ISE SI NGELAKOKEN PERATEN JAHWE GENDUARI?

Transkripsi

1 ISE SI NGELAKOKEN PERATEN JAHWE GENDUARI?

2 SAKSI-SAKSI JAHWE ISE KIN KAMI Pelajaren 1-4 Saksi-Saksi Jahwe lit i bas 240 negeri janah rehna arah erbage suku, bangsa bage pe kebudayan. Kai si mpersada kalak e? Kalak si uga kin Saksi-Saksi Jahwe e situhuna? PENDAHIN KAMI Pelajaren 5-14 Kami itandai kalak perbahan senang mberitaken berita si meriah. Kami pe pulung i Bale Kinirajan guna mpelajari Pustaka si Badia dingen nembah Dibata. Uga kin acara perpulungen kami e, ras ise saja nge si banci reh? ORGANISASI KAMI Pelajaren Organisasi agama arah erbage bangsa si la muat keuntungen enda eranggotaken kalak si nggit ngelayani Dibata.Ugasusunenntahpebentukna,janahugacarana organisasi enda idalanken ras ibiayai? Payo kin organisasi enda tuhu-tuhu ngelakoken peraten Dibata genduari? Buku enda la ibinagaken, ras sada bagin lako ngajarken kata Dibata i bas Pustaka si Badia nari i belang-belang doni, si idukung sumbangen sukarela. Adi atendu mereken sumbangen, nehen Adi la lit keterangen si itulisken, kerina ayat si lit i bas buku enda ibuat arah Pustaka si Badia ras Ende-enden Edisi ke-4 LAI Ise si Ngelakoken Peraten Jahwe Genduari? Who Are Doing Jehovah s Will Today Cetaken November 2016 Batak (Karo) (jl-ak) 2014 WATCH TOWER BIBLE AND TRACT SOCIETY OF PENNSYLVANIA Penerbit Saksi-Saksi Yehuwa Indonesia Jakarta, Indonesia Made in Japan Icetak i Jepang CARA NGGUNAKEN BROSUR ENDA Gunaken piga-piga menit tep-tep minggu guna mbahas salah sada pelajaren ras njabap penungkunen ulangen. Selain si e, bagi si ipindoken i kotak Darami ras Pelajari Terbuen, cubakenndulah nandai kami terdeheren, pelajarindulah kerna pendahin kami ras perdiatekenndu kai si ilakoken organisasi kami.

3 Kai kin Peraten Dibata? Ate Dibata kita nggeluh dame dingen ermeriah ukur i bas peken pardis i doni si rasa lalap! Tapi, banci saja nungkun ukurndu, Tuhu kin e? Nina Pustaka si Badia Kinirajan Dibata nge kari si njadikenca, janah ate Dibata gelah kerina kalak erlajar kerna Kinirajan e ras kai peratenna man banta. Masmur 37:11, 29; Jesaya 9:7. Ate Dibata kita ndatken kegunan i bas ajarenna nari. Bali bagi sekalak bapa si atena mereken si mehulina man anak-anakna, Dibata pe atena kita ermeriah ukur seh rasa lalap. (Jesaya 48: 17, 18) Ia erjanji, kalak si ndalanken peraten Dibata nggeluh kap rasa lalap. 1 Johanes 2:17. Ate Dibata gelah kita erdalin i bas dalan-dalanna. Kerna peraten Si Nepa kita nina Pustaka si Badia, kai atena sibahan iajarkenna man banta gelah banci sidalanken. (Jesaya 2:2, 3) Enggo iaturkenna sada bangsa jadi sikerajangenna guna mpebetehken peratenna ku belang-belang doni. Perbahanen Rasul-rasul 15:14. AteDibatakitaersadaibascaranembahIa. Ibadat si benar mpersada kalak i bas kekelengen, labo mecah belah. ( Johanes 13:35) Ise si genduari ngajarken uga carana ndalanken peraten Dibata i bas persadan? Datkenndu jabapna i bas brosur enda. DARAMI RAS PELAJARI TERBUEN Pelajari Pustaka si Badia ras kami. Enggo kin kam mulai erlajar Pustaka si Badia ras Saksi-Saksi Jahwe? Adi lenga, nggit nge kam erlajar Pustaka si Badia i rumahndu? La nggalar. Banci igejapkenndu enda me cara si mehuli guna rembak ras Dibata. Datken ogen si la nggalar. Banci dahindu Bale Kinirajan si ndeher ku inganndu tading ntah pe jumpaindu salah sada Saksi- Saksi Jahwe janah pindondu ogen i bas cakap si niangkandu guna nampati kam ngantusi isi Pustaka si Badia. Daramindu keterangen i bas Internet. Nehenlah situs web resmi Saksi-Saksi Jahwe. I je, banci iogendu Pustaka si Badia janah ngenehen ntah pe ncetak erbage ogen kami si lit i bas lebih 750 erbage cakap.

