ejuah-juah ras selamat man banta kerina Mamre GBKP ibas kita enggo ujin simeganjangna man Dibatanta, sienggo naruhken gerejana, Mamre

Transkripsi

1 PENARUH BPP MAMRE ujin simeganjangna man Dibatanta, sienggo naruhken gerejana, Mamre P GBKP ku bas tahun 2015 enda. BPP Mamre GBKP ngataken mejuah-juah man banta kerina, selamat memasuki pelayanen Mamre tahun Bahan PA Mamrenta tahun enda i kemas sue ras kebutuhen konteks Mamre GBKP, labo bersadarken kelender gerejanta, sebab bimbingenbimbingen si lit ibas GBKP umpamana bimbingen PJJ, bimbingen Khotbah minggu enggo me lit bahan enda. Jadi gelah ula mulih-ulih siman pelajarenta janah masuken pe erbuena emaka khusus bimbingen PA Mamrenta ibahan topik-topikna bagi siakap perlu guna Mamre. Tapi tentuna tetap ibas ruang lingkup ras kemasen tema pelayanen GBKP ibas tahun 2015 e me : Peningkatan sosial, ekonomi dan budaya jemaat. Bentuk isi bimbingen sibagenda sibahan sue ras keputusen RPPL Mamre GBKP tanggal 29 Agustus 01 September i Bogor : gelah min Bimbingen PA Mamre ibahan sue min ras kebutuhen Mamre GBKP, ula min ipaksaken sue ras kelender gerejanta si menam seri isina ras kerina bimbingen si lit ibas GBKP, gelah tambah pemetehta, kinitekenta, janah ula membosanken ibas mbahassa erkiteken berulang-ulang seri ras bahan PJJnta ras kebaktian minggunta. Pengarapenta maka arah bimbingen Mamrenta enda tuhu-tuhu terbangun kiniteken, mentalta kulebih dewasa, isamping pe seh ka min tujun tema tahun gerejanta eme terjadi peningkaten sosial, ekonomi ras budaya ibas kerina anggota Mamre GBKP mulai tahun enda seh rasa lalap. Tentu alu bage ngasup nge kita bertahan ibas tantangan jaman globalisasi enda ras tetap eksis mpengaruhi (menerangi) doni enda sue ras mottonta Mamre Erpemere, Mamre Erdiate tetap erkinata ibas situasi kuga gia jamanna. Bujur ikataken kami man pendeta Mamre GBKP ras teamna, kerina penulis bage pe Toko Buku dan Percetakan GBKP Abdi Karya si enggo nikapken bahan bimbingen enda. Isadari kami maka mbue denga kekurangenna. Emaka ngarap kami guna kiniulinna ku wari-wari sireh enda, saran ras masukennta si sifatna membangun. Bagenda me isehken kami, Dibatalah tetap simereken pasu-pasuna man banta kerina. Bujur Kabanjahe, 01 Januari 2015 BADAN PENGURUS PUSAT MAMRE GBKP Ketua Umum, Sekretaris Umum, PENARUH IBAS MODERAMEN GBKP ejuah-juah ras selamat man banta kerina Mamre GBKP ibas kita enggo M mentasi tahun 2014 ras ipebengketna ku bas tahun 2015 enda. Tema pelayanen GBKP ibas tahun 2014 enda, e me : Peningkatan sosial, ekonomi dan budaya jemaat.. Iarapken guna ncidahken tema pelayanennta enda teridah min peran Mamre GBKP (aksi nyata) baik pribadi bage pe secara lembaga meningkatken perekonomian, budaya ras sosial nandangi kerina anggota gerejanta ras bangsanta. Iarapken kerina Mamre GBKP nggit erlajar nambahi pemetehna, bage pe nampati anggotanta guna banci meningkatken kualitas rasa sosialna, budayana khususna meningkatken ekonomina, gelah jemaatta sejahtra, beradat ras bersosial tinggi. Enda memang enggo ilakoken Mamre GBKP alu erbahan pelatihen-pelatihen/pembinaan peningkaten ekonomi jemaat, budaya, rsd. Sibanci idah kongkrit e me arah litna program BPP Mamre GBKP mendiriken CU siberbadan hukum nandangki kerina pengurus Mamre tiap klasis se GBKP, bage pe tentuna seh ku runggun-runggun. Program enda tuhu mejile emaka perlu itingkatken ras tetap isosialisasiken. Pengartapennta arah Mamre GBKP si memang kin ia bapa ras imam subuk i tengah jabu, gereja ras masyarakat maba perubahen peningkaten ekonomi, sosial ras budaya kerina jelma khusus jemaatta. Emaka tuhu erkinata motto Mamrenta : MAMRE ERDIATE, MAMRE ERPEMERE Arah litna buku Bimbingen PA Mamre GBKP tahun 2015 enda, iarapken mereken inspirasi ras motivasi man kerina Mamrenta guna nndahiken dahin simbelin enda. Tuhan masu-masu ras nampati Mamre kerina. Janah bujur man Pendeta Mamre GBKP ras kerina penulis si enggo menggumuli nikapken bimbingen enda, janah iarapken tole gelah ibere Dibata kengasupen guna memajuken Mamre GBKP. Selamat man banta ibas ngelakoken PA Mamre GBKP ibas tahun enda. Ibas piga-piga ingan melala nge perkembangen pelaksanaan PA Mamre, enda teridah arah tinggina minat guna nukur bahan PA. Dampar si deban lit ka nge sijadi perbeben ibas piga-piga ingan lenga aktifna perdalanen PA Mamre bagi arusna. Guna si e adi enggo ilitken bahan PA Mamre 2015 enda, iarapken gelah kerina min Mamre i belang-belang GBKP banci nukur ras makeken buku enda guna meningkatken kinitekenta ras rasa kiniersadanta sebage anggota Mamre GBKP. Bujur Selamat sukses Mamre GBKP. MODERAMEN GBKP Kabid. Persekutuan, (Pt. Ir. Mulia Barus, M.Si) (Pt. Dana Barus, SH, Sp.N) 1 2 (Pdt. Erick J. Barus, DTh)

2 PENGANTAR G elah Mamre GBKP sukses ibas ndahiken tugas panggilenna meningkatken sosial, ekonomi ras budaya nandangi kerina jelma khususna anggota GBKP, gelah tuhu-tuhu min erkinata maka Mamre me agen pembaharuan peningkaten kualitas ibas kerina dampar kegeluhen ku lebih mehuli (baik) subuk secara pribadi, ibas jabu, gereja ras masyarakat, emaka isi bimbingenta sekali enda ikemas kami alu struktur bagenda : 0. Bagin pemena Mamre harus meteh ise/kai kin Mamre e (konsep ideal Mamre GBKP). Sebab mbue anggotanta akapna Mamre ningen eme adi enggo perbapan (enggo erjabu), lalit nilai rohanina. Padahal Mamre e me ingan perjumpan Dibaya (yang Ilahi) ras manusia (yang insani). Sue ras fungsi imam. 0. Bagin peduaken eme jati diri. Kalak sienggo itandaina bana Mamre eme ingan perjumpan Dibata ras manusia, tentu lit jati dirina, labo banci seri karakter, mentalna, laguna ras perbapan sila Mamre (sila erkiniteken) 0. Bagin peteluken eme Tantangen. Ibas Mamre mpesikap jati dirina selaku ingan perjumpan Dibata ras manusia ndai tentu mbue tantangen, subuk ibas peraten dagingna sendiri, bagepe i darat nari (umpamana tantangen ras pengajuk jaman ras lingkungen). 