GENDING-GENDING REGGAE BALI JONI AGUNG SESELEH SEMIOTIKA TETUJON IDUP MANUSA PAIKETANNYANE SARENG AJAH-AJAHAN PAWATEKAN

Transkripsi

1 GENDING-GENDING REGGAE BALI JONI AGUNG SESELEH SEMIOTIKA TETUJON IDUP MANUSA PAIKETANNYANE SARENG AJAH-AJAHAN PAWATEKAN I.B. Pidada Adi Putra 1, I.B. Putra Manik Aryana 1, I.B. Ludy Paryatna 2 Jurusan Pendidikan Bahasa Bali Fakultas Bahasa dan Seni Singaraja, Indonesia {pidada_putra@yahoo.com, yc9cda@yahoo.com, ludiparyatna@yahoo.com}@undiksha.ac.id, Kuub Tetilikan puniki medue tetujon nlatarang indik (1) sistem tanda sane wenten ring album tembang reggae sane mamurda melalung olih Joni Agung, miwah (2) paiketan tetujon idup manusa sane wenten ring album melalung sareng ajah-ajahan pawatekan yening katilikin manut widya semiotika. Jejering saking tetilikan puniki inggih punika tembang reggae mabasa Bali sane wenten ring album melalung sane kakaryanin olih Joni Agung. Panandang saking tetilikan puniki inggih punika sistem tanda miwah paiketan tembang reggae mabasa Bali ring album melalung pakardin Joni Agung yening katilikin manut widya semiotika. Tetilikan puniki wantah nganggen palihan tetilik deskriptif kualitatif. Tetilikan puniki nganggen kalih kramaning mupulang data inggih punika kramaning sadu wicara, kramaning dokumentasi. Piranti sane kaangen mupulang data inggih punika kartu data lan pitaken sadu wicara. Data tureksa sane kaanggen minakadi: (1) milihin data (reduksi data), (2) nyorohang data, (3) ngawedarang data, (4) panyutetan. Pikolih ring tetilik puniki inggih punika (1) daging tembang reggae mabasa Bali ring album melalung pakardin Joni Agung sane katilikin antuk widya semiotika tur kapanggihin sasuratan tembang satmaka penanda, miwah pabesen, teges utawi konsep saking tembang punika sane dados petanda (2) paiketan tetujon idup manusa sane wenten ring album melalung pakardin Joni Agung sareng ajah-ajahan pawatekan prasida kapanggihin catur marga, catur purusha arta miwah catur asrama pinaka tetujon idup manusa, tur pabesen sane nyihnayang tetujon idup manusa punika taler medue pabesen sane madaging mustika ajah-ajahan pawatekan sane munggah ring sarasamuscaya tur sane kamedalang olih kemendiknas. Kruna jejaton : tembang reggae Joni Agung, semiotika

2 Abstrak Penelitian ini bertujuan untuk menjelaskan tentang (1) sistem tanda yang terdapat dalam album melalung karya Joni Agung, dan (2) hubungan tujuan hidup manusia yang terdapat dalam album melalung karya Joni Agung dengan pendidikan karakter jika dianalisis dari Semiotika. Subyek dari penelitian ini adalah lagu reggae berbahasa Bali yang terdapat dalam album melalung karya Joni Agung. Objek dari penelitian ini adalah sistem tanda dan hubungan lagu reggae berbahasa Bali dalam album melalung jika dianalisis dari semiotika. Penelitian ini menggunakan analisis data deskriptif kualitatif. Dalam penelitian ini digunakan dua metode pengumpulan data, yaitu metode wawancara dan dokumentasi. Instrumen penelitian ini berupa kartu data dan pertanyaan wawancara. Analisis data yang digunakan dalam penelitian ini adalah reduksi data, klasifikasi data, penyajian data, dan penyimpulan. Hasil dari penelitian ini adalah (1) isi lagu reggae berbahasa Bali dalam album melalung karya Joni Agung dianalisis menggunakan kajian semiotika sehingga menemukan lirik lagu reggae sebagai penanda dan petanda dari lagu ini adalah pesan yang terkandung (2) hubungan tujuan hidup manusia yang terdapat dalam album melalung karya Joni Agung dengan pendidikan karakter dapat ditemukan ajaran agama yaitu catur marga, catur purusha artha, dan catur asrama sebagai tujuan hidup manusia dan pesan yang memiliki tujuan hidup manusia ini juga memiliki pesan yang sangat baik tentang pendidikan karakter yang terdapat dalam kitab sarasamuscaya dan yang dikeluarkan oleh kemendiknas. Kata Kunci : Lagu reggae Joni Agung, semiotika. Abstract This study aims to describe (1) system of signs contained in the album melalung works of Joni Agung and (2) relationship purpose of human life contained in the work of Joni Agung melalung album with character education when analyzed from Semiotics. The subjects of this study was speaking Bali reggae song contained in the album melalung work of Joni Agung. The object of this study is a system of signs and speak Balinese relationship reggae song on the album melalung when analyzed from semiotics. This study used a qualitative descriptive data analysis. In this study used two methods of data collection, the method of interviews and documentation. This research instrument in the form of a data card and interview questions. Analysis of the data used in this research is data reduction, data classification, data presentation, and inference. Results from this study are (1) Bali -language contents reggae song in the album of Joni Agung melalung work there are three types synopsis melalung album, a system of signs, and biographies. (2) Relationship purpose of human life contained in the work of Joni Agung melalung album with character education if analyzed from semiotics contained ten songs on the album that melalung (1) hidup di gumine, (2) jani, (3) melalung, (4) paid bangkung, (5) nuutin jaman, (6) jero gede, (7) rare angon, (8) tresna sujati, (9) kuang kejokan, (10) sere panggang sere tunu. Keywords : reggae song Joni Agung, semiotics.