4 1 Kalak si Uga kin Saksi-Saksi Jahwe e Situhuna? Lit nge Saksi Jahwe si itandaindu? Piga-piga i bas kami banci saja teman sada kesainndu, sada dahin ntah pe teman sada kelasndu. Ntah pe, mungkin pernah kam ercakap-cakap kerna Pustaka si Badia ras kami. Ise nge kami situhuna, ras engkai makana ituriken kami kerna kiniteken kami kempak kalak si deban? Denmark Kami manusia biasa. Kami rehna i bas erbage suku, bangsa, kebudayan ras status i bas masarakat. Piga-piga kami mbarenda ndalanken kiniteken sideban, janah lit ka nge si tang-tangna la tek nandangi Dibata. Tapi, ope lenga jadi Saksi, kami kerina mpelajari ajaren Pustaka si Badia alu megermet. (Perbahanen Rasul-rasul 17:11) Kami setuju kempak kai si ipelajari kami, ras kami pe sekalak-sekalak mutusken guna nembah Dibata Jahwe alu cara si benar. Taiwan Venezuela Kami pe nggejapken kai gunana erlajar Pustaka si Badia. Bali bagi kalak sideban, kami pe ngadapi erbage perbeben ras kelemahen kami sekalak-sekalak. Tapi, perbahan ndalanken ajaren Pustaka si Badia, igejapken kami kegeluhen kami reh ulina. (Masmur 128:1, 2) E me salah sada alasenna engkai maka ituriken kami kerina si mehuli si ipelajari kami i bas Pustaka si Badia. Kami nggeluh sentudu ras prinsip-prinsip Pustaka si Badia. Prinsip-prinsip enda nampati kami gelah lebih ermeriah ukur ras lebih mehamat man kalak sideban, janah ndalanken biakbiak si mehuli bagi kinibujuren ras kiniulin. Prinsip-prinsip e ikut i bas njadiken masarakat si sehat ras mejingkat, janah ikut njadiken keluarga si harmonis ras si mehuli lagu langkahna. Perbahan tek kami la erndobah iakap Dibata manusia e, kami ngenanami perkade-kaden arah erbage bangsa si ipersada alu kiniteken kami, si bebas i bas sangka-sangkan erkiteken suku ras politik. Payo kami manusia biasa, tapi i bas persadan, kami unik. Perbahanen Rasul-rasul 4:13; 10:34, 35. I bas hal kai saja kin Saksi-Saksi Jahwe bali ras kalak sideban? Prinsip-prinsip kai nge si ipelajari Saksi i bas Pustaka si Badia nari? India