0. Bagin sipeempatken eme tugas ras panggilan. Adina Mamre enggo paguh ibas jati dirina, tantangen pe menam lanai ngasup mpengaruhi ncidahken jati dirina, emaka enggo siap ia ndalanken tugas panggilenna ibas konteks jamanna. Kai kin dahin-dahin si iakap gundari kontekstual eme si iuri ibas bagin enda. Cataten : - Tentu lit ka nge bahan umum ibahan kami jadi bimbingenta (ntah la gia masuk ku bagin si empat enda ndai) umpama masalah dogma, enda imasukken kami sebab penting iakap kami sieteh. - Janah sue ras tema gerejanta e me peningkatan sosial, ekonomi ras budaya, emaka sebage pengantar menaken PA-nta tahun 2015 enda ilampirken kami sada suplemen kerna topik enda arah lebe, alu judul : Pemberdayaan Ekonomi Kerakyatan. Iarapken kami gelah sioge. Bage me ipeseh kami Bimbingen enda man banta kerina, tentu mbue nge kekurangenna, mari ras kita pekenasa. Asa gegeh ras ngasup kami enggo me dahiken kami. Mejuah juah kita kerina, tutus kita kerina erpa Mamre sebab harapen ras tumpuan guna kemalemen ate e ibas kita nari nge Mamre (bapa) enda. Tuhan simasu-masu kam kerina. Amin Pendeta Mamre GBKP Pdt. Seth Perangin-angin, MTh HP : PEMBERDAYAAN EKONOMI KERAKYATAN A. PENARUH Badan Pengurus Pusat Mamre GBKP piga-piga tahun belakangen enda enggo ngelitken program meningkatken pendapaten keluarga, Mamre la cukup ngerana kerna kata Dibata saja tapi kuga gelah Mamre enda banci reh meningkatna ekonomina, semakin berdaya alu memanfaatken potensi si lit isekelilingna. Adi ekonomi keluarga enggo meningkat, kegiaten sosial pe reh meningkatna. Guna sie Mamre GBKP enggo ngelitken koperasi si berbadan hukum sebagai wadah pemberdayaan. Lit empat klasis si enggo membentuk koperasi eme Mamre Klasis Kabanjahe Tigapanah, Mamre Klasis Lau Baleng, Mamre Klasis Sinabun ras Mamre Klasis Tigabinanga. Pembentuken koperasi enda labo sebagai tujuan ahir, tapi hanya sebagai alat mencapai tujuan. Alu litna koperasi enda sekaligus enggo merupaken wadah sosial. BPP Mamre enggo erban sosialisasi pertanian ras peternaken, membasmi lalat buah, kuga nuan gadung gelah melala buahna, kuga cara erternak (erbabi,ermanuk, erkolam,kuga erban biogas, rsdna. Enda me kerina termasuk ekonomi kerakyaten. Ekonomi kerakyaten eme kegiaten usaha si berskala kitik ibas permodalenna, sarana teknologi si ipakena pe sederhana, manajemen usaha si langa ersistem, kepemiliken usaha secara pribadi denga. Namum ekonomi kerakyaten turah ras berkembang secara alami erkiteken litna sejumlah potensi ekonomi i sekitarna. Misalna laris idahna erbinaga babi panggang mis ka banna usaha babi panggang, meherga babi erbabi ka ia, idahna laris tuak ebinaga tuak ka ia ipinggir dalan. Tapi la lit sitik pe ketrampilenna ibas masing-masing dahin ei. Ekonomi kerakyaten turah wari ku wari ras peranna mbelin nandangi perekonomian daerah bagepe nasional. Enggo teruji ibas erbage-bage krisis. Ekonomi kerakyaten enda tersebar ibas kerina sektor ekonomi, usaha simelala menciptaken lapangen kerja, aminna pe sumber daya manusiana kurang, namun mereken kontribusi si mbelin nandangi perekonomian, berdampak luas terhadap penyerapen tenaga kerja ras fondasi si sangat kokoh ibas struktur perekonomian daerah bagepe nasional. B. PERMASALAHEN Permasalahen ibas ekonomi kerakyaten eme lit ibas faktor internalna nari bagepe faktor eksternal nari. Ibas faktor internal eme si lit ibas dirina sendiri eme simenyangkut kurangna permodalen ras sumber daya manusia (pemeteh, ketrampilen, motivasi, rsd) Permodalen merupaken faktor si utama si iperluken guna mengembangken sada usaha. Kurangna permodalen usaha erkiteken usaha perorangen si mengandalken modal sendiri si jumlahna sangat terbatas, sementara modal pinjamen arah bank bagepe lembaga keuangen sidebanna sulit

3 ndatkenca erkiteken persyaraten secara administratif ras teknis sipindo bank la terpenuhi misalna agunen. Kebutuhen modal sangat terasa ibas paksa memulai usaha simbaru. Biasana adi motivasina tinggi, seseorang akan tetap memulai usaha alu modal seadanya. Lembaga keuangen bank eme sumber modal sibanci imanfaatken oleh pelaku usaha. Namun untuk bermitra ras bank, usaha sikitik ituntut menyajiken proposal usaha si feasible (layak) ras menguntungken. Isamping sie lembaga keuangen bank mensyaratkan usaha kecil enda harus bankable (ngasup memenuhi ketentuan bank). Endame persoalenna. Akibat bank berlaku prudent (hati-hati), maka makin mempersulit usaha kecil guna mengakses sumber modal. Usaha kecil si sulit mengakses bank, ndarami jalan pintas eme rentenir alu bunga si ncekak. Masalah berikutna eme kualitas sumber daya manusia (SDM). Sebagian besar usaha kecil turah secara tradisional ras merupaken usaha keluarga sienggo turun temurun. Keterbatasen kualitas SDM usaha kecil baik arah dampar pendidiken bagepe ketrampilenna sangat berpengaruh kubas manajemen pengelolaan usahana, sierbahansa usaha e sulit untuk berkembang alu mehuli. Bagepe alu keterbatasen kualitas SDM enda, usaha kecil enda sulit untuk mengikuti perkembangen teknologi simbaru guna meningkatken daya saing produk si hasilkenna. Motivasi merupaken hal sipenting ibas mencapai keberhasilen erkiteken lit ije pendorong guna ndahiken dahin. Kininggiten saja la bias ibas ngaloken dahin tanpa pemahanan sijelas tentang kai siman dahinken ras kuga ndahikensa. Labo banci merhat-merhat bage saja. Adi dahin sikitik pe labo tutus kuga banci dahin simbelin idahiken alu mehuli. Faktor eksternal eme iluar dirina eme iklim usaha si kurang kondusif, perdagangen bebas, terbatasna akses informasi. C. UPAYA PEMECAHEN MASALAH 1. Penciptaan iklim usaha si kondusif Pemerintah mengupayaken terciptanna iklim usaha si kondusif antara lain alu mengusahaken ketenteramen ras keamanen berusaha bagepe penyederhanaan prosedur perijinen usaha alu enggo membentuk Kantor Pelayanen Perizinan Terpadu. Ibas Kantor Pelayanen Perizinen Terpadu enda kerina enggo terintegrasi, janah kerina kabupaten/kota enggo ngelitken kantor enda 2.Bantuan permodalen. Pemerintah mereken kredit khusus alu syarat-syarat si mesunah ras la memberatken man pengusaha guna nampati peningkaten modalna. Pinjamen enda maun-maun la iulihken pengusaha enda aminna pe siidah lit nge senna 5 nggalarisa. Lit pameo nina mburtas tambak Dibata enda teridah ibas tunggaken si melala. Mind set (cara rukur) kita kalak Karo perlu denga kal sipesikap ibas sie, siarapken kita Kalak Kristen (GBKP) jadi contoh simehuli min ibas nggalari pinjamen (utang) enda. Enggo ibere banta pinjamen alu bunga rendah epe la sigalari. Budaya nehken tanggungjawab terus sitingkatken. Guna ndatken bantuan modal lit piga-piga sumber sibanci sisikapken proposalna antara lain : - LEMBAGA PENYALURAN DANA BERGULIR (LPDB) LPDB-KUMKM (Koperasi, Usaha Mikro, Kecil ras Menengah) merupaken unit organisasi sibertanggungawab man Menteri Negara Koperasi ras UKM. LPDB-KUMKM tugasna eme melaksanaken pengelolaan dana bergulir guna pembiayaan man KUMKM sesuai ras kebutuhen KUMKM. Syarat-syarat si arus ilengkapi ras ilampirken pemohon pinjaman Fotokopi Kartu Tanda Penduduk (KTP), Kartu Keluarga (KK),Surat nikah (bagi sienggo erjabu), Surat keterangen domisili usaha, Gelar usahana apakah mikro, kecil, tah pe Koperasi, Selain sie, nehken laporen keuangen, ras dekahna usaha silanglangna dua tahun, Persyaraten sideban sicukup penting adi bentukna koperasi eme enggo berbadan hukum.lpdb-kumkm nyalurken dana alu bunga rendah, eme 6% per tahun nandangi koperasi sektor riil, bagepe 9% per tahun man koperasi simpan pinjam - DEPUTI PEMBIAYAAN KEMENTERIAN KOPERASI Deputi enda mereken hibah man koperasi buena Rp 50 juta, la man ulihenken. Syaratna : Koperasi berbadan hukum, lit NPWP, lit rekening bank,bahan proposal - KREDIT USAHA RAKYAT (KUR) Kredit Usaha Rakyat (KUR) eme skema Kredit/Pembiayaan si khususken man UMKM ras Koperasi si usahana layak namun la terlitken agunen si sesuai ras persyaraten si itetapken perbankan. Tujuan akhir iluncurken Program KUR eme meningkatken perekonomian, pengentasen kemiskinen dan penyerapen tenaga kerja. Alu bage UMKM ras Koperasi si selama enda ndatken kendala ibas mengakses kredit/pembiayaan ibas perbankan erkiteken la lit agunen, banci iatasi. 3.Pelatihan/kursus/sosialisasi Guna mereken pemeteh man calon pengusaha perlu erban pelatihen nandangi usaha kecil bagepe koperasi baik ibas aspek kewirausahaan, manajemen, administrasi, pembukuan bagepe pemeteh ras keterampilen ibas pengembangen usahana, bagepe ngelakoken pelatihen manajemen pengelolaan koperasi. Pelatihen iarahken nandangi produk-produk si mendukung sektor pertanian ras pariwisata al :Pembuatan alat-alat pertanian (parang, arit, pompa semprot, pupuk organik, pestisida organik). Pembuatan produk souvenir (miniatur rumah adat 6