3 PURWAKA Tembang ngranjing ring sinalih tunggil piranti bebaosan (komunikasi audio). Tembang pinaka sinalih tunggil tata cara sane kaanggen nglaksanayang bebaosan suara sane kaaptiang prasida ngicenin pabesen antuk tata cara sane matiosan. Ring tembang madue paiketan sareng basa, tegesnyane mapaiketan sareng basa santukan daging lan wangun taler cihnanyane olih paiketan suara lan kruna-kruna. Napi sane luih saking komponis ring purwakanti (sajak) pateh sareng sane kapanggihin saking sang sane nembangang tembang lan pangwacen sane musikal ring purwakanti punika: inggih punika musikalitas saking purwakanti (sajak) (Soekarno, 2006; 176). Tembang inggih punika sinalih tunggil piranti sane kaanggen nyihnayang kesenian, tembang nyihnayang kabudayaan ring wewengkon krama desa. Ring tembang punika taler madue mustika lan awigawig sane wenten ring para kramane tur sampun kamargiang dados dresta (norma-norma). Tembang punika taler madue rupa sane nyihnayang genah ipune, inggih punika saking struktural utawi wangunnyane ring kabudayaan. Ring Kamus Besar Bahasa Indonesia (1990:602) munggah, tembang inggih punika widya utawi seni sane mupulang suara sane kawetuang yadiastun punika suara sane ageng utawi alit (nada) utawi suara sane kawetuang, nyikiang (kombinasi) lan paiketan sareng ketukan (temporal) anggen ngamedalang pupulan suara (komposisi) sane madue genah pateh lan masikian (kesatuan). Suara sane kawetuang yadiastun punika suara sane ageng utawi alit (nada) utawi suara sane kapupulang tur ngawinang madue wirama sane patut (irama), tembang lan sane ngamedalang suara-suara lengut punika sane kautamayang (keharmonisan). Tembang pinaka piranti sane mautama pisan anggen ngicenin pabesen. Manut Parker (Djohan, 2003:4) tembang inggih punika mawit saking pikayunan, reng suara (elemen vibrasi) antuk gelombang (frekuensi), rupa suara, amplitudo, lan galah (durasi) sane durung dados tembang majeng manusa ngantos makasami punika katransformasi manut neurologis lan kaerasang ring untek/manah (otak). Tembang inggih punika wangun saking kria seni, lan widya. Pinaka wangun saking kria seni, tembang prasida kaanggen piranti bebaosan olih jadma sareng jadma sane tiosan. Silih sinalih tunggil tetujon saking tembang punika anggen piranti bebaosan. Nenten akeh jadma sane nembangang tembang anggen nglimurang manah ipun, akehan jadma nembangan tembang santukan meled pisan kapiragiang olih jadma sane tiosan. Antuk nganggen tembang, sang pengawi (musisi) meled nlatarang, nglimurang manah, ngicenin balihbalihan majeng jadma sane lianan. Tembang inggih punika sarana sane kaanggen olih sang pangawi (musisi), minakadi kruna-kruna sane pinaka sarana kaanggen ring panyurat tembang anggen nlatarang napi sane kaaptiang. Ring wewidangan tembang sane mangkin sampun akeh mikolihang panglimbak sane mabuat pisan. Akeh soroh tembang anyar sane wau embas lan nglimbak. Nanging panglimbak tembang ring warsane sane mangkin nenten ngawinang makudang-kudang tembang sane sampun sue wenten sayan rered. Sinalih tunggil tembang punika ngranjing ring tembang reggae. Reggae inggih punika soroh tembang sane witnyane kalimbakang ring Jamaika daweg warsa 60-an. Yadiastun sesai kaanggen ring makasami soroh tembang Jamaika, pesengan reggae patutnyane mapaiketan sareng gaya tembang sane nginutin panglimbak ska lan rocksteady. Reggae madue gaya ritmis sane nyihnayang aksen off-beat utawi sinkopasi, sane kasengguh pinaka skank, ketahnyane reggae madue tempo sane baged pisan yening kasaihang sareng ska utawi rocksteady.