5 Ngkai Makana Kami Igelari Saksi-Saksi Jahwe? 2 Enterem kalak erpengakap maka Saksi-Saksi Jahwe e gelar agama si mbaru. Tapi, lebih tahun si enggo lewat, umat ntah pe bangsa Dibata si tuhu-tuhu igambarken jadi saksisaksina. (Jesaya 43:10-12) Seh ku tahun 1931, kami itandai alu gelar Ajar-Ajar Pustaka si Badia. Ngkai maka dungna kami make gelar Saksi-Saksi Jahwe? Gelar e ncidahken ise Dibata kami. Menurut manuskrip (tulisen-tulisen) si nuria, gelar Dibata, eme Jahwe, isuratken ribun kali i bas Pustaka si Badia. I bas mbue terjemahen Pustaka si Badia, gelar Jahwe iganti alu penggelaren ntah pe jabaten, bagi Tuhan ntah pe Dibata. Tapi, paksa ngerana kempak Musa, Dibata si benar nangkasken gelar pribadina, Jahwe, janah nina, Enda me gelarku seh rasa lalap. (Keluaren 3:15) Gelar e mbedaken dirina arah kerina dibata palsu. Sada kemegahen man kami make gelar Dibata si badia e. Gelar e ncidahken dahin ras tujun kami. Enterem kalak i bas jaman si adi, mulai Abil kalak si adil-benar, mereken kesaksin maka kalak e erkiniteken man Dibata Jahwe. Kenca e, Nuah, Abraham, Sara, Musa, Daud, ras sidebanna ergabung kempak nterem saksi enda. (Heber 11:4 12:1) Bali bagi kalak si ersaksi i bas sidang pengadilen guna mbela kalak si la ersalah, kami pe erbulat ukur mpebetehken kebenaren kerna Dibata kami. Kami ngusih Jesus. I bas Pustaka si Badia, ia ilebuh saksi si tutus dingen bujur. (Ketangkasen 3:14) Jesus pe ngataken kerna gelar bapana, kam enggo Kupetandaken man bana janah ia terus encidahken kebenaren kerna Dibata. ( Johanes 17:26; 18:37) Emaka, pengikut Kristus si benar pe arus make ras mpebetehken gelar Jahwe. Eme si niusahaken Saksi-Saksi Jahwe. Ngkai maka dungna Ajar-Ajar Pustaka si Badia make gelar Saksi-Saksi Jahwe? Ndigan mulai lit saksi-saksi Dibata Jahwe i doni? Ise tokoh si mbelinna si mereken kesaksin kerna Jahwe? Abraham ras Sara Jesus Kristus Nuah Musa DARAMI RAS PELAJARI TERBUEN Paksa jumpa Kam ras anggotaanggota runggun kami, cubakenndulah nandai kalak e terdeheren. Sungkunlah kalak e, Ngkai makana Kam jadi Saksi Jahwe?

6 3 Uga Carana Kebenaren si Niajarken Pustaka si Badia e Banci Idat Mulihi? Ajar-Ajar Pustaka si Badia, 1870-en Terbiten Sora Ermomo si pemena, 1879 Pustaka si Badia ernubuat, kenca kematen Kristus pagi reh me guru-guru perguak i bas kalak Kristen si pemena nari si ncedai ajaren kebenaren Pustaka si Badia. (Perbahanen Rasulrasul 20:29, 30) La ndekah kenca e, enda tuhu-tuhu terjadi. Kalak enda ncampurken ajaren Jesus ras kiniteken agama palsu, emaka Kekristenen si palsu pe erbuena. (2 Timotius 4:3, 4) Uga maka kita banci tek maka gundari enggo sidat pemeteh si tangkas dingen jelas kerna kai kin situhuna si niajarken Pustaka si Badia? Enggo seh waktuna Dibata Jahwe mpetangkas kebenaren. InubuatkenNa maka i bas paksa pendungi, kalak pentar ngenca pagi ngerti. (Daniel 12:9, 10) I bas tahun 1870, lit sada terpuk kitik si ndarami kebenaren si isedarina maka melala kepe ajaren gereja si la sentudu ras Pustaka si Badia. Emaka, kalak enda mulai erusaha ngantusi uga kin situhuna ajaren Pustaka si Badia, janah Dibata Jahwe masu-masu kalak enda alu mereken pengantusen rohani. Kerina kalak si tutus mpelajari Pustaka si Badia alu megermet. Ajar-Ajar Pustaka si Badia si rajin e, si leben asangken kami, nggunaken cara erlajar si ipake kami denga genduari. Kalak enda mbahas Pustaka si Badia topik per topik. Adi lit ayat si mesera iangkai, idaramina ayat-ayat si deban si banci nerangkenca. Kenca idatna sada kesimpulen si sentudu ras kerina bagin i bas Pustaka si Badia, itulisken kalak enda. Jadi, ipediat kalak enda Pustaka si Badia nerangken erti ayat-ayat si lit i bas Pustaka. Alu bage, banci idatken mulihi kebenaren kerna gelar Dibata ras KinirajanNa, peratenna nandangi umat manusia ras doni, keadan kalak mate, ras arapen kerna kinikeken. Kalak enda pe imerdekaken arah erbage kiniteken ntah pe kebiasan si la sentudu ras kebenaren. Johanes 8:31, 32. I bas tahun 1879, Ajar-Ajar Pustaka si Badia ngantusi maka nggo seh masana lako pembarken kebenaren. Jadi, i bas tahun e, kalak enda mulai ncetak majalah si iterbitken kami denga seh genduari, Sora Ermomo Mberitaken Kinirajan Dibata Jahwe. Genduari, kebenaren kerna Pustaka si Badia enggo ipeseh kami i bas 240 negeri ras lebih 750 erbage cakap. Pemeteh si benar seh kal simparna! Kenca kematen Kristus, kai si terjadi nandangi kebenaren Pustaka si Badia? Uga carana kebenaren Kata Dibata idat kami mulihi? Sora Ermomo si gundari