4 karo, alat musik tradisional, kulcapi, seruling, sarune, pisau tumbuk lada, raga dayang, uis karo, bunga hias, sertali, amak rsd). Pembuatan barang industri kreatif (sablon,pin, kartu nama,vandel, spanduk rsd).pembuatan makanan ringan (jenisjenis keripik, roti, pembuatan minuman sirup markisa, terong berastagi, susu rsd). Kuliner (pangan/jajanen) melala kal makanen khas Karo sibanci menguntungken arah segi ekonomi mis cimpa unung-unung, cimpa tuang, rires, B1, B2, cipera, jong labar,lemet, onggal-onggal. Obat tradisional : minak pengalun, sembur, buah sinuan-sinuan. Jasa : tukang pangkas, salon, doorsmer, tempel ban rsd. Kerina enda merupaken peluang si banci meningkatken pendapaten keluarga. Ola siakap spele dahin sibagenda. 4.MengembangkenPromosi Guna lebih mempercepat proses kemitraan antara pengusaha kecil ras pengusaha besar iperluken media khusus ibas upaya mempromosiken produk-produk si ihasilkanna. Ijenda me peran koperasi guna membangun kemitraan. Mempromosiken produk ibas pameren-pameren.kabupaten/kota lit ingan pamerjual produk kerajinen eme Dekranasda (Dewan Kerajinan Nasional Daerah). Ibas ingan enda banci ipamerken barang-barang kerajinen si ihasilken UKM bagepe koperasi banci erban website sebagai ingan pameren i dunia maya. 5. Prinsip-Prinsip Berusaha Berdasarken Pustaka Sibadia Ibas berusaha lit piga-piga prinsip siarus idalanken ibas pustaka Sibadia Prinsip Kerajinen/Ketekunen (Amsal 22:29, Roma 12 : 11, Amsal 27 : 23). Prinsip Pengendesen man Tuhan (Amsal 16 : 3, Maleakhi 3 : 10). Prinsip Perencanaan (Amsal 21 : 5).Prinsip kejujuran (Ulangan 25 : 13-15).Prinsip 24/6 (Keluaran 20 : 8) Prinsip prinsip enda nggo min merupaken budaya ras nggo min merupaken bagian ibas kegeluhen Mamre ibas berusaha. D. PENUTUP Kita terus berusaha guna kiniulin usahanta gelah banci reh ulina reh dekahna. Ibas mengelola usahanta, aminna pe usahanta kitik tapi banci jenari encukupi keperlun geluhta. Keberhasilen usaha rehna ibas Dibata nari. Usaha sini idalanken alu mpergunaken ras mpraktekken nilai-nilai Alkitab selain mereken kesempaten ncidahken pribadi si lebih mehuli, banci mereken ulih siterjamin. Usaha si idalanken alu moral si lebih mehuli pasti mereken ulih si lebih baik asangken erusaha alu pendekaten KKN (Jesaya 55 : 7) Keberhasilen ibas usaha enda kuncina eme kebujuren. Pakelah timbangen tah sukat-sukat si bujur, gelah gedang umurndu i negeri siibereken Tuhan man bandu (Ulangen 25 :15) Oleh : Pt. Ir. Mulia Barus, M.Si Ketua Umum BPP Mamre GBKP 7 8 PENGELAYASI MUPEL MAMRE GBKP 1. Tujun Mupel (P2P MAMRE BAB V Pasal 19 ayat 3, Pasal 20 ayat 3, Pasal 21 ayat 3, Pasal 22 ayat 3): a. Mengevaluasi pelaksanan kegiatan b. Menyusun program c. Pemilihen Pengurus Periode berikutnya d. Menerima usul-usul sesuai hasil Mupel 2. BAB III Pasal 16, ngataken periode kepengurusen Mamre ibas kerina tingkaten emekap 5 tahun 3. BAB IV Pasal 14, Pemilihen Pengurus Mamre kerna tingkaten ilakoken bas : - Pengurus Pusat (BPP) Mupel tingkat Pusat - Pengurus Klasis (BP) - Mupel tingkat Klasis - Pengurus Runggun - Mupel tingkat Runggun - Sektor - Musyawarah Sektor 4. Pelaksana Mupel : Pelaksana Mupel ibas kerina tingkat - Mupel Pusat : BPP Mamre - Mupel Klasis : BP Mamre Klasis - Mupel Runggun : BP Mamre Runggun - Musyawarah Sektor : Pengurus Sektor 5. Peserta : - Mupel Tingkat Pusat (P2P MAMRE BAB V Pasal 22 ayat 3 point 3.2) : - Kerina BPP Mamre Periode Utusen BP Mamre Klasis : 3 kalak - Utusen BP Mamre Runggun : 2 kalak - Undangen - Mupel Tingkat Klasis (P2P MAMRE BAB V Pasal 21 ayat 3 point 3.2) : - Kerina BP Mamre Klasis Periode Utusen Mamre Runggun : 3 kalak - Undangen : - BPP Mamre - BP. Klasis - Pengurus Kategorial Klasis - Mupel Tingkat Runggun (P2P MAMRE BAB V Pasal 20 ayat 3 point 3.2) : - Kerina Penngurus Mamre Runggun Periode Utusen Mamre Sektor / PJJ / Terpuk : 3 kalak - Undangen : - BPP Mamre Klasis - BP Runggun - Pengurus Kategorial Runggun - Mupel Tingkat Sektor (P2P MAMRE BAB V Pasal 19 ayat 3 point 3.2) : - Kerina Anggota Mamre Sektor / PJJ / terpuk. - BP Mamre Rungun 6. Jadwal / Tempat - Mupel Tingkat Pusat Tgl : Agustus 2015 Tempat Retreat Center Sukamakmur - Mupel Klasis : Bulan September Selesai bulan September Mupel Runggun & Sektor Selesai bulan Desember 2015 Pengajuk : Kerina Kita Anggota MAMRE : Mari si SEMANGATI MUPEL KERINA TINGKATEN. BPP MAMRE

5 TANGGAL JANUARI 2015 Tema : Perbapan Kalak Karo Ogen : Kejadin 6:9-22 Tujun : Mamre selaku perbapan GBKP ngasup ngusih keteladanen Nuah ibas mimpin kelurgana. I. Penaruh Lit dua dampar si mehuli ibas tradisi Jahudi. Si pemana eme kebiasan nuriken kerna turi-turin nini-ninina nandangi anak ras kempuna. Si peduaken eme lit kebiasan nulisken turi-turin si nuria nandangi sinursurna. Alu bage, bangsa enda tetap banci erlajar arah kerina peristiwa si nuria, guna mabai ia nggeluhken geluhna rikutken ajaren Dibata nini-ninina. Bage me pe kerna turi-turin Nuah enda, labo terjeng si jumpai ibas Pustaka Si Badia, tapi mbue turi-turin si menam seri si jumpai ibas bangsa si deban umpamana Mesopotamia. Lit ijah seri turi-turinna sinigelarina eme Epik Gilgames. Tokoh si seri ras Nuh igelarina Utnapishtim. 1 Tapi lit bedana, ibas Israel turi-turin Nuah enda jadi pengajaren orat nggeluh (moral) ras kiniteken ibas Israel. Bage me maka ibas PA enda erlajar kita arah turi-turin si nuria ibas Pustaka enda, gelah kita jadi sekalak perbapan si patut igelar bapa. II. Tafsiran Sekalak tokoh si nuria ibas kalak Israel, eme Nuah. Lit telu anakna dilaki, Sem, Ham ras Japet. Icidahken ijenda kerna biakna eme mehuli (benar), la lit kesalahenna (tidak bercela), janah ia erdalan arah dalan Dibata (bergaul dengan Allah). Telu biakna enda encidahken erbage dampar kegeluhen si Nuah. Mehuli, encidahken kualitas moralna iadepen Dibata ras manusia. La lit kesalahenna (tidak bercela) ncidahken kinitutusenna njaga dirina arah perukuren, pengerana ras perbahanenna(integritas). Erdalan arah dalan Dibata (bergaul dengan Allah), encidahken hubungen (relasi) ras Dibata si mehuli. Telu biak nggeluh Nuah enda si mbedaken ia ras kerina kalak si nggeluh ibas jamanna. Ikataken kecibal manusia tupung e, Itatap Dibata doni enda, janah idahna kejahaten kerina i je, sabap manusia kerina enggo mbau lagu langkahna. Enda nuduhken uga dauhna manusia ndai nadingken kiniulin bagi tupung tangtangna ia itepa ndube. Erkiteken sie maka Dibata enggo muat keputusen nina, "Enggo Kutetapken maka Kusasapken me kerina manusia. Kukernepken ia kerina, erkiteken doni enda enggo dem alu kejahaten manusia. Kejahaten (Ibr: ra ah) ertina perbahenen si la ngena ate Jahwe. 