4 Bob Marley pinaka sang sane nembangang tembang reggae tur sampun kaloktah ring dura Negara. Bob Marler taler pinaka bintang musik dunia kaping tiga sane kapertama dados panembang group Bob Marley & The Wailers lan sampun labda karya nguningayang tembang reggae sane jimbar (universal). Yadiastun asapunika, kawentenan tembang reggae kantun kasaihang saking tetamian tembang King of Reggae Musik, Hon, Robert Nesta Marley. Kajantenang malih antuk medalnyane The Harder they Come ring warsa 1973, reggae mrasidayang kaloktah ka dura Negara. Pademnyane Bob Marley ngraris ngawinang rasa sungsut majeng ring makasami jadma sane seneng sareng tembang reggae, sakewanten nglantur saking irika akeh malih medal panembang tembang reggae sane anyar, sane pacang nglimbakang tembang reggae punika sekadi Freddie McGregor, Denis brown, Garnet Silk, lan Rita Marley tur makudang-kudang semeton saking kaluwarga Marley. Daweg warsa 1986 tembang reggae ngawit katembangang ring Indonesia, band punika sekadi Barbet Community, Black Brother s Papua, lan Black Company sane madue soroh tembang genre reggae. Warsa sane mangkin panglimbak tembang reggae sampun dahat nincap pisan. Sinalih tunggil band sane nembangang tembang reggae ring Indonesia sekadi Steven & Coconut Treez, taler ring Bali tembang puniki sampun nglimbak taler antuk band ipun sane sampun kauningin olih krama Bali inggih punika Joni Agung lan Double T. Joni Agung utawi Gung Joni sane dados frontline Double T Band Reggae sane kawangun ring warsa 2003, ngawitin makarya tembang mabasa Bali antuk genre tembang reggae. Joni Agung pinaka jadma sane ngawinang prasida nglimbak tembang reggae ring Bali antuk dados tatuladan majeng band-band reggae sane anyar. Tembang-tembang sane prasida kapiragiang wenten tigang album : Pocol (2005), Melalung (2006), miwah Pul Si Noge (2007). Tembang-tembang puniki akeh sane ngamiletin napi malih ring para yowanane, tembang puniki akeh madaging pabesen, kritik, ironi, sane madaging pabesen indik jagat santhi (perdamaian). Soroh tembang reggae sane katembangan olih Joni Agung puniki makasami sasuratan tembang (lirik) ipune nganggen basa Bali. Antuk Sasuratan tembang (lirik) nganggen basa Bali puniki Joni Agung mrasidayang ngamedalang daging manah antuk tembang reggae. Sasuratan tembang (lirik) punika pinaka ngamedalang daging manah jadma indik napi sane sampun polih kacingakin, kapiragiang utawi sane sampun polih kalaksanayang. Ring ngawetuang manahnyane, penyair utawi panyurat tembang nglaksanayang pakaryannyane antuk nganggen krunakruna lan lengkara mangda prasida nudut kayun sang sane miragiang lan cihna majeng sasuratan tembang (lirik) utawi syairnyane. Basa punika prasida kaanggen ring wewidangan vocal, cihna basa utawi teges kruna lan kaimbuhin olih melodi lan notasi tembang sane sampun kaadungang olih sasuratan tembang (lirik, dadosnyane sang sane miragiang prasida nginutin lan uning napi sane kaaptiang olih sang sane makarya tembang punika. Teges sasuratan tembang (lirik) utawi syair tembang prasida taler kasengguh puisi, punika taler puisi prasida kasengguh tembang. Sane ngawinang panyurat nganggen tembang reggae saking Joni Agung santukan sasuratan tembang (lirik) reggae puniki gelis prasida karesepang teges lan pikenohnyane olih sang sane miragiang, sasuratan tembang (lirik) puniki taler dahat mabuat pisan teges kauripannyane antuk pabesen-pabesen sane mawiguna pisan ring kauripan sane mangkin. Tembang pinaka sarana bebaosan sane prasida nyiratang pabesen kauripan anggen sarana utsaha nincapang miwah matilesang raga soang-soang, mangda prasida mikolihang tetujon kauripan sane becik.

5 Sasuratan tembang (lirik) reggae saking Joni Agung sane wenten ring album Melalung puniki taler ngicenin inspirasi lan pabesen majeng ring krama sareng sami, napi malih majeng ring trunatrunine. Saking makasami sane katlatarang punika madue tetujon anggen nyuksemanin lan mangda uning teges tetujon idup sane wenten ring sasuratan tembang (lirik) reggae saking Joni Agung sane wenten ring album Melalung. Sekadi sane sampun katlatarang iwau, indik tetilikan puniki wantah matiosan sareng tetilikan sane kadadosang panyanding rikala sang sane nilikin puniki ngrereh data. Ring sajeroning tetilikan asoroh sane kadadosang panyanding, sampun janten sane katilikin punika sasuratan tembangnyane (lirik), sakewanten pinaka titi pangancan sane kaanggen nilikin punika matiosan sareng tetilikan sane pacang katilikin olih sang sane nilikin. Pinaka titi pangancan sane kaanggen panilik nilikin tetilikan sasuratan tembang (lirik) gendinggending reggae saking Joni Agung inggihan punika seseleh semiotika. Semiotika inggih punika widya sane mlajahin indik tanda-tanda (Trabaut,1996). Semiotika inggih punika