7 Engkai Makana Ibahan Kami Terjemahan Dunia Baru? 4 Puluhen tahun dekahna, Saksi-Saksi Jahwe nggunaken, ncetak, ras mbagiken erbage terjemahen Pustaka si Badia. Tapi, dungna isedari kami perluna erbahan sada terjemahen si mbaru, si banci nampati kalak mpelajari pemeteh si tuhutuhu kerna kebenaren, sue ras peraten Dibata nandangi teptep jelma. (1 Timotius 2:3, 4) Emaka, i bas tahun 1950, iterbitken kami Pustaka si Badia Terjemahan Dunia Baru ibascakap si modern, bagin tep-tep bagin. Pustaka si Badia enda enggo iterjemahken alu tepat dingen benar ku lebih 130 cakap. Iperluken Pustaka si Badia si mesunah ngangkaisa. Tiap cakap terus erkembang, janah mbue terjemahen Pustaka si Badia nggunaken istilah si dekah si mesera ngangkaisa. Selain si e, enggo idat manuskrip-manuskrip metua si lebih tepat dingen benar, si erbahanca cakap Heber, Aram, ras Junani si igunaken i bas Pustaka si Badia banci lebih mesunah ngantusisa. IperlukenterjemahensilangobahisikataDibata.Si nerjemahken Pustaka si Badia la banci ngobah tulisen si rehna i bas Dibata nari; ia arus erpatoken ku tulisen aslina. Tapi, mbue si nerjemahken Pustaka si Badia la make gelar Dibata, Jahwe. Iperluken Pustaka si Badia si mpehaga Pengarangna. (2 Samuel 23:2) I bas Terjemahan Dunia Baru, gelar Dibata isuratken ngulihi bali ras manuskrip Pustaka si Badia si metuana si nggunaken gelar e kira-kira kali. Gambar i teruh enda me salah sada contohna. (Masmur 83:19) Arah penelitin si megermet si enggo ilakoken ertahun-tahun, asilna Pustaka si Badia enda entabeh ngogesa janah mpeseh ukur Dibata alu tangkas. Amin gia lit ntah pe lang i bas kam Terjemahan Dunia Baru, iahken kami kam gelah terbiasa ngoge Pustaka si Badia tep-tep wari. Josua 1:8; Masmur 1:2, 3. Engkai makana isedari kami perlu terjemahen Pustaka si Badia si mbaru? Kai nge si tiap wari arus ilakoken kalak si atena mpelajari peraten Dibata? Rwanda Kongo (Kinshasa) DARAMI RAS PELAJARI TERBUEN Ogelah kata penaruh Kitab Suci Terjemahan Dunia Baru, ras jabaplah penungkunen enda; Tanggung jabap kai nge si isedari panitia penerjemahen Pustaka si Badia e? Kenca si e, bandingken Terjemahan Dunia Baru ras terjemahen Pustaka si Badiandu kerna ayat-ayat si enda: Matius 5:3; 6:7; Lukas 23:43; Pilipi 1:10; Kolose 3:9. Fragmen Simakhus si lit tersurat gelar Dibata i Masmur 69:31, abad peteluken ntah pe peempatken M ONB/Wien, G 39777