2 Enda sada perbahanen si ncedai manusia ras hubungen ras Dibata. Emaka Dibata ersura-sura mpereh banjir mbelin (air bah) ku doni enda. Isuruhna Nuah erban sada perahu, guna banci jadi ingan Nuah, ndehara, anak ras teluna permenna, bage pe rikut sada pasang rubia-rubia ras perik-perik gelah ula ikut mate. Kerina si iperentahken Dibata idalanken si Nuah alu patuh. Bage pe kerina isi jabuna ersada arih guna ndalanken pedah Dibata enda, amin gia petembil ras perukuren manusia. Enda nuduhken kerna uga Nuah sekalak bapa si terteki isi jabuna kerina. Arah biakna si telu ndai, encidahken kerna kinitekenna man Dibata, seh maka kerina isi jabuna pe patuh nandangi perentah Dibata. Arah turi-turin enda maka nini-nini Israel ngingetken maka Dibata tuhutuhu mperdiateken kerina perbahanen manusia, subuk mehuli entah la mehuli. 3 Labo kepe ipeturut Dibata doni enda erdalan bage-bage saja (bdk. Teologi The Death of God si ngataken maka enggo kenca itepa Dibata doni enda, maka mahan bana doni enda erdalan. Bagi sekalak tukang arloji, enggo kenca dung arloji ibanna, maka mahan bana erdalan, janah lanai bo ikut Dibata campur tangan). Peristiwa enda ngatakenca Dibata tetap campur tangan ibas sejarah doni enda. Jenari si idah pe arah kejadin enda maka lit rusur kalak si iselamatken Dibata (umat tersisa). Uga pe jahatna manusia ibas Pustaka Si Badia maka tetap lit kalak si iselamatken Dibata. Kalak si selamat e, eme kalak si megiken pedah Dibata ibas kegeluhenna. III. Pengkenaina Lit kin sekalak tokoh bapa ibas kalak Karo, si banci jadi sada usihen nandangi perbapan si genduari? Tentuna lit. Tapi erkiteken la kita gelgel nari mesugu nuri-nuri ras nuratken sejarah nggeluh emaka enggo mesera siakap ngusihsa. Saja, penggelaren sekalak bapa ibas kalak Karo sehkal ergana. Bapa ningen e encidahken sada dolat (wibawa). Enda tentu ipengaruhi budaya paternalisme. Ia me si mbelinna tanggung jababna nandangi keselamaten jabu. Ia me ngerunggui arih si la sempabu. Ia me mereken pedah ras ajar rikut ras orat nggeluh gelah kerina anak ras isi jabu erlagu. Ia me jadi usihen ibas pengerana ras perbahanen gelah jabu ula juru. Ibas kinatana maka megati la terbaba perbapan Karo gelar si babana. Ia me arusna si erjaga, megati ia man jagan. Ia me si arusna ngajar, ia rusur man 1 Tremper Longman III, Panorama Kejadian (Jakarta: Scirpture Union Indonesia, 2013), Walter Lempp, Tafsiran Alkitab Kejadian 5:1-12:3 (Jakarta: BPK Gunung Mulia, 2009), Wismoady Wahono, Di Sini Kutemukan (Jakarta: BPK Gunung Mulia, 2004),

6 ajarenken. Adi bagenda kecibal kegeluhen perbapan Karo maka tentuna la banci ia jadi usihen ras pelopor keselamaten pinakit jaman enda. Alu bage maka perbapan Karo perlu ikuhi alu biak Nuah si jadi tuhu-tuhu banci jadi usihen man banta kerina. Subuk kualitas moral, integritas ras hubungenna ras Dibata si selket. Enda erbahanca ia jadi sada bapa si mbaba keselamaten man isi jabuna itengah kegeluhen si dem alu kejahaten paksa sie. Bage me arusna Mamre selaku perbapan GBKP ras perbapan Karo jadi usihen ibas moral, integritas ras hubungen ras Dibata. Mamre mejadi pelopor keselamaten man isi jabu itengah kejahaten si nggeluh ibas paksa enda. Seh maka Mamre patut igelari bapa. IV. DISKUSI 0. Kai si patut si usih arah kegeluhen si Nuah ibas jamanta enda? 0. Kai kira-kira masuken ibas kita nari, gelah biak Nuah enda banci si praktekken ibas jamanta enda. Ende-Enden : PEE 5:1-3; PEE 37:1-2; PEE 111:1,2; KEE 200:1,2; PEE 97:1,3 Kepustakaan 0. Prof. S. Wismoady Wahono, Di Sini Kutemukan, Jakarta: BPK Gunung Mulia, Dr. Walter Lempp, Tafsiran Alkitab Kejadian 5:1-12:3, Jakarta: BPK Gunung Mulia, Tremper Longman III, Panorama Kejadian, Jakarta: Scirpture Union Indonesia, Pdt. Yunus Bangun M.Th HP: TANGGAL PEBRUARI 2015 Tema : Perbapan ibas Pustaka si Badia Ogen : Masmur 128:1-6 Tujun : Mamre ngangkai gambaren bapa rikutken Pustaka Si Badia I. Penaruh Bapa eme kepala keluarga, pemimpin, imam jabu ras melala denga gambaren si deban si banci ipake guna nggambarken ise kin bapa. Ibas tata kemasyarakaten ras tata politik Karo tradisional kata perbapan banci iertiken pemimpin ntah raja urung. Ibas masyarakat Israel zaman Alkitab (Padan Si Ndekah), perbapan biasa kal kundul i pintu gerbang kota. Ije me jambur kalak Israel si adi, ije idungi persoalen keluarga ras masyarakat, ije ka pe ibelasken pasupasu man anak-anak si nguda si berkat nadingken kuta (Mazmur 121:8). Gambaren ideal kerna bapa isuratken ibas ende-ende rohani ibas zaman Israel kuno nari eme Mazmur 128 sibanci pe igelari Mazmur Perbapan erkiteken isina nuriken kuga keriahen ras kemalemen ate si jadi man kerina isi jabu erkiteken bapa jabu e eme sekalak bapa si malang man Tuhan. Mazmur enda teridah bagi sada pengajaren si ibelasken sekalak Guru Kepentaren (Guru Kebijaksanaan) i Rumah Pertoton i Jerusalem. II. Tafsiren 2.1. Ayat 1-4 Sangap kal kalak si malang man TUHAN si nggeluh ngikutken kerina perentahna. Kata sangap ibas pemenan kata ncidahken sada keadaan, cibal geluh kalak si malang man Tuhan janah kata sangap ije jadi kesimpulen ibas Mazmur 128 enda. Adi ikataken kesimpulen maka ayat enda jadi sada ketetapen si lanai banci ipersilahang (tidak terbantahkan). Ayat enda jadi pokok pikiren si ngerakut (merangkum) ayat-ayat si deban. Kata sangap iterjemahken ibas cakap Heber nari eme asyar si banci iertiken alu untung (mujur dan bernasib baik). Kuga maka banci sangap ntah runtung? Pemazmur mereken jababna eme: Nggeluh ngikutken kerina perentah TUHAN! Alu pengajaren enda pemazmur mabai si ngoge ras megiken mazmurna kempak jantung (inti) pengajaren agama Israel eme Pedah Dibata (Taurat). Taurat e megati igambarken bagi sada dalan si man dalanen. Kune sekalak lanai erdalan ibas dalan e tentu la ia seh ku tujun geluh. Kai kin si jadi tujun, si man ayaken, si 11 12