widya sane sistematik mlajahin tandatanda, lambing-lambang, sistem lambang, lan proses lambang. Ring penampen semiotik, kria sastra punika pinaka tanda sekunder. Semiotik kakepah olih Van Zoust (1992) dados semiotik sintaksis, semiotik semantik, lan semiotik pragmatik. Semiotik sintaksis inggihan punika widya sane nyantenang ring paiketan tanda-tanda sareng interpretasi sane kapikolihang. Semiotik pragmatik inggih punika widya sane nyantenang paiketan pantaraning tanda sareng sane miragiang lan sane ngicenin penampen. Antuk nilikin nganggen semiotika ring tembang reggae Joni Agung puniki, pastika pacang dangan pisan nilikin santukan antuk semiotika puniki prasida ngrereh tanda utawi teges tetujon idup ring tembang reggae Joni Agung. Manut sane sampun katlatarang ring ajeng. Panilik pacang nglaksananyang tetilikin indik semiotika ring kawentenan tembang-tembang reggae Joni Agung antuk ngrereh teges tetujon idupnyane. Sauning panilik, ring Universitas Pendidikan Ganesha (UNDIKSHA) durung wenten sane nilikin kawentenan sasuratan tembang (lirik) reggae Joni Agung, dadosnyane tetilikan puniki ngranjing anyar. Tetujon sane ngawinang panilik nganggen tetilikan puniki, santukan gending-gending reggae Joni Agung punika dangan pisan karesepang tembangnyane, tiosan taler teken punika antuk ritme reggae puniki prasida taler dangan karesepang. Lianan taler tekening punika, tetujon sane dahat mautama sane kaanggen olih panilik, ring tembang reggae sane katembangang olih Joni Agung puniki akeh pisan madaging pabesen-pabesen sane becik tur mapaiketan sareng geginan para jadmane sarahina, miwah akeh pisan madaging pabesen sane mabuat majeng ring tetujon idup manusa. Antuk kaluwihan sane akeh madaging pabesen ring tembang reggae Joni agung puniki, panilik pacang negesang malih mangda para jadmane prasida uning lan ngresepang tetujon idup manusa sane wenten ring tembang reggae Joni Agung. Sinalih tunggil utsaha sane kalaksanayang olih panilik mangda prasida nlatarang tetujon idup manusa sane wenten ring tembang reggae Joni Agung puniki antuk tetilikan sane mamurda Gending- Gending Reggae Bali Joni Agung Seseleh Semiotika Tetujon Idup Manusa Paiketannyane Sareng Ajah- Ajahan Pawatekan. KRAMANING TETILIK Ring sajeroning kramaning tetilik prasida kawedarang indik 1) Palihan Tetilik, (2) Subjek lan Objek Tetilik, (3) Tatacara lan Piranti Mupulang Data, (4) Data Tureksa. Kramaning tetilik inucap, pinih jangkep pacang katelatarang sakadi ring sor puniki. Tetilikan puniki nganggen palihan tetilik deskriptif kualitatif. Maosang indik tetilikan pastika madaging sane kasengguh jejering lan panandang. Jejering ring

6 tetilikan sane kamargiang inggih punika subjek tetilikan puniki inggih punika tembang reggae mabasa Bali sane wenten ring album melalung sane kakaryanin olih Joni Agung. Samaliha panandang (objek) ring tetilikan sane kamargiang inggih punika objek tetilikan inggih punika sistem tanda miwah paiketan tembang reggae mabasa Bali ring album melalung pakardin Joni Agung yening katilikin manut widya semiotika. Pamupulan data ring sajeroning tetilikan dahat mawiguna pisan. Duaning asapunika, sadurung mupulang data panilik patut nyutetang tata cara mupulang data. Manut sane katlatarang ring ajeng, tata cara sane anut ring sajeroning tetilik puniki inggih punika tata cara sadu wicara studi lan dokumentasi. Sadu wicara sane ka anggen ring tetilikan puniki inggih punika Sadu wicara tak terstuktur, inggih punika sadu wicara sane bebas lan nenten nganggen pedoman sadu wicara sane sampun kakaryanin sistematis lan jangkep antuk mupulang datannyane. Pedoman sadu wicara sane kaanggen wantah marupa unteng-unteng pitaken sane pacang ketakenang. Risajeroning tetilikan puniki prasida kaunggahang makudang-kudang pitaken sane mapaiketan sareng subjek tetilikan, tur sane pacang ka sadu wicarain inggih punika pangawi, sane mapesengan Anak Agung Junni Antara tur ketah kauningin Joni Agung. Samaliha ring pamupulan data dokumentasi sane jagi kapupulang inggih punika sasuratan tembang (lirik) reggae mabasa Bali saking album melalung pakardin Joni Agung, catetan sadu wicara, kartu data sane kaanggen mangdane prasida nilikin paiketan tetujon idup manusa sareng ajah-ajahan pawatekan sane wenten ring tembang reggae mabasa Bali pakardin Joni Agung. Kawentenan tata cara mupulang data ring ajeng pinih mapaiketan sareng piranti tetilik sane pacang kaanggen. Piranti sane kaanggen ring tetilik puniki iggih punika piranti sadu wicara lan kartu data. Makekalih piranti tetilik puniki kacumpuin prasida ngwantu muputang pikobet ring sajeroning tetilik sane pacang kamargiang. Risampune ngamolihang data, salanturnyane inggih punika nureksain data. Data sane katureksain punika kapolihang saking