8 5 KaisiBanciIdatkennduibas Perpulungen Kami? Enterem kalak lanai nggit reh ku acara keagaman sabap kalak e la ndatken bimbingen rohani ntah pe pengapulen. Adi bage, kai gunana kam reh ku acara Kristen Saksi-Saksi Jahwe, si biasa ikataken kami perpulungen? Kai si banci idatndu ije? Argentina Ndatken keriahen ukur sabap pulung ras kalak si mbacar dingen mejehe janah perkeleng. I bas abad pemena, kalak Kristen iaturken i bas runggun-runggun, janah kalak e erbahan perpulungen guna nembah Dibata, mpelajari Pustaka si Badia, ras siiah-iahen. (Heber 10:24, 25) Paksa pulung ras teman-teman sada kinitekenna, kalak e nggejapken kemalemen ate erkiteken kerina sikeleng-kelengen. (2 Tesalonika 1:3; 3 Johanes 14) Kami ngusih kalak Kristen abad pemena, ras kami pe nggejapken keriahen ukur si inanami kalak e. Sierra Leone Belgia DARAMI RAS PELAJARI TERBUEN Adina merincuh kam ngenehen ruangen-ruangen i bas Bale Kinirajansopelengakamrehkusalah sada perpulungen kami, pindondulah sekalak Saksi Jahwe gelah mbaba kam dalan-dalan ku Bale Kinirajan. Ndatken asil erkiteken mpelajari cara ndalanken prinsip Pustaka si Badia. I bas masa penulisen Pustaka si Badia, si dilaki, diberu ntah pe anak-anak ras-ras pulung. Guru-guru si ngasup ngajari nggunaken Pustaka si Badia lako nampati kita ndalanken prinsip-prinsip Pustaka i bas kegeluhenta tep-tep wari. (Ulangen 31:12; Nehemia 8:8) Kerina banci ikut rende janah ikut i bas diskusi, alu bage kita banci mereken kesaksin kerna arapenta selaku kalak Kristen. Heber 10:23. Kita ipasu-pasu alu kiniteken si erpaguhna kempak Dibata. Nina rasul Paulus man salah sada runggun i jamanna, Sabap merincuh kal aku jumpa ras kam,...gelahipegegehikitapekepar; kam ku pegegehi alu kinitekenku janah aku ipegegehindu alu kinitekenndu. (Roma 1:11, 12) Perjumpan tep-tep minggu ras teman-teman sada kiniteken i bas perpulungen mpegegeh kinitekenta ras ukurta guna nggeluh sue ras prinsip Pustaka si Badia. Undang kami kam reh ku perpulungen i bas runggun kami, ras nggejapken gunana man bandu. Kam pasti ialo-alo alu meriah ukur. La ipindo biaya kai pe la lit kolekte. Usihen kai nge si niikuti i bas perpulungen i runggun kami? Kai gunana reh ku perpulungen Kristen? Malaysia

9 Kai nge Gunana Pergaulen ras Teman-Teman Sada Kiniteken? 6 Amin gia arus mbentasi kerangen ntah pe cuaca si la mejile, kami tetap reh ku perpulungen Kristen alu ratur. Engkai maka terus iusahaken Saksi-Saksi Jahwe pulung ras teman-teman sada kiniteken i bas runggun, aminna mbue perbeben si man adapen janah latih erdahin sada warin? Madagaskar Erguna man kesangapen rohani kami. Paulus ngiahken kerina kalak i bas runggun gelah sisampat-sampaten. (Heber 10:24) Kata sisampat-sampaten i bas cakap Junani aslina ertina ngukuri alu mbages, ntah pe nandai sada ras sidebanna. Emaka, kata-kata Paulus enda ngiahken kita guna mperdiateken kalak sideban. Adi terbagesen itandai kami keluarga-keluarga Kristen, ieteh kami maka piga-piga kalak e banci ndungi tantangen si bali ras si iadapi kami janah isampatina ka kami ndungisa. Mpegegeh pertemanen si rasa lalap. I perpulungen, kami pulung labo ras teman-teman biasa, tapi ras teman meriah. Selain jumpa i bas perpulungen, kami pe ras gawah-gawah, olah raga, ntah pe man-man. Kai gunana si e kerina? Ije kami erlajar uga carana siergan janah mpeteguh kekelengen sapihsapih kami. Adi lit teman meriah kami ngadapi perbeben, isampati kami alu meriah ukur, perbahan pertemanen kami enggo nteguh. (Kuan-kuanen 17:17) Alu erteman ras kerina anggota runggun, kami ncidahken maka kami radu seri mperdiateken. 1 Korinti 12:25, 26. Norwegia Iahken kami kam gelah milih teman meriah si ndalanken peraten Dibata. Enda banci idatndu i bas runggun Saksi-Saksi Jahwe. Ula kam sangsi erteman ras kami. Engkai maka pergaulen i perpulungen mbelin gunana? Ndigan atendu reh lako nandai runggun kami terdeheren? Lebanon Italia