7 man daramen jelma nggeluh? Tentu saja keselamaten, kesangapen, keuntungan. Kai kin siidarami jelma nggeluh adi la keuntungen? La lit jelma si erdahin, erusaha ntah erkai gia tujunna gelah rugi. Kai saja dage keuntungen man kalak si nggeluh ibas dalan Tuhan (Taurat)? Tentu jababna: Keluarga Sempabu (Bahagia dan Harmonis). Keuntungen si pemena man kalak si malang man Tuhan teridah tangkas ibas jabu ras perjabunna. Kemalemen ate e iandingken alu gambaren ndehara bagi batang anggur si meramis ras anak-anak bagi tunas batang saitun. a. Anggur eme sada inemen si mereken keriahen. Anggur ibas budaya ija mazmur enda itulis eme gambaren kerna kesejahteraan sebab bias nakan pagi rebi. Sekalak si lit batang anggurna terjamin geluhna subuk secara materil bagepe moril. Perjuma anggur arus kalak mejingkat sabab anggur arus lalap ipekena-kena. Sabab ibas anggur nari idatken uang masuk bagepe keriahen. Ndehara si bagi batang anggur labo ndehara si ngkeriken pencarin tapi ndehara si maba keriahen kempak perbulangen bagepe man keluargana. b. Tunas batang saitun: Bulung saitun eme lambang perdamen dingen saitun megati ipake jadi andingen kerna kalak bujur. Buah saitun jadi pangan dingen minakna jadi tambar, minak lampu, minak penangkuhen imam, parfum ras erbage si erguna. Adi ikataken anak-anak bagi tunas batang saitun ertina sinursurna eme kalak si erbahan gelarna termurmur, termulia. Sinursur kalak bujur (si malang man Tuhan) la banci lang maba buah si mehuli. Buah si kerina kalak perlu ras merudu ndatkenca. Engkai maka iandingken bagi tunas batang saitun? Sabab tunas e maba pengarapen kerna batang si reh dekahna reh paguhna janah seh pagi paksana erbulung, erbuah. Kalak si malang man Tuhan la dat kemalun erkiteken perbahanen sinursurna, sabab sinursurna e ncidahken ija nari ia reh. Bapa si bujur mahan bana anak-anakna pe jadi kalak bujur Ayat 5-6 Bagi siisingetken i datas maka pengajaren enda ibelasken (iendeken) i Rumah Pertoton i Jerusalem. I tengah-tengah perpulungen kalak si ersembah e ibelasken ras iberitaken me pasu-pasu gelah lit kenjehen (ketedehen ate) si megimegi, maka jadi man bana bagi siituriken e. Natap kesangapen Jerusalem banci iertiken alu kegeluhen si dame erkiteken Tuhan reh ku tengah bangsana, la lit perang, la lit lego ras situasi si erbahan aru ate. Dingen tambah si e kerina cawir ka metua (jadi lansia) si sempat ngidah anak bagepe kempu. Lit denga kin sikapen ras ulin asa kegeluhen si bage ndia? Lang! Emaka selaku bapa malanglah man Tuhan. III. Pengkenaina Adi sipegermetken pengajaren Mazmur 128 enda, tangkas man banta maka mbelin kal kepe pengaruhta selaku bapa nandangi sikap ntah lahangna geluh jabunta. Ndehara ras anak-anakta jadi kebanggan dingen erbahan medolat dirinta labo jadi bage-bage saja, kerina sie mulih kempak kita selaku bapa. Kegeluhen pertendinta (kerohanianta) melala kal erpengaruh kempaksa. Adi ipake istilah bahagia kepeken kebahagiaan jabunta tergantung kel kempak caranta nggeluh selaku bapa. Selaku pemimpin ras imam jabu geluh kinitekenta eme kunci nandangi kerina kemalemen ate si banci inanami tupung kita nggeluh. Ngikuti alu pikir pemazmur, banci ikataken sumber kebahagian jabu erpalasken kiniteken perbapan si lit ibas jabu e. IV. Diskusi 4. Mesera nge siakap jadi bapa bagi si tersurat ibas Mazmur 128 enda? 4. Penting nge man banta kegeluhen jabu si sempabu (harmonis)? Turiken alasenna. V. Ende-enden 2. PEE 5: KEE 182:1,2,5 2. KEE 124: PEE 36:2 Pdt. Albert Purba Ketua GBKP Klasis Pematang Siantar HP

8 TANGGAL PEBRUARI 2015 Tema : Perbapan GBKP Ogen : Kejadin 18: 1-10 Tujun : Gelah perbapan GBKP meteh maka mamre eme ingan perjumpan antara Dibata ras manusia (pribadi ntah pe organisasi). Perlebe Mamre e me ingan ija terjadi perjumpan Tuhan ras Abraham. Perjumpan antara Ilahi (Surgawi) ras insani (Duniawi). Ija Abraham ngalo-ngalo ras menjamu Tuhan alu ukur situtus. Ibas perjumpan enda Tuhan nehken janjina e me jadi bangsa simbelin arah ketubuhen Ishak. Ibas Mamre GBKP jadi min peristiwa perjumpan antara Dibata ras manusia. Sebab ibas terjadina perjumpaan enda erbuahken janji pasu-pasu Dibata guna njadiken bangsana jadi bangsa simbelin.. Isi Ibas terjadina perjumpan antara Dibata ras manusia (Abraham ras Dibata), piga-piga hal siterjadi e me : 0. Terjadi peningkaten kualitas hidup Abraham. Kualitas enda teridah arah sikap ras cara Abraham ngalo-ngalo temuena sicukup erkualitas (ermutu) : - Idahna mentas arah lebe rumahna mis ia jurgak ras kiam ngalo-ngalosa. Mis jurgak ras kiam ngalo-ngalosa (ay.2a,b) nandaken maka kalak si mentas penting bana, padahal langa bo tandaina. - Erjimpuh ia ayona seh ku taneh (ay.2c). Enda nuduhken hubungen budak ras tuan. Abraham nggit njadiken dirina bagi budah (kitik) guna pebelin (mpertuan) temue si la itandaina. - Berelah maka aku ngidangi kam (ay.3b). Mindo ijin ia gelah ibere ngidangi temuena. Berarti ngidangi/ngelai kalak e dahin simbelin emaka harus mindo alu meteruk. - Ngelegi lau guna pemurihi nahe (ay.4), enda tradisi ukur meteruk kalak Israel, si ngidah tamu e tuan, jadi wajar simelketna pe ibas diri tuan ibersihken hambana (tuan rumah). - Nikapken pangan guna nambagi gegehndu (6-7), e ngataken maka pelayanen Abraham murni guna kepentingen ngelanjutken perdalanen (visi misi, masa depan) temuena, labo guna kepentingenna gelah akap kalak mejile, mbue teman/kade-kade, rsd Isikapkenna pangan simuhulina aminna gia tamuna 3 kalak ngenca (1 guni roti ras 1 ekor lembu). Pelayanenna labo setengah ukur tapi bulat ukur (la menggo). - Ia sendiri nge ngelai temuena (ay. 8), la isuruhna pembatu rumah tanggana si enterem. Enda nuduhken bage ergana ras hamatna temuena e sehma maka ia sendiri ngidangisa bali ras pembantu. Padahal Abraham e situhuna tuan nge ibas jabuna. Inti perbahanen Abraham enda e me : Abraham ngidah ras nggejapken maka melayani kalak sideban alu mehuli walau pe korban materi, erga diri (status), rsd merupaken kehamaten man bana. Luar biasa kualitas hidupna enda, enggo pas bagi motto Mamre GBKP : Mamre Erdiate, Mamre Erpemere. Tentu enda kerina banci jadi erkiteken perjumpan Ilahi ras insani ndai nge. 2. Arah perjumpaan Ilahi ras insani enda erbuahken janji Dibata guna njadiken bangsana jadi bangsa simbelin (erbuahken pasu-pasu) e me arah ketubuhen anakna Ishak.. Aplikasi Megati kel kita jadi Mamre GBKP erkiteken perubahan status arah anak perana jadi perbapan emaka labo terjadi perubahen karakter sabab banci saja ndube pe ia labo permata. Perlu sieteh maka kita jadi Mamre labo erkiteken perubahen status anak perana jadi perbapan, tapi erkiteken pemere (anugrah) ingan perjumpaan Dibata ras manusia, ija Dibata bertindak arah kita. Adi labo terjadi perjumpaan Dibata ras manusia ibas dirinta situhuna labo kita Mamre. Sebab ibas perjumpan eme maka jadi kualitas ibas dirinta bagi ibas Abraham ndai. Adi labo jumpa Dibata ras insani ibas kita labo mungkin lit kualitasta. Adi la lit kualitasta emaka pelayanenta pe labo lit sebab rugi nge siakap. Padahal Abraham ngelai kalak alu mehuli e ikirana kehamaten bana. Tapi adi jelma la erkualitas pelayanen e pasti ikirana kerugian, emaka janji Dibata ndai pe (pasu-pasu) la jadi bas ia. Adi bage rugi kita. Adi lit ka singatakenca ia la anggota Mamre perban jabaten gereja (ia sekalak pt/dk, pdt, rsd), e enggo ia rugi total, sebab la ia nggit ingan perjumpan Dibata ras manusia. Sibage labo banci erkualitas.