pikolih sadu wicara lan dokumentasi tur kaolah antuk deskriptif kualitatif. Wenten petang dudonan sane patut kauratiang ring sajeroning nureksain data sakadi Milihin Data (Reduksi Data), Nyorohang Data, Ngawedarang Data lan panyutetan. PIKOLIH LAN TETEPASAN Ring album pinih anyar sane kamedalang puniki ring tembang Bali 10 Desember 2006, antuk 10 tembang sane becik madue tema indik kahuripan sarahinrahina, sekadi sane kabaosang olih Joni Agung, pinaka vokalis miwah sang sane makarya tembang-tembang ring album puniki. Titiang madue manah, becikan yening matembang indik napi sane nampek sareng genah iraga. Tentang kehidupan sehari-hari yang ada di depan kita, baosnyane. Wenten taler tema tresna lan kritik sosial ring gending-gending album melalung. Album melalung puniki pinaka album unggulan saking group Joni Agung n Double T band. Manut Joni Agung, sesampune kabligbagang sareng produsernyane, I Gusti Agung Bagus mantra, tembang puniki kaunggahang antuk murda album melalung santukan durung wenten sane nganggen tema sekadi punika. Melalung sane teges ipune jujur pantaraning tunangan. Nenten wenten sane kaengkebang malih, baosnyane. Tiosan saking tembang melalung punika, krama Baline mresidayang miragiang gending-gending reggae sane tiosan, sekadi Jero Gede, Idup di Gumine, Rare Angon miwah Nuutin Jaman. Tembang sane katilikin saking tembang reggae Joni Agung ring album Melalung. Panilik nilikin tembang reggae ring album puniki santukan ring album puniki akeh pisan tembang sane madaging pabesen antuk tetujon idup manusa. Panilik pacang nilikin sasuratan tembang reggae puniki antuk seseleh semiotika inggih punika sistem tanda saking sujana Ferdinand de Saussure. Semiotika manut Fredinand de Saussure nglimbakang

7 unteng-unteng widya tata sukerta basa (linguistic) sane lumrah. Sane pinaka cihna teori ipune magenah ring panglimbak sarahina. Ipun maosang basa pinaka sistem tanda. Manut Saussure tanda-tanda sane mapaiketan sareng basa punika madue kalih karakteristik utawi watek primordial, inggihan punika watek linier lan watek arbitrer (Budiman, 1999:38). Sane dahat mautama ring teori Saussure puniki inggih punika prinsip sane maosang basa inggih punika sistem tanda, lan makasami tanda punika kakepah dados kakalih inggih punika signifier (penanda) lan signified (petanda). Seseleh sasuratan tembang reggae Joni Agung antuk ngrereh sistem tanda puniki kalaksanayang mangda dangan mikolihang pabesen tetujon idup manusa puniki. Biografi saking sang sane makarya tembang reggae mabasa bali ring album melalung puniki nenten sios wantah Anak Agung Junni Antara inggih punika silih sinunggil seniman sane wenten ring Bali. Joni Agung sane ketah kauningin olih para kramane. Joni Agung embas ring Denpasar tanggal 08 Juni Joni Agung puniki wantah masemeton sareng kalih, arinnyane mapesengan Anak Agung Sri Antari. Ajin Joni Agung puniki maparab Anak Agung Ngurah Widnyana miwah Ibunnyane maparab Anak Agung Oka Sulastri. Daweg Anom Joni Agung puniki sampun seneng pisan matembang miwah maplalian musik antuk genre Rock n Roll. Anak lanang pastika sampun pacang madue anak istri sane katresnain, punika taler Joni Agung. Joni Agung marabian sareng Anak Agung Oka miwah sampun kaicen oka kalih diri. Oka sane pinih duur saking Joni Agung puniki mapesengan Anak Agung. Gede Agung Belusung, sane kaping kalih mapesengan Anak Agung Istri Agung Sukawati. Parindikan pemargin pendidikan Joni Agung wantah ngantos perguruan tinggi sakewanten durung prasida kapuputang ngantos wisuda. Daweg ring sekolah dasar Joni Agung ngeranjing ring SD Negeri 2 Intaran Sanur, ngraris daweg ring sekolah menengah pertama (SMP), Joni Agung Ngeranjing ring SMP Wisata Sanur. Sesampune tamat masekolah ring SMP Wisata Sanur, Joni agung ngelantur masekolah ring SMA 2 TP 45. Ngawit saking SMA warsa 1989 puniki Joni Agung sampun seneng pisan matembang lan maplalian musik antuk genre tembang Rock n Roll miwah Blues. Tiosan saking irika, Joni Agung taler dumun naenin ngeranjing ring silih sinunggil perguruan tinggi inggih punika Universitas Warmadewa ring jurusan Sastra Inggris. Ngawit saking iriki malih Joni Agung malih nglimbakang kawagedan ipun matembang lan maplalian musik antuk matembang ring sajeroning kampus miwah cafe utawi bar ring kuta miwah sanur. Iriki genre tembang sane katembangang sampun ngawitin genre reggae. Joni Agung taler polih kaicen tembang reggae saking sawitrannyane sane saking Amsterdam. Ngawit saking irika Joni Agung ngrereh Literatur indik tembang reggae. Santukan Joni Agung puniki dados entertaiment manager ring silih sinunggil bar reggae ring Kuta, saking irika Joni Agung sayan seneng ring tembang genre reggae puniki. Joni Agung puniki ngawangun band sane mapesengan Joni