10 7 Selandia Baru Jepang Uganda Lituania DARAMI RAS PELAJARI TERBUEN Nehen dingen pelajarindulah kai si ibahas i bas perpulungenperpulungen si reh. Perdiateken kai saja si banci ipelajarindu arah Pustaka si Badia, si erguna i bas kegeluhenndu. Uga nge Situhuna Perpulungen Kami? Kalak Kristen i bas abad pertama biasana rende, ertoto, janah ngoge ras mbahas Kitap si Badia i bas perpulungenna; labo lit upacara kai pe. (1 Korinti 14:26) Kira-kira bage me perpulungen kami. Pengajarenna erpalasken Pustaka si Badia janah banci idalanken. Wari Sabtu ntah pe Minggu, tep-tep runggun pulung guna ndengkehken kotbah erpalasken Pustaka si Badia si dekahna 30 menit. Kotbah e nuriken kai hubungen Pustaka si Badia ku kegeluhenta ras jamanta genduari. Pengerana ngiahken kerina si pulung gelah mbuka ayat-ayat si man ogen. Kenca dung kotbah, lit Pelajaren Sora Ermomo, eme pembahasen artikel Sora Ermomo terbiten si man pelajaren, janah kerina si reh banci ikut i bas pembahasen. Pembahasen e nampati kami ndalanken ajaren Pustaka si Badia i bas kegeluhen kami. Artikel si seri ipelajari i lebih runggun i belang-belang doni. Kami isampati gelah erbeluhna ngajar. Ras-ras kami pulung bas pertengahen minggu, guna ngikuti telu bagin i bas acara Pelayanen ras Kegeluhen Kristen, bahanna lit i bas Agenda Perpulungen Pelayanen ras Kegeluhen Kristen si terbit tep-tep bulan. Bagin si pemena bas perpulungen enda, Erta i bas Kata Dibata, nampati kami guna meteh terbagasen piga-piga bagin i bas Pustaka si Badia si nggo leben ioge kami. Kenca si e, bagin Ergiah-giahlah i bas Pelayanen, i je lit pertunjuken kerna uga carana mbahas Pustaka si Badia ras kalak si deban. Janah lit sekalak penasehat si mperdiateken cara kami ngoge ras ngerana, kenca e iberekenna pedah. (1 Timotius 4:13) Bagin si pendungi, Kegeluhen Kristen, mbahas kerna uga ndalanken ajarenajaren Pustaka si Badia bas kegeluhen tep-tep wari. Termasuk pembahasen nungkun-jabap si erban reh bagesna pengantusen kami nandangi Pustaka si Badia. Bicara reh Kam ku perpulungen kami, jadi me atendu ngidah pengajaren kerna Pustaka si Badia si seh kal jilena. Jesaya 54:13. Acara kai saja nge si banci niikutindu i bas perpulungen Saksi-Saksi Jahwe? Perpulungen minggun si apai nge si dahindu atendu?

11 Engkai maka Sikap Peruis Kami ku Perpulungen? 8 Idahndu nge gambar Saksi-Saksi Jahwe i brosur enda? Sikap kal peruis kalak e paksa pulung i bas runggun. Ngkai maka bage kal kami mediatena kempak paken ras peruis kami? Guna ncidahken kehamaten man Dibata kami. Payo, Dibata labo ipernehenna penampilen arah darat saja. (1 Samuel 16:7) Aminna bage, paksa kami pulung guna nembah Dibata, merhat kal kami ncidahken kehamaten man Dibata ras teman-teman kami. Bicarana arus kita ngadap ku hakim i pengadilen, enggo pasti maka siperdiateken nge penampilenta guna ngergai keduduken hakim e. Bage ka pe, penampilen kami i perpulungen ncidahken pengergan kami kempak Hakim kerina doni, Dibata Jahwe, ras ingan ibadat kami. Kejadin 18:25. Guna ncidahken prinsip geluh kami. Pustaka si Badia ngajarken kalak Kristen gelah mehamat dingen mehuli min peruisna...sederhanasaja.(1timotius2:9,10)peruisntahpepenampilen si mehamat ertina la make paken si nggandili, terbuka kal, janah si la sikap man tatapen. Bage pe, mehuli...sederhana ertina paken si ipilih kami sikap dingen mehuli man nehenen, ras la ngelebihi. Aminna kami paguh ncikep aturen enda, mbue denga nge pilihen paken si banci ipake kami. Peruis kami mehuli ras sikap gelah tama ulina man pengajaren kerna Dibata si Engkelini kita ras ngerehken kepujin man Dibata. (Titus 2:10; 1 Petrus 2:12) Alu peruis kami si sikap ku perpulungen, kami mereken pengaruh si mehuli kempak perukuren kalak kerna ibadat kami man Jahwe. Islandia Meksiko Bicarana lenga pe lit pakenndu si resmi, ula mbiar ntah pe mela kam reh ku Bale Kinirajan. Pakenta la perlu merga ntah pe mewah guna teridah metunggung, bersih ras sikap. Terjeng uga nge pentingna peruista paksa pulung lako nembah Dibata? Prinsip kai saja si banci nampati kita i bas milih paken ras penampilenta? Guinea-Bissau Filipina