9 IV. Diskusi 3. Diskusiken pengangkanta Mamre e me ingan perjumpan Dibata (ilahi) ras manusia (insani). Janah kai ulihna adi perjumpan enda jadi (bandingken pengalamen Abraham jumpa ras temuena = ogenta). 3. Abraham ngidah, maka melayani ras pengorbanen e me kehamaten bana, kita kuga? turiken alasenna. 3. Terjeng ja nge sedekah enda geluhta sipake ingan jadi perjumpan Dibata ras manusia? Kai tekatta jenda nari kupudi? Usulen ende-enden : PEE No. 33 : 1-; SEE No. 169:1- ; PEE No. 43 : 1-; PEE No. 42 : 1-; V. Keptustakaan 1. Piet Go Carm, Bahan Pengembangan Kerasulan Awam, Malang: Dioma, B.F.Drewes dan Julianus Mojau, Apa Itu Teologi, Jakarta: BPK Gunung Mulia, A. Heuken, Spiritualitas Kristiani-Pemekaran hidup rohani selama dua puluh abad, Jakarta: Yayasan Cipta Loka Caraka, Ensiklopedi Alkitab Masa Kini Jilid II M-Z, Jakarta: Yayasan Bina Kasih/ OMF, cet. 7, 2004 Pdt. Seth Perangin-angin, M.Th Pendeta Mamre GBKP TANGGAL PEBRUARI 2015 Tanggung jawab Tema : Tugas ras tanggungjawab Mamre GBKP Ogen : Kejadin 1:26-28, Tujun : Mamre meteh tanggungjawabna rikutken tujun Dibata nepasa e me ija ia hadir maba kiniulin I. Penaruh Manusia menjadi salah satu problem yang paling krusial (penting) pada zaman kita bage nina Anthony A.Hoekema. Emaka turah penungkunen: Kai kin manusia? Ise kin kam? Penungkunen enda banci ijabab alu erbage-bage jabab. Tapi penungkunen e la erkedungen alu sada jabab. Mulai ahli sosiologi, psikologi, filsafat seh ku penulis novel mereken jababna. Manusia adalah hewan bercelana, bage nina pendapat si berkembang ibas ilmu-ilmu si meneliti masalah manusia. Tuhu maka secara fisik manusia la ndauh bedana ibas rubia-rubia nari. Tapi situhuna lit nge perbedan si mbelin antara manusia ras rubia-rubia e, sabab ibas manusia lit kengasupen ngembangken geluhna ku tingkat si terulin. Manusia eme makhluk si rukur, janah erkiteken ia makhluk si rukur me maka manusia meteh kai si mehuli, kai si mejile. Pustaka si Badia mereken jabab maka Manusia e me tinepa Dibata. Erkiteken ia tinepa emaka manusia labo penguasa mutlak nandangi dirina bagepe doni ras kerina isina. Janah bagi nina Hoekema si ngataken maka, manusia labo sekedar tinepa tapi manusia e sada pribadi. Erkiteken ia sada pribadi emaka manusia banci erbahan keputusen, erbahan tujun ras erdalan kempak tujun-tujun e. Kai kin tujun Dibata nepa manusia? Enda me si man oraten ibas PA-nta sendah. II. Tafsiren Manusia eme tinepa Dibata si ringan ibas kelas tersendiri erkiteken cara Dibata nepa manusia e lain ras carana nepa makhluk si deban. Sentudu ras tempasta, si menam seri ras Kita ibas cakap Heber ipake istilah tselem bagepe demuth. Tselem banci iertiken ukiren, jadi tempas Dibata iukir ibas diri manusia, janah demuth ertina gambar si seri. I jenda perlu sitengeti maka manusia nge si maba rupa Dibata labo Dibata maba rupa jelma. Alu make duana kata enda, penulis Kitab Kejadin ersura-sura nehken pesan maka manusia e maba kualitas-kualitas kini-dibatan ibas dirina. Kualitas-kualitas ibas manusia e labo seri bagi si lit ibas 17 18

10 Dibata seh maka enggo bali ras kualitas Dibata jine, tapi si lit ibas manusia eme sekedar duplikat ntah pe fotocopi saja. Itepa sentudu bagi rupa ras tempas Dibata banci iertiken maka antara Dibata ras manusia lit hubungan istimewa janah erkiteken hubungen e me maka manusia jadi wakil Dibata i doni. Manusia jadi pelaksana tugas (Plt) Dibata ibas doni ras kerina tinepana. Alu make istilah rupa ras tempas Dibata penulis Kejadin negasken maka ibas manusia lit dampar pertendin (rohani) janah erkiteken sie maka ibas manusia lit kesadaren kerna dirina ras sekelewetna. Kesadaren manusia kerna diri ras lingkungenna tangkas ibas litna logika (akal pikiran), etika (pemeteh kerna si mehuli ras si la tengka) bagepe estetika (pemeteh kerna kai si mejile man tatapen, ntabeh man beginken). Jenari, Dibata masu-masu manusia lako ndemi ras nguasai doni. Lit sarjana Alkitab si ngertiken maka perentah e la terjeng nerusken sinursur (berkembang biak) tapi pe mbangun budaya. Tentu saja asum itepa ndube, manusia irancang Dibata jadi sada makhuk sierbudaya, si makeken budi ras daya lako nguasai ras ngusahai doni. Perentah si ngataken demi dingen taluken doni ras kerina isina labo maksudna gelah manusia rate-ate nandangi tinepa si deban. Manusia itempatken i doni labo jadi penjajah tapi jadi perwakilen Dibata ndalanken kuasa pemerentahen gelah lalap lit kiniuilin. Adi sioge Kejadin 1 piga-piga kali ituriken maka ulih pendahin Dibata e mehuli. Kiniulin e turah kenca kin Dibata erdahin ibas doni si ndube lume ras la ertempas. Emaka ate Dibata doni enda lanai salih bagi si enggo-enggona. Manusia itepana selaku makhluk si rukur gelah kiniulin pendahinna e banci ijaga ras irawat. Alu bage banci ikataken maka Dibata la sembarangen nepa manusia, alu keseriusen ras konsentrasi tingkat tinggi manusia ijadiken. Penciptaan manusia bukan sebuah kebetulan atau insiden (yang tidak disengaja). Lit denga kin tinepa si deban siijadiken Dibata bagi Ia nepa manusia e? Lang! Kai tujun Dibata nepa manusia? Gelah si mehuli reh ulina. Gelah si sikap reh sikapna. labo gelah njajah anak jabu (anak ras ndehara), njajah kalak si deban. Arah turiturin kejadin manusia iajarken man banta kepeken maka Dibata la pernah nepa manusia jadi kalak jahat. Labo itepa Dibata gelah perbapan jadi kalak jahat. Ija manusia reh ije turah kiniulin, bagepe ka pe min ja Mamre reh salih si la uli jadi mehuli. Tugas Mamre la terjeng nerusken sinursur tapi pe mbangun sada budaya (kebudayan), peradaten si terulin asa si enggona. Mamre jadi pengulu kegeluhen si dahinna ngelului (ndarami) si man pekenan ibas kerina dampar geluh. IV. Diskusi 2. Kai nge sura-sura Dibata nepa manusia rikutken rupa ras tempasna? 2. Enggo me lit sada budaya si turah ibahan Mamre GBKP, kinahun pantek ibas GBKP enda? turiken alasenna. V. Ende-enden 4. KEE 200:1,3 4. KEE 204:1,3 4. PEE 40:1,5 4. PEE 43:1,4 4. PEE 117:1,4 Pdt. Albert Purba, M.Th Ketua GBKP Klasis Pematang Siantar HP III. Pengkenaina Dibata eme ulu kerina si mehuli dingen sura-sura Dibata, kiniulin e banci tetap lestari ibas doni si enggo itepa ras iisina alu erbage-bage tinepa, termasuk manusia. Selaku penguasa, Dibata nempatken wakilna, si seri bagi Ia, sue rupa ras tempasna ras Dibata. Ibere Dibata man manusia e kewenangen (kuasa) lako ngaturken tinepa Dibata, tapi kewenangen e labo mutlak, sabab Dibata mindo manusia tetap ertanggungjabab. Selaku makhluk si rukur, manusia (ije termasuk pe Mamre/Perbapan GBKP) itepa Dibata ndalanken sada misi eme maba kiniulin i babo doni. Mamre ijadiken 19 20

