Catatan Seke Santhi Widya Ananda Bhakti Kakawin Arjuna Wiwaha 1

Transkripsi

1 Ratu sanghyang maha suci, pangabaktin tityang inista suryaning ugi, santukan wantah paduka bhatara kantin jagat tigane Sekala niskala pangabhaktin tityang ring paduka bhatara, tan wenten tiyos Paduka bhatara kadi geni mijil sakeng taru sane letuh, kadi minyak mijil saking santene Paduka bhatara nyalantara medal yening wenten anak ngincepang tutur kabecikan pisan Nyusup ring sahananing sarwa bhawa meraga sarining tattwane sane mahuttama, sane sengka pikolihang paduka bhatara Saking panitah paduka bhatara punika, sane wenten sane tan wenten, sane ageng sane alit, miwah kawon becike punika Lekad hidup matinnya sang numadi, paduka bhatara ugi maka lantaran ipun Paduka bhatara meraga sangkan paraning jagate sami, sekala niskala paragayan paduka bhatara Catatan Seke Santhi Widya Ananda Bhakti Kakawin Arjuna Wiwaha 1

2 Sekadi lawat bulane sane wenten ring junne madaging toya Sakewanten wantah sane ening tan pateleteh kewanten madaging lawat bulan Sekadi punika paduka bhatara ring saluwir panumadiane Ring sang ngincepang yoga paduka bhatara pikanten nyekala Sida kapangguh bhatara sane tan nahenin kapanggih Kauningin bhatara sane tan nahenin kauningin Kapikolihang bhatara sane tan nahenin kapikolihang Katattwan siwane sane mauttama tan katawengan Catatan Seke Santhi Widya Ananda Bhakti Kakawin Arjuna Wiwaha 2

3 Pangastawan ida sang arjuna durung mawasta puput, kacawis olih ida bhatara siwa Cening pyanak bapa, suba sinah sarat idewane pangguhang idewa maka sami Ne ada paican bapa, cadu sakti marupa sanjata Panah pasupati kalumbrah wastannyane, ne tingalin Sapunika wacanan ida sanghyang siwa, raris medal geni saking tangan idane Digelis geni punika mapadewekan, raksasa sarwi natad panah Katrima antuk ida sang arjuna panahe punika, raris ical punika Sane marupa geni, dwaning pamuput dados asiki ring panahe Sasampune ida sang arjuna polih waranugraha, raris ngabakti dahat pranamya Kagentosin gandewa miwah tutup gelung, tan wenten kirang Kawarahin ida jeroning kawruh mapapanahan, sarwa sanjata maka sami Puputing panumaya jeroning migunayang, mawastu musna ida batara siwa Catatan Seke Santhi Widya Ananda Bhakti Kakawin Arjuna Wiwaha 3

4 Saha dewa resi, juru kidung taler ngiring, pramangkin suwung malih Sakadi tan ring jagate pakahyunan ida sang arjuna, pakantenannya Waluya magentos raga, sukane tan mabalik duhkita Patut anggen pratiwimba ida sang siddaning tatujon, malantaran antuk kapagehan Idane Wenten punika jadmane nenten nahenin madana punia, nenten nahenin ngelarang brata yoga miwah tapa Mamongah nunas kawiryan miwah kasukan ring ida sang hyang widhi, kadi mamaksa ipun Kebalikang tatujon ipune, sangsarane mahabara panggihin ipun Kasakitin olih irajah tamah, kateteh antuk sakit hati Kadi wenten purwa karma, kabawos olih sang mapakardi rahayu Solah sane pageh mapangancan antuk saluwir daging agama, pakayunan sane tiling Sane sapunika kewanten dahat manggeh malingga ring pakahyunan, ida sang ngulati karahayon Punika awinannya suka sekala miwah suka, niskala sane kapanggih Catatan Seke Santhi Widya Ananda Bhakti Kakawin Arjuna Wiwaha 4

5 Sapasirake tan pacang manggihin karahajengan, yan sampun masadhana sarwa becik Janten kawone pacang panggihin, yaning masadana sarwa kawon Mapikolih tan rahayu anake tan ngega purwa karma, punapi sane patut tinutin Mangda saluwir sane kesaratang pacang kasidan, maka pratiwimba ida sang arjuna Sasampun ida ngeniang, sane dados tatujon kahyun Ledang mawor ulangun pakahyunan idane, raris makinkin pacang mantuk ngahyun-ngahyunin kaledangan pakahyunan, sang pacang mendakin yening sampun prasida rawuh Kapitresnan idane sane mangwasa, kaliput antuk lulut kasmaran Ring kenjekan sapunika indik idane, wenten widyadara wahu rawuh Bagus-bagus kalih diri kahutus mangda ngundang Makta kawaca antuk bulu, maduluran talumpah malakar sasocan Surat macaciren sanghyang indra, punika aturang dane raris katarima antuk ida sang arjuna Surat ajin idewane mas bapane cening, apang prasidda teka bapa nyaratang Catatan Seke Santhi Widya Ananda Bhakti Kakawin Arjuna Wiwaha 5

6 kapiholasan ceninge ane mabuwat Marep ring cening tulungin ugi bapa, katibenan sangkala tan pakanti Matinne iraksasa niwatakawaca, tuwah saratang bapa Apange tuhu cening nyanggupin, lahutang sanjata panahe mahottama anggen cening nangkepin Sapunika daging sewalapatran ida sanghyang indra, panugrahan ida patut pisan Sakewanten maswabawa sungsut ida sang kahundang, angen ring raka rahin idane Sungsut sang katinggalin, pateh indike ring kahulangunan sang maninggalin Punika awinan ida meneng, sungsut sungkawa macihna ring panyingakan Malih matur punika sang kahutus, dewa swecanin ugi Pacang nyelang kasaktyane, kertyang ida sanghyang indra dewa Patut rahaywang punika swargane, dwaning panyangkalan ipun banget ngresresin Satmaka pangwales idewane, tan wenten malih kantin nyane, patut pisan tulungin Wyakti punika ngawinang tityang engsek, ampurayang tityang tan pacang tulak Catatan Seke Santhi Widya Ananda Bhakti Kakawin Arjuna Wiwaha 6

7 Engsek tityang kapuji, sakadi wyakti sakti miwah maduwe kawruh Maka jalaran ngetohang jiwa, kasinahan punika sane ngawinang tityang jengah Wantah kalewihan kadewatan idane, sane patut puputang tityang Sami-sami ngandap kasor babawos idane, sami-sami wikan mababawos Salantur ipun ngadeg ida sang arjuna, rikala ida makinkin Sampun makawaca kambala, miwah matalumpah maka pirantin ida Nglintangin ambara, tur ida sang kalih ngiringang, makta sanjatan idane Catatan Seke Santhi Widya Ananda Bhakti Kakawin Arjuna Wiwaha 7