12 9 Uga Carana Nikapken Bahan si man Pelajaren i Perpulungen? Adi kam sangana erlajar ras sekalak Saksi Jahwe, mbelin kemungkinenna iogendu nge lebe bahan pelajaren e sope ibahas. Lit ka nge ulina adi enda pe ilakokenndu sope reh ku perpulungen gelah melala ndatken kegunanna. Asil si mehuli banci sidat adi tutus ras teratur kita erlajar. Kamboja Tentuken waktu ras ingan erlajar. Katawari kam si bancina kal mbulatken ukur guna erlajar? Pagi-pagi sope erdahin nge, ntah berngi kenca anak-anak nggo tunduh? Amin gia kam la banci ndekah erlajar, tentuken asa kai dekahna waktu si banci ipakendu guna erlajar, janah ula pediat kai pe ngganggu kam. Darami ingan si tenang, pedauh kerina si banci ngganggu alu mpemate radio, televisi, ras ponsel. Ertoto sope erlajar banci nampati Kam gelah ula lebe ngukuri dahin si deban gelah banci musatken ukur guna erlajar Kata Dibata. Pilipi 4:6, 7. Ukraina Bere tanda i bas bahan pelajaren, janah banndu persikapen guna ikut i bas pembahasen. Si pemena, cuba datken kai gambaren bas kerina topikna. Ukuri judul artikel ntah pe pasal, janah kai nge hubungen tep-tep subjudul ras temana, kenca si e nehenlah gambar-gambar ras penungkunen si ncidahken pokok si pentingna. Kenca e, ogelah tep-tep paragrap, janah darami jabapen kerna penungkunen si tercetak. Buka ras ogelah ayat-ayat si itulis, janah ukuri kai hubungen ayat-ayat e ras bahan pelajaren. (Perbahanen Rasul-rasul 17:11) Kenca datndu jabapenna, tandai piga-piga kata ntah pe kalimat kunci i paragrap e gelah banci nampati kam nginget jabapenna. Emaka, banci angkatndu tanndu i perpulungen adi atendu mereken jabapenntahpekomentaralukata-katandusendiri. Alu mpelajari erbage topik i perpulungen tiap minggu, banci erlalana ras erbagesna pemetehndu kerna Pustaka si Badia. Matius 13:51, 52. DARAMI RAS PELAJARI TERBUEN Alu ngikutken cara i datas, bahanlah persikapen Pelajaren Sora Ermomo ntah pe Pelajaren Pustaka si Badia Runggun. Alu penampat guru si ngajari kam Pustaka si Badia, sikapkenlah komentar si atendu ipesehndu i perpulungen si reh. Kebiasan kai nge si banci ikembangkenndu guna nikapken bahan si man pelajaren i perpulungen? Uga nge carana kam banci nikapken komentar si ipesehndu atendu i perpulungen?