11 TANGGAL PEBRUARI 2015 (KERJA RANI) Mengayomi, melindungi Tema : Bapa si Njagai Kebadian Jabu Ogen : Job 1:4-5 Tujun : - Mamre meteh siilakoken Job guna ngajai kebadian jabuna (anak jabuna) - Mamre ndalanken tugas panggilenna guna ngayomi, njagai kebadian anak jabuna bagi Job I. Penaruh Sekalak jelma labo banci rempet (tiba-tiba) jadi sekalak pemimpin. Arus nge ibentasina sada proses si membentuk ia jadi sekalak pemimpin. Tentuna arah proses e melala faktor si mempengaruhi ia, misalna: faktor internal: eme faktor si muncul ibas pribadi sekalak pemimpin e. Contoh si deban misalna: faktor eksternal: eme faktor si muncul ibas lingkungen, situasi ras si debanna. Sie kerina berpengaruh membentuk kepemimpinan sekalak jelma. Janah faktor si cukup penting pe ije eme faktor Spiritual, ertina maka daya spiritual (ngangkai sura-sura Dibata) sekalak jelma pe cukup berpengaruh ibas proses membentuk karakter kepemimpinenna. Emaka kepemimpinen si bage cukup si perluken ibas kegeluhen Mamre, lako ncidahken kinata kegeluhenna selaku sekalak Bapa man kerina isi jabuna. II. Tafsiran Karakter kepemimpinen Jop si cukup teridah eme disiplin diri, si teridah ulihna ibas kedisiplinen rohanina (Bnd. Jop 1:1).Ituriken ije kerna kepatuhen ras kesetian Jop erkemalangen man Dibata. Janah enda me kedungenna wujud integritas Jop. Emaka selaku sekalak bapa,disiplin diri ras disiplin rohani mbentuk biak (karakter) sekalak pemimpin si teridah ibas kegeluhenna. Selaku sekalak bapa, Jop ngasup mereken pengaruh positif si cukup mbelin man anak jabuna. Pengaruh e la saja ngenca arah ranan si ibelaskenna, tapi teridah ka pe arah perbahanenna selaku sekalak bapa. Ije me teridah integritas Jop selaku sekalak bapa. Jop merupaken gambaren sekalak bapa si tuhu-tuhu kuh dingen jadi usihen man kerina jelma. Erti kuh ijenda labo kesempurnan manusia si lanai erdosa, tapi mengarah ku ketutusen ibas erkemalangen man Dibata, la ngelakoken perbahanen-perbahanen 21 si salah, dingen cukup matang pe secara moral. 4 Enda me bukti kematangen Jop selaku pemimpin ibas jabu, matang ibas emosional ras moral, bagepe matang ibas spiritual (kerohanian). Adi ibas kitab-kitab si deban karakter si bagenda igelari sebage kepentaren (hikmat) si mbelin (Msm. 119:99-101; Ams. 1:7; Pkh. 12:13). Ibas tradisi zaman kuno, berkembang pemahamen maka alu litna kinibayaken, kesusuren si nterem, ras kesehaten eme gambaren (tanda/bukti) sekalak jelma si ikelengi Dibata. 5 Tentu gambaren si enda pe nuduhkensa maka kegeluhen Jop merupaken kegeluhen si jadi arapen ras perayaken man kerina perbapan. Banci jadi hampir seri ras perkembangen pemahamen ibas tradisi pigapiga suku, misalna suku Toba: hamoraon (kekayaan materi), hasangapon (berwibawa) ras hagabeon (banyak anak) bagepe ibas tradisi Karo: sangap, ertuah dingen bayak. Ise si seh ku bas tahap sie ikategoriken selaku manusia si enggo kuh kegeluhenna. Pemahamen si enda me si megati itamaken jelma si nterem man Jop, seh maka jelma si nterem e ngataken Jop sekalak si patut jadi usihen dingen jadi teladan ibas kegeluhen masyarakatna. Tapi man Jop, kinibayaken si mbelin e man bana eme kerembakenna ras Dibata. 6 Arah pengogenta banci si idah sada kesemalen si turah ibas tengah-tengah jabu (anak-anak) Jop. Anak-anakna semal ngelakoken pesta man-man alu ergiliren. Janah kerina anak-anak Jop ikut ibas pesta e, termasuk pe anak-anakna si diberu. Banci jadi kesemalen e ilakoken sebage tanda maka anak-anak Jop tetap njagai kiniersadanna kerina. Ertina maka anak-anak Jop ngasup dingen ersura-sura njagai kiniersadanna kerina, gelah la turah perjengilen ibas ia kerina. kemungkinen sie kerina jadi erkiteken pengaruh kepemimpinen Jop selaku bapa itengah-tengah jabuna. Dukungen ras perhatian sekalak bapa cukup membantu ibas mbentuk karakter kiniersadan ibas tengah-tengah jabuna. Hal sienda mungkin si berbeda ras jamanta genduari si megati erkiteken kinibayaken (kiniliten) turah perubaten ibas jabu. Ije me teridah maka Jop selaku sekalak bapa cukup berhasil ngajarken anakanakna (bnd. Msm. 1:3). Janah sie kerina gambaren kemalemen ate si ialoken Jop ras isi jabuna. Perilaku anak-anak Jop e, mabai Jop pro-aktif lako njagai kegeluhen anakanakna e. Ibas pemahamen Jop, banci jadi anak-anakna e ngelakoken perbahanen si salah subuk sengaja ntah pe la isengaja tupung ia ngelakoken pesta-pesta e. 4 Donald Guthrie mengutip perkataan Spurgeon tentang Ayub, seperti ia berkata mengenai Gladstone: Kita tidak percaya akan ketidakberdosaan seseorang, tapi adalah melegakan bila kita pasti akan ketulusan hati seseorang. Donald Gutrie, dkk, TafsiranAlkitab Masa Kini 2 (Ayub-Maleakhi), YKBK/OMF: Jakarta, 2004, hlm , Alkitab Edisi Studi, LAI, Jakarta: 2011, hlm C. Bijl, Ayub Sang Konglomerat, YKBK/OMF: Jakarta, 2004, hlm

12 Ertina maka Jop tetap mperdiateken kegeluhen anak-anakna. Sebab kesemalen ngelakoken pesta e banci secara la sadar anak-anakna enggo ngelakoken perbahanen si la mehuli (dosa) man Dibata sierbahansa banci reh rawa Dibata. Ijenda me peran kebapan ibas Jop, la ipediatna anak-anakna ndabuh ku bas perbahanen-perbahanen si banci mpeturah dosa. Tentuna sikap e turah erkiteken ibas Job enggo mbages pengangkankerna aturen-aturen erkiniteken man Dibata. Ituduhkenna kematangenna erkiniteken e, alu patuh man Dibata bagepe njagai kegeluhen kiniteken anak-anakna (keluargana). 7 Emaka lampas erpagi-pagi minter ipersembahkenna persembahen tutungen man Dibata lako mpebadiaken anakanakna e. Janah rikutken pemahamen ibas Padan si Ndekah, Jop nehken pertotonna man Dibata gelah mperdameken anak-anakna, bali ras korban si ipersembahken ibas Kristus. 