Agung n Double T band ring warsa Yening kacingakin, Double T Band puniki band sane sampun sue pisan, santukan silih sinunggil anggota band puniki sampun nenten wenten, inggih punika vokalisnyane. Ngawit saking irika Joni Agung miwah sawitran ipune sane pinaka silih sinunggil sekaa Double T band puniki nglantur taler mabligbagan sane ngawinang medal ipune Joni Agung n Double T Band. Daweg ngawitin matembang puniki Joni Agung sampun wusan makarya dados manager ring bar, tur sampun mabligbagan sareng istrinyane tur sampun kaicenin malih antuk matembang. Group band Joni Agung lan Double T band puniki sampun prasida ngamedalang tigang album inggih punika reggae mabasa Bali (2005), Melalung (2006), dan Pul Si Noge (2007). Katilikin antuk widya semiotika santukan tembang reggae Joni Agung puniki ngeranjing ring seni bebaosan (komunikasi). Semiotika pinaka cabang widya sane nguningayang ring wewidangan

8 seni rupa, seni sasolahan, seni film, desain produk, arsitektur, taler bebaosan (komunikasi). Kacingakin saking semiotika punika, bebaosan (komunikasi) inggih punika sistem semiotika antuk nganggen makudang-kudang kruna (vocabulary) lan sintaks sane khas, sane ngawinang mabinayan sareng sistem semiotika seni. Ring semiotika bebaosan (komunikasi) puniki janten sampun akeh kapanggihin sane mapaiketan sareng bebaosan (komunikasi). Sane ngawinang mapaiketan sareng bebaosan (komunikasi) puniki inggihan punika fungsi tanda sane kaanggen nguningayang pabesen (message) saking sang sane ngicenin pabesen (sender) majeng ring sang sane miragiang (receiver) antuk tanda lan kodekode sane kaanggen. Yadiastun fungsi utaman ipune pinaka fungsi bebaosan (komunikasi) sane madue fungsi signifikasi inggih punika fungsi nguningayang konsep, daging utawi teges (Tinarbuko, 2009). Ring tembang reggae mabasa Bali pakardin Joni Agung puniki sampun janten prasida kapanggihin fungsi tanda punika, tembang reggae mabasa Bali puniki pinaka pabesen (message) sane kaanggen piranti ring sang pengawi tembang (sender) inggih punika Joni Agung majeng ring sang sane miragiang (receiver). Saking dasa (10) tembang sane kawedarang ring album melalung pakardin Joni Agung puniki makasami medue unteng pabesen sane tios utawi nenten wenten sane pateh. Yadiastun sekadi sapunika panilik prasida nyutetang daging pabesen inucap dados kalih parindikan inggih punika parindikan kauripan sarahina-rahina lan parindikan agama. Yening kacingak saking parindikan kauripan sarahina-rahina puniki sampun janten prasida kapanggihin ring makudang-kudang tembang reggae puniki sekadi hidup di gumine, i loyod, jro gede, sere panggang sere tunu, kuang kejokan, tresna sujati miwah rare angon. Makasami tembang reggae puniki madaging pabesen parindikan kauripan sarahina-rahina, sekadi imba ring tembang i loyod puniki nyatuayang indik anak lanang sane meneng sareng memen ipune manten, tur katinggalin olih i bapa, riantukan bapan ipune makurenan malih sareng anak istri lianan, iriki kasatuayang antuk genah ipune sekadi punika ipun melajahang rage miwah akeh anake sane nulungin. Pabesen sane kaaptiang iriki sinah sampun parindikan kahuripan, sapunapi tata titi maparilaksana tur nyikutang padewekan antuk kawentenane sane kadruenang. Tiosan saking matembang, Joni Agung taler dados guru yoga ring sajeroning sekaa Yoga Asanas Seger Oger. Dados guru yoga puniki sampun kakawitin saking warsa Ngawitin dados Guru Yoga santukan kadasarin antuk semeton Joni Agung sane sungkan tur nenten kenak-kenak. Irika Joni Agung malajahang rage ring wewidangan yoga sareng sawitran ipune sane madue manah lan dasar mapikenoh sane pateh. Manut para sujanane, sane mawasta teges (makna/meaning) inggihan punika kruna lan istilah sane ngawinang paling (Sobur, 2004:255). Makudang-kudang pangresep punika kasandingang antuk teges kruna, santukan kawentenan ipune nenten prasida kauningin pisan lan kacumpuang antuk sane patut. Teges kruna nguningayang ring pangresep sane jimbar pisan. Punika ngawinang, nenten angob yening Ogden lan Richard ring bukun ipune, The Meaning of Meaning (1997: ), maosang nem belas rumusan pangresep teges sane mabinayan asiki sareng sane lianan. Inggihan watesnyane inggih punika, teges pinaka paiketan basa sareng kawentenan dura Negara sane sampun kacumpuang sinarengan olih sang sane ngangge basa, tur prasida ngawinang saling karesepang (cf. Grice, 1957 ring Fiske, 2004 : 57). Sesampune uning saking sistem tanda sane wenten ring tembang reggae Bali Joni Agung puniki, prasida danganan rikala pacang uning indik teges tetujon idup sane wenten ring tembang punika. Tetujon idup manusa punika Mokshartham Jagadhita Ya Ca Iti Dharma sane madue artos tetujon agama punika anggen molihang karahayuan ring jagate lan moksa ring niskala. Makakalih puniki sujatine madue teges sane mabinayan sakewanten mapaiketan pisan. Sesampune tatas kakeniang tetujon idup manusa saking tembang reggae puniki wau ngraris prasida manggihin paiketannyane sareng ajah-

