah-pahan aksara Bali, miwah (5) pangangge ring aksara Bali. Pikobet sajeroning kaweruhan basa Bali nyihnayang para sisia kantun nenten seneng malajah indik basa Bali santukan ipun nganggep basa Bali punika pinaka paplajahan sane keweh lan ngemedin. Pikobet punika medal santukan salami niki guru kantun nganggen kramaning ceramah ring sajeroning ngamargiang paplajahan ring kelas sane ngawinang sisia nenten urati lan nenten ngaat nyarengin paplajahan. Yening sisia nenten ngaat nyarengin paplajahan, pastika paplajahan punika nenten kresepang olih sisia, santukan sisia kantun arip ritatkala nyarengin paplajahan punika. Pikobet sajeroning kaweruhan pasang aksara Bali nyihnayang para sisia maosang indik paplajahan pasang aksara Bali pinaka paplajahan sane keweh. Akeh sisia sane maosang indik paplajahan pasang aksara Bali punika keweh santukan wangun aksaranyane keweh hapalang. Lianan punika, wenten taler sisia sane maosang indik paplajahan pasang aksara Bali punika akeh madaging uger-uger sane ngawinang ipun bingung lan marasa keweh malajahin indik pasang aksara punika. Kawentenan puniki sane ngawinang para sisia meweh malajahin indik pasang aksara Bali. Pikobet sajeroning kawagedan ngwacen sesuratan maaksara Bali nyihnayang para sisia durung waged ngwacen sasuratan sane nganggen aksara Bali. Para sisia kantun senengan nyalin sasuratan sane maaksara Bali. Ipun wantah ngisidang sasuratan aksara ring wacana ka buku tugas druene antuk nyingak wangun aksaranyane manten, nanging nenten kresep indik wastan soang-soang aksara sane kasurat napi malih kresep indik daging wacana sane kasurat. Pikobet sajeroning pahpahan aksara Bali anyihnayang para sisia durung uning indik pah-pahan aksara Bali. Para sisia kantun ngresepang indik aksara Bali wantah sawates ha, na, ca, ra, ka, da, ta, sa, wa, la, ma, ga,ba, nga, pa, ja, ya, nya kemanten. Ipun nenten uning indik napi nika aksara wianjana, aksara wreastra, miwah aksara swalalita. Yening ipun mireng indik ha, na, na, ca,. nya, ipun ngraris maosang indik nika aksara Bali. Yen selehin, panyawis saking sisia punika nenten ja iwang, saantukan aksara wreastra (ha, na, ca, nya) punika rumasuk ring pah-pahan pasang aksara Bali, nanging yening bakta ring teorinyane, punika iwang. Pikobet sajeroning pangangge ring aksara Bali nyihnayang indik para sisia kantun bingung ring wasta saking soang-soang pangangge punika. Minakadi ring pangangge suara, para sisia kantun bingung minayang indik pangangge suara suku lan hulu, nanging ipun uning ring wangun lan suarannyane. Indike punika taler manut sakadi pikolih tetilikan sane kamargiang olih I Gusti Ayu Agung Indah Arini (2012) sane mamurda kemampuan memahami wacana cerpen beraksara Bali siswa kelas VII SMP Lab. Undiksha Singaraja dalam pembelajaran membaca. Ring tetilikan sane kamargiang olih Gusti Ayu punika, kapanggih pikobet ring sisia minakadi, sisia nenten hapal indik aksara Bali, sisia during tatas uning indik pangangge ring aksara Bali, wenten taler pikobet sisia ring uger-uger pasang aksara Bali sane ngawinang sisia meweh ring ngwacen sesuratan sane nganggen pasang aksara Bali. Lianan punika, wenten taler panilik siosan sane ngamanggihin pikobet sane pateh, inggih punika I Wayan Agus India Wijaya (2012) antuk tetilikannyane