8 Alu tindaken e, Jop ngajari anak-anakna gelah ula ngelupaken Tuhan, amin gia ia sangana erpesta. Bageme sikap sekalak bapa si ituduhken Jop si jadi usihen man Mamre GBKP. Ijagaina dingen ikawalina kegeluhen anak jabuna segelah kerina anggota jabuna ngasup nggeluh alu mehuli ilebe-lebe Dibata. Teridah pe arah ukurna maka erkiniteken e labo masalah biasabiasa saja, tapi ibas erkiniteken arus pe teridah ije ketutusen ras perbahanen mehuli si ilakoken manusia. Alu bage reh ngasupna kita ngangkaisa maka ibas ngangkai Kata Dibata e arus nge erbuah arah perukuren, pengerana bagepe perbahanenta manusia. Janah sienda me si banci membentuk karakterta selaku sekalak Mamre (bapa/pemimpin) si ngaturken kegeluhen kiniteken ibas jabu. III. Pengkenaina. Selaku mamre, tentu iperluken sada biak (karakter) si megegeh ibas kita. Secara pribadi Mamre arus ngasup nuduhken jati dirina, la saja gelah ipandang selaku kalak si mehaga tapi ngasup nuduhken maka ia tuhu-tuhu berwibawa. Amin gia ibas masa si genduari enda, megati tantangen jaman mahansa Mamre enggo kurang mereken peranna ibas perkembangen jabu. Pengaruh kesibuken, ndahiken dahin, mobilitas yang tinggi ras si debanna megati engkurangi waktu Mamre ibas jabu. Ijenda me iperluken sikapta selaku mamre, si banci mereken dirina guna kiniulin itengah-tengah jabu. Mamre arus sadar maka ia me pemimpin (bapa) si memiliki karakter (biak) erkiniteken si paguh ibas itengah-tengah jabu. Emaka la banci lang arus nge Mamre peduli man jabuna, arus nge mamre sebage pengayomibas jabu. Secara khusus njagai kiniteken jabu e gelah tetap man Dibata. Termasuk pe ibas mpersingeti dingen jadi contoh si mehuli ibas tengah-tengah jabuna, man anak-anakna gelah tetap erdalan ibas peraten Dibata. Diskusi 01. Erpalasken pengogenta kerna kegeluhen Jop, kai nge wibawa si idah kita ibas Jop selaku bapa terutama ibas njagai kegeluhen kiniteken jabuna? Uga caranta gelah banci silakoken wibawa e ibas geluhta selaku Mamre. Diskusikenlah! 03. Sue ras situasi jamanta genduari enda, ngasup nge kita Mamre ngelakoken tindaken Jop e ibas jabunta? Turiken kai alasenta. Kepustakaan -----, Alkitab Edisi Studi, LAI, Jakarta: 2011 C. Bijl, Ayub Sang Konglomerat, YKBK/OMF: Jakarta, 2004 Donald Gutrie, dkk, TafsiranAlkitab Masa Kini 2 (Ayub-Maleakhi), YKBK/OMF: Jakarta, 2004 Rene Girard, Ayub Korban Masyarakatnya, BPK-GM: Jakarta, 2003 Ende-enden KEE No. 41:1,2,7; KEE No. 86:1,3; KEE No. 200:1-3; PEE No. 37:1,3; PEE No. 97:1-3 Pdt. Dikky A. Bangun, STh Donald Guthrie, dkk, opcit, hlm C. Bijl, Op.cit, hlm

13 TANGGAL MARET 2015 Maba perubahen, memutus mata rantai kekerasen Tema : Ula subuki si jahat alu sijahat Ogen : Kejadin 50:15-21 Tujun : Mamre meteh perbahanen Jusup man senina-seninana Mamre ngasup memutus mata rantai kekerasen I. Penaruh Lit kata bijak nina, adi simehuli ibahan kalak man banta tapi sibalas alu la mehuli e ikataken kejahaten, adi mehuli perbahanen kalak man banta maka sibalas alu mehuli e ikataken manusiawi, adi sijahat ibahan kalak man banta tapi sibalas alu kiniulin enda me si ikataken ilahi. Biak siperpudi enda me arusna jadi biak kalak Kristen. Adi erpalasken kuan-kuan enda ndai, si apai nge rusuren si jadi ibas kegeluhenta, ntah pe si ilakoken nandangi kalak sideban (ndehara, teman, senina, teman ras sidebanna). Enda me siman pelajarennta ibas ogenta, kerna perbahanen Jusup la nubuki perbahanen seninana sin jahat, tapi mbalas alu kiniulin. II. Isi Rencana ras rancangen kegeluhen manusia ise pe la metehsa. Emaka perlu kal erpengendes man si mada kegeluhen gelah ngasup ngidah kiniulin sura-sura Dibata. Bagi si ituriken ibas kitab Jeremia 29:11, maka sura-sura Dibata eme si mehuli nandangi kegeluhen bangsana. Alu bage ngasup manusia ngidah kerina si positif (mehuli ) ibas perdalanen kegeluhenna. Bagenda me si Jusup ngangkai ras memaknai kegeluhen si idalanina. La bagi kuan-kuan si megati si belasken, ula sanga i datas e kita siakap si hebatna tapi pas siteruh, kita siakap si liahna. Inget, roda pasti erputar. Jusup ngasup ngidah perdalanen kegeluhenna, natap kentisik ku pudi, maka si jadi kerina e labo erkiteken beluhna ras ngasupna tapi erkiteken kuasa ras sura-sura Dibata si mada kegeluhen. Emaka ibas paksa kebiaren si lit ibas senina-seninana, ija iingetna kejahaten si pernah ilakokenna, ipetetapna ukur senina-seninana e. Sanga bapana si Jakub nggeluh denga tempa iakap seninana e ia jadi pembelana ras si ibahan Jusup e guna ngergaken ras ngkelengi bapana. Emaka kenca Jakup mate turah kebiaren dikune Jusup erbalas man ia kerina, emaka ibahanna cara gelah ialemi Jusup ia. Ipetetap Jusup ukur seninana, alu ngataken maka kerina kejadin si enggo lepas iidahna sebage bentuk rencana DIbata, amin jahat sura-sura ibas seninanana isalihken Dibata jadi pasu-pasu. Sienda me jadi kata kunci maka Dibata erdahin ibas sejarah geluh manusia, si mehuli banci reh amin sura-sura jahat. Arah sie kalak Israel enggo nehi padan jadi pasu-pasu nandangi kalak sideban (Alkitab edisi studi, LAI, 2010, hal 106). Alu kejadin sie teridah kuga Jusup la mbalas kejahaten seninana alu kejahaten tapi alu si mehuli. Enda me siikataken memutus rantai kekerasen. Sabab kai si ilakoken senina Jusup tuhu-tuhu kekerasen la saja pisik (daging kula) itangkap, itamaken ku sumur seh idayaken (Kej. 37:18-33) tapi pe psikis, ia ikata-katai anak manja, pernipi-nipi ( Kej. 37:1-10) Megati kal la iarap perbahanen si ilakoken man kalak si deban e biakna kekerasen, iakap hal si biasa-biasa saja sabab enggo biasa inanami ras ilakoken. Sabab alu la sia arap ijapa pe enggo jadi kekerasen, ibas sekolah (pisik ntah pe seksual), jabu (perbulangen ndehara,orang tua ku anak ntah pe sebalikna, ekonomi, seksual), ibas kantor (atasen bawahen, penekanen) budaya ras agama. Ibas sie adi la kita si jadi pelaku mbelin kemungkinenna kita si jadi korban. Emaka pantas siakap asa gegeh ras ngasupta mbalas kai si enggo ibahanna man banta. Adi lang langa siakap puas. Emaka lit pernah ibegi kami nina adi mehuli ia man bangku pitu nolih kubahan ulin man bana tapi adi jahat ia, pitu nolih ka banci aku jahaten man bana. Adi enda si asuhi ibas kegeluhenta, pasti geluh enda dem alu kekerasen. Sabab sada kejahaten (kekerasen) banci nambahi sada ntah pe telu kejahaten sideban, alu bage reh buena kekerasen ndai. Sabab adi sada perbahanen kekerasen iumputi (ibalas) alu kekerasen sidebanna enda me siikataken spiral kekerasen (Spiral kekerasan, Dom Helder Camara, xiii, Pustaka Pelajar, 2000). Uga carana kita la mbalas kejahaten alu kejahaten ntah pe banci sikataken memutus mata rantai kekerasen. Kai siilakoken si Jusup sada usihen si luar biasa man banta khususna Mamre. Jusup ngidah sada kuasa ras perbahanen si luar biasa si ngaturken kegeluhen manusia si la terangkai manusia. Bagi siituriken Jesus man ajar-ajarna (oge Matius 5:38-48). Ertina mata rantai kekerasen enda banci ipeltepken alu keleng ate si turah erpalasken keleng ate Kristus man banta. Labo sikerajangenta guna erbalas si jahat man kalak si jahat, erbalas eme sikerajangen Dibata ( oge Roma 12:19-21). Alu rusaha la mbalas sijahat alu si jahat (memutus mata rantai kekerasen) pasti ngkurangi kejahaten ntah pe kekerasen ibas kegeluhen enda. Alu bage reh damena kegeluhen ibas doni enda janah teridah ulih keleng ate Kristus si enggo si aloken ibas kegeluhenta enda.