13 Kai Kin Kebaktin Jabu e? Mulai jaman si adi nari, Dibata Jahwe atena gelah tiap-tiap keluarga pulung guna mpegegehi kerohanin ras hubungen keluarga. (Ulangen 6:6, 7) Eme sabapna engkai maka tiap-tiap keluarga Saksi Jahwe mereken waktuna tiap minggu guna rasras ngikuti kebaktin jabu mbahas erbage hal rohani si isesuaiken ras keperlun keluarga i bas waktu si tenang. Amin gia Kam tading sekalak, banci ka iserapkenndu waktu guna mperembak dirindu ras Dibata alu mpelajari salah sada topik Pustaka si Badia. Waktu guna mpegegeh kerembakenta ras Jahwe. Rembakkenlah dirindu ku Dibata, e maka Ia pe ngerembakken dirina man banndu. ( Jakup 4:8) Alu mpelajari biak-biak Jahwe ras tindakenna i bas Pustaka si Badia, lebih itandai kami Ia. Sada cara si menukah mbenaken kebaktin jabu eme ras-ras ngoge Pustaka si Badia alu sora si megang, mungkin erpalasken jadwal minggun bas Perpulungen Pelayanen ras Kegeluhen. Tiap anggota keluarga banci pegancih ngogeken sada bagin i bas Pustaka si Badia, kenca e ras-ras mbahas kai saja pelajarenna. Brasil Australia 10 Korea Selatan Waktu guna mpegegeh persadan i bas keluarga. Perbulangen ras ndehara, bage pe orang tua ras anak-anak, banci mpegegeh hubungenna paksa ras-ras erlajar Pustaka si Badia. Si e arus me jadi waktu si meriah janah si itimai tep-tep minggu. Mpertimbangken umur anak-anak, orang tua banci milih topik-topik si apai si cocok ipelajari, mungkin alu nggunaken erbage rubrik ibassora Ermomo ras Sadarlah! ntah pe i situs web kami, jw.org. Kam banci ncakapken persoalen si nihadapi anak-anakndu i sekolah ras uga cara ngatasisa. Banci ka nonton program televisi JW Broadcasting (tv.jw.org) janah ras-ras mbahassa. Kam pe banci latihen ngendeken ende-enden si man endenken i bas perpulungen ras man pangan-pangan kenca kebaktin jabu. Acara istimewa guna ras-ras nembah Dibata Jahwe tep-tep minggu nampati kerina anggota keluarga njadiken Kata Dibata keriahenna. Dibata pe pasti alu simpar masu-masu usahandu erbahan kebaktin jabu. Masmur 1:1-3. Ngkai maka iserapken kami waktu guna kebaktin jabu? Uga nge carana gelah orang tua banci njadiken acara enda meriah man kerina anggota keluargana? Guinea DARAMI RAS PELAJARI TERBUEN Guna meteh uga carana kam ngelakokenca, sungkuni kalak si deban i runggun uga kalak e ngelakoken kebaktin jabu. Janah, cuba sungkunndu ogen kai saja si lit i bas Bale Kinirajan, si banci igunakenndu ngajar anakndu kerna Dibata Jahwe.

14 Meksiko 11 Ngkai maka Kami Reh Ngikuti Kebaktin-Kebaktin si Mbelin? Jerman Botswana Nikaragua Italia DARAMI RAS PELAJARI TERBUEN Adina meteh terbuen atendu kerna perkade-kaden kami selaku kalak Kristen, dahindulah kebaktin kami. Guru si ngajarken Pustaka si Badia man bandu banci ncidahken jadwal acarana gelah banci ietehndu topik-topik si ibahas. Bahan tanda i bas kalenderndu waktu ras ingankebaktine, janah usahakenndulah reh. Ngkai maka kalak enda teridah meriah kal ukurna? Kalak enda sangana pulung i bas salah sada kebaktin kami. Bagi umat Dibata marenda, si niperintahken pulung telu kali setahun, kami pe ertima-tima lako pulung i bas kebaktin si mbelin. (Ulangen 16:16) Tep-tep tahun kami erban telu kebaktin si mbelin: dua kebaktin wilayah si tep-tep kebaktin dekahna sada wari ras kebaktin regional si dekahna telu wari. Kai gunana man kami kebaktin-kebaktin e? Perkade-kaden kami selaku kalak Kristen ipegegeh. Bali bagi bangsa Israel marenda si ermeriah ukur muji Jahwe i bas perpulungen bangsana, kami pe ermeriah ukur paksa ngelakoken ibadat man BaNa i bas acara-acara si istimewa. (Masmur 26:12; 111:1) Kami banci jumpa guna siiah-iahen ras Saksi- SaksiJahwearahrunggunntahpebangsasidebannari.Ciger warina, kami ras-ras man i bas ingan kebaktin, alu bage acara rohani e muat riahna akap kami. (Perbahanen Rasulrasul 2:42) I je, kami ngidah kekelengen si mpersadaken