12 sane maurda kemampuan menulis wacana berbahasa Bali huruf latin ke aksara Bali pada siswa X Boga 2 SMKN 2 Singaraja. Pikolih tetilikan punika nyantenang indik sisia durung tatas hapal ring aksara Bali. Akeh sisia sane nenten prasida nyurat wacana mabasa Bali sane kari nganggen aksara latin ka aksara Bali, santukan ipun ten hapal ring aksara Bali lan nenten kresep indik uger-uger nyurat aksara Bali. Akeh taler sisia sane nenten tatas ring pangangge aksara Bali. Yening nyurat sampun nenten prasida, pastika ngwacen taler tan prasida. Saking kalih tetilikan punika, yadiastun jenjang pendidikan-nyane matiosan, nanging pikobet sane kapanggih pateh. Dadosne pikobet ring paplajahan pasang aksara Bali ring SD, SMP, lan SMA/SMK nyihnayang pikobet sane pateh. Indike punika manut sakadi napi sane kabaosang olih Tinggen (1993:11) ngenenin indik pikobetpikobet sane kapanggih ring ngwacen wacana maaksara Bali, minakadi: (1) kirangnyane kaweruhan pangwacen ring aksara Bali, (2) ring aksara Bali akidik wenten ceciren pepaosan, (3) kawentenan uger-uger malianan sane kaanggen olih pangawi, (4) kirangnyane kaweruhan pangwacen ring basa Bali punika, (5) daging wacana maaksara Bali akehan nenten manut ring uger-uger, (6) kirangnyane uratian pangwacen ring wacana maaksara Bali, lan (7) wacana maaksara Bali madaging lengkara sane lantang. Saking pikobet sane kaunggahang olih Tinggen punika, kawentenan pikobet sisia wenten ring kirangnyane kaweruhan pangwacen ring aksara Bali, kirangnyane kaweruhan pangwacen ring basa Bali punika, lan kirangnyane uratian pangwacen ring wacana maaksara Bali. Saking data punika, prasida kacingak indik pangawigunaan kramaning paplajahan mabuat pisan iusannyane ring kawagedan sisia. Dadosne guru kaptiang pisan mangda prasida ngicenin variasi ring paplajahan mangda sisia kantun ngaat nyarengin paplajahan. Yening guru prasida nincapang uratian sisia ring paplajahan, pastika pikobetpikobet ring sisia punika prasida kaicalang. Mungguing asapunika, pikolih tetilikan puniki nyihnayang indik (monopoli) mabasa Bali prasida ngiusin indik panincapan kawagedan sisia ring paplajahan ngwacen aksara Bali. Malarapan antuk parikrama puniki sisia prasida ngamolihang kaweruhan sane anyar miwah pikobet sisia prasida katepasin antuk pangawigunaan piranti gambar (monopoli) mabasa Bali ring paplajahan ngwacen aksara Bali, nanging tetilikan puniki wau sawates maiusan ring paplajahan ngwacen aksara Bali dasar ring sisia SD kemanten. PAMUPUT Pangawigunaan piranti gambar (monopoli) mabasa Bali prasida maiusan ring panincapan kawagedan sisia kelas V SDK Marsudirini ring paplajahan ngwacen aksara Bali. Indike punika kajantenang antuk panincapan pikolih pepintonan sane kamargiang sadurung kājahin antuk piranti paplajahan lan sesampun kājahin nganggen piranti paplajahan. Kalih kelas sane madue rata-rata kawagedan relatif pateh ritatkala silih sinunggil kelas (kelas V.B) kaajahin nganggen kramaning ceramah, pikolih rata-rata biji kelasnyane inggih punika 46,5 sane wenten ring sesengguh kirang. Wusan punika, silih sinunggil kelas (kelas V.A) kaajahin nganggen piranti gambar (monopoli) mabasa Bali, kelas punika prasida molihang pikolih sane nincap, inggih punika 75,83 sane wenten ring sesengguh becik. Santukan kawagedannyane pateh,

13 pastika kelas sane tiosan (kelas V.B) yening kaajahin nganggen piranti gambar taler molihang biji rata-rata kelas sane nincap. Pikobet-pikobet sisia ring punika makadi: (1) Indik kaweruhan basa Bali, nyantenang indik sisia kantun nenten seneng malajah basa Bali santukan paplajahan basa Bali kaanggep pinaka paplajahan sane keweh. (2) Indik kaweruhan pasang aksara Bali, nyantenang indik sisia kari nenten kresep ring paplajahan pasang aksara Bali sane ngawinang ipun marasa keweh malajahin indik paplajahan punika. (3) Indik pahpahan aksara Bali, nyantenang indik sisia kantuk senengan nyalin sasuratan maaksara Bali saihang tekening ngwacen sasuratan maaksara Bali. (4) indik pangangge ring aksara Bali, nyihnayang para sisia durung uning indik pah-pahan aksara Bali. (5) indik paplajahan ngwacen aksara Bali, nyihnayang indik para sisia kantun bingung ring wasta saking soang-soang pangangge punika. KAPUSTAKAAN Arini, I Gusti Ayu Agung Indah Kemampuan Memahami Wacana Cerpen Beraksara Bali Siswa Kelas VII SMP Lab. Undiksha Singaraja. Tugas Akhir (Nenten Kamijilang). Jurusan Pendidikan Bahasa Bali D3. Universitas Pendidikan Ganesha. Bali Post. 3 Mei Pergub Bali No. 20. Tahun 2013 tentang Bahasa Daerah Bali Pada Pendidikan Dasar dan Menengah. hal. 3 _permainan_monopoli/ hakikat_pembelajaran_bahasa m Meriati, Luh Gede Penerapan Media Gambar Berseri Berlatar Budaya Bali untuk Meningkatkan Hasil Belajar Menulis Deskripsi dengan Huruf Latin Siswa Kelas X.2 SMA Negeri 1 Sukasada. Tugas Akhir (Nenten Kamijilang). Jurusan Pendidikan Bahasa Bali D3. Universitas Pendidikan Ganesha. Sari, Ni Putu Nova Kartika Kemampuan Menulis Puisi Bali Anyar dengan Menggunakan Media Gambar pada Siswa Kelas VIII A.4 SMP Negeri 1 Singaraja. Tugas Akhir (Nenten Kamijilang). Jurusan Pendidikan Bahasa Bali D3. Universitas Pendidikan Ganesha. Sudiana, I Nyoman Membaca. Malang: Universitas Negeri Malang. Tinggen, I Nengah Ejaan Bahasa Bali yang Disempurnakan. Denpasar: Dinas Pengajaran Daerah Tingkat I Bali. Wijaya, I Wayan Agus India Kemampuan Menulis Wacana Berbahasa Bali Berhuruf Latin ke Aksara Bali pada Siswa X Boga 2 SMKN 2 Singaraja. Tugas Akhir (Nenten

14 Kamijilang). Jurusan Pendidikan Bahasa Bali D3. Universitas Pendidikan Ganesha.