9 ajahan pawatekan sane akehnyane wenten pelekutus ajah-ajahan pawatekan. Dadosnyane saking tembang reggae Joni Agung puniki janten sampun akeh pisan ngicenin imba pabesen miwah paplajahan sane maosang parindikan kahuripan sarahina-rahina, parindikan agama sane ngunggahang ajah-ajahan agama sekadi catur marga pinaka pamargi molihang Mokshartham Jagadhita. Sane kasengguh Catur Marga punika Bhakti Marga, Karma Marga, Jnana Marga lan Raja Marga. Para janane nenten ja nginutin sinalih tunggil saking catur marga puniki, sakewanten mangda prasida nginutin makasami soroh catur marga puniki mangda prasida sagilik saguluk sabayantaka. Taler wenten ajahajahan agama sane wenten ring sarasamuscaya maosang tetujon idup manusa inggih punika catur purusha artha. Tetujon idup manusa prasida kapanggihin saking sloka kapertama ring Sarasamuscaya. Ring agama Hindu wenten patpat tetujon idup sane kasengguh Catur Purusha Artha. Inggihan wangunnyane Dharma, Artha, Kama lan Moksa. Antuk uning pabesen tetujon idup manusa sane wenten ring tembang reggae Joni Agung puniki ngraris mresidayang manggihin taler ajah-ajahan pawatekan ring soang-soang tembannyane, sane medue pabesen dahat mabuat tur mautama pisan majeng ring kahuripane sane mangkin. Kawentenan parindikan kahuripan sarahina-rahina miwah parindikan agama sane wenten ring tembang reggae Joni Agung puniki madue paiketan sane rumaket pisan majeng ring ajah-ajahan pawatekan. Sesampune molihang teges tetujon idup sane wenten ring tembang reggae Joni agung ngraris pacang dangan pisan manggihin indik ajah-ajahan pawatekan sane kaaptiang olih pangawi majeng ring sang sane miragiang. Makasami parindikan sarahina-rahina miwah parindikan agama sane maosang catur marga, tur catur purusha artha sane munggah ring sarasamuscaya madue ajah-ajahan pawatekan sane mabuat pisan. Wenten makudang-kudang ajah-ajahan pawatekan sane ngranjing ring sajeroning soang-soang tembang sane wenten ring album melalung punika. Tembang-tembang sane wenten ring album melalung puniki makehan madaging ajah-ajahan pawatekan sane wenten ring sarasamuscaya, yadiastun wenten taler ajah-ajahan pawatekan sane kamedalang olih kemendiknas ring warsa 2011 ngranjing ring pabesen tembang reggae puniki. Ajah-ajahan pawatekan sane wenten ring sloka 63 sarasamuscaya puniki sampun janten pisan dagingnyane sekadi ring sor puniki. Nyang ulah pasadharanan sang catur warna, arjawa, si duga-duga bener, anrcansya, tan nrcansya, nrcansya ngaraning atmasukhapara, tan arimbawa ri laraning len, yawat mamuhara sukha ryawaknya, yatika nrcansya ngaranya, gatining tan mangkana, anrcansya ngaranika, indriya, nahan tan prawrtti pat, pasadharanan sang catur warna, ling bhatara Manu. Teges saking sloka 63 ring Sarasamuscaya inggih punika, puniki pinaka parilaksana catur warna sane patut kalaksanayang, arjawa sane madue teges jujur miwah mabebaosan sane sepatutne (terus terang), anrcangsya madue teges nenten, nrcangsya sane mateges nenten eling tekening padewekan soang-soang kemanten (mementingkan diri sendiri), nenten urati tekening pakewuh sane kapanggihin tekening jadma sane lianan, sakewanten wantah ngutamayang sane ngawinang padewekan ipune liang, punika sane kasengguh nrcangsya. Parilaksana sane nenten sekadi punika kasengguh ancrangsya. Dama sane madue teges prasida matilesang rage antuk ngicenin piteket padewekan angga soang-soang. Indriyanigraha punika madue teges prasida ngeret indria utawi ngeret nafsu punika. Makapatpat puniki sane patut kamargiang olih sang catur warna, punika bhisama saking bhatara Manu. Saking teges sloka 63 ring Sarasamuscaya puniki sampun janten pisan prasida kacingakin daging sane kabaosang indik watek punika. Arjawa sane madue teges jujur. Yening kacingakin malih pastika sampun janten akeh pisan budaya lan agama Hindu sane wenten ring Bali puniki madue ajah-ajahan sane medaging indik pawatekan sane sarat sareng budaya Bali utawi sane ketah kabaosang local genius. Tiosan taler tekening punika, minab akeh taler budaya-budaya ring sajebag

10 Indonesia sane madue ajah-ajahan sane pateh sareng budaya Baline. Saking Sloka sane sampun ktlatarang iwau kemanten sampun prasida nyeledihin indik paplajahan watek sane karincikang olih Guru Wisesane (Pemerintah). Dadosnyane saking tembang reggae Joni Agung puniki janten sampun akeh pisan ngicenin imba pabesen miwah paplajahan sane maosang parindikan kahuripan sarahina-rahina, parindikan agama sane ngunggahang ajah-ajahan agama sekadi catur marga pinaka pamargi molihang Mokshartham Jagadhita. Sane kasengguh Catur Marga punika Bhakti Marga, Karma Marga, Jnana Marga lan Raja Marga. Para janane nenten ja nginutin sinalih tunggil saking catur marga puniki, sakewanten mangda prasida nginutin makasami soroh catur marga puniki mangda prasida sagilik saguluk sabayantaka. Taler wenten ajahajahan agama sane wenten ring sarasamuscaya maosang tetujon idup manusa inggih punika catur purusha artha. Tetujon idup manusa prasida kapanggihin saking sloka kapertama ring Sarasamuscaya. Ring agama Hindu wenten patpat tetujon idup sane kasengguh Catur Purusha Artha. Inggihan wangunnyane Dharma, Artha, Kama lan Moksa. Antuk uning pabesen tetujon idup manusa sane wenten ring tembang reggae Joni Agung puniki ngraris mresidayang manggihin taler ajah-ajahan pawatekan ring soang-soang tembannyane, sane madue pabesen dahat mabuat tur mautama pisan majeng ring kahuripane sane mangkin. PAMUPUT Manut saking pikolih lan tetepasan tetilik ring ajeng, prasida kapolihang panyutetan sekadi (1) malarapan antuk nyelehin gending-gending reggae Bali Joni Agung puniki, prasida kauningin daging pabesen sane dahat becik pisan majeng ring kramane sareng sami. Antuk nyelehing semiotika sane wantah nganggen sistem tanda manut Ferdinad De Saussure inggih punika penanda lan petanda. Rikala ngicenin teges (signifikasi) tanda kawangun antuk kalih elemen tanda. Manut Saussure, tanda punika kawangun antuk kalih elemen tanda inggihan punika penanda (signifier) lan petanda (signified). Penanda (signifier) inggih punika elemen fisik saking tanda prasida marupa tanda, kruna, suara utawi image, yening petanda (signified) inggih punika nguningayang konsep sane janten sampun prasida mapaiketan sareng tanda fisik sane sampun wenten. Ring gendinggending reggae Bali Joni Agung puniki sane pinaka penanda inggih punika sasuratan tembang (lirik), taler sane pinaka petanda inggih punika konsep utawi teges saking tembangnyane antuk molihang pabesen saking tembang punika. (2) Paiketan gending-gending reggae Bali Joni Agung pantaraning tetujon idup manusa sareng ajah-ajahan pawatekan. Gending-gending reggae Bali Joni Agung puniki akeh pisan gendingnyane medaging indik tetujon idup manusa sareng ajah-ajahan pawatekan. Paiketan gending punika pantaraning tetujon idup sareng ajah-ajahan pawatekan pastika sampun dahat mapaiketan. Antuk uning ajah-ajahan agama sane medaging indik tetujon idup manusa sekadi catur marga, catur purusha artha, catur asrama taler sane wenten sane ring sarasamuscaya pastika sampun jadma punika mresidayang maparilaksana sane becik, punika sane ngawinang ajah-ajahan pawatekan punika taler prasida ngranjing. Sekadi ring tembang melalung punika, sampun pastika ajah-ajahan agama sekadi dharma sane wenten ring catur purusha artha, miwah kama marga tur raja marga sane wenten ring catur marga munggah ring tembang puniki. Antuk ngicenin ajahajahan pawatekan sane becik inggih punika mangda mresidayang sekadi sloka sarasamuscaya 63 pinaka unteng sane universal saking ajah-ajahan sane kamedalang olih guru wisesa punika. Ring sloka puniki medaging indik arjawa sane medue teges jujur miwah mabebaosan sane sepatutne (terus terang), anrcangsya medue teges nenten, nrcangsya sane mateges nenten eling tekening padewekan soang-soang kemanten (mementingkan diri sendiri), nenten urati tekening pakewuh sane kapanggihin tekening jadma sane lianan, sakewanten wantah ngutamayang sane ngawinang padewekan ipune liang,

11 punika sane kasengguh nrcangsya. Parilaksana sane nenten sekadi punika kasengguh ancrangsya. Dama sane medue teges prasida matilesang rage antuk ngicenin piteket padewekan angga soangsoang. Indriyanigraha punika medue teges prasida ngeret indria utawi ngeret nafsu punika. Van Zoest, Aart Semiotika: Tentang Tanda, Cara Kerjanya dan Apa yang kita Lakukan Dengannya. Jakarta: Yayasan Sumber Agung. KAPUSTAKAAN Djohan. 2003, Psikologi Kegelapan. Buku Baik: Yogyakarta Fiske, John Introduction to Communication Studies, Routledge, London Kaelan Filsafat Bahasa Semiotika dan Hermeneutika. Yogyakarta: Paradigma. Kemendiknas Panduan Pelaksanaan Pendidikan Karakter. Badan Penelitian dan Pengembangan Pusat Kurikulum dan Perbukuan. Jakarta. Koesoema, D.A Pendidikan Karakter: Strategi Mendidik Anak di Zaman Global. Grasindo. Jakarta. Luxemburg, Jan Van al%20yayat%20% %29.pdf. (akses 2 maret 2015). Sobur, Alex Analisis Teks Media Suatu Analisis untuk Wacana, Analisis Semiotika dan Analisis Framing. Bandung : PT. Remaja Rosdakarya Semiotika Komunikasi. Bandung : PT. Remaja Rosdakarya Analisis Teks Media. Bandung: Remaja Rosdakarya. Trabaut, Jürgen Dasar-dasar Semiotik. Jakarta: Pusat Pembinaan dan Pengembangan Bahasa. Vira, Prof. Dr. Raghu. Sarasamuscaya. Jakarta: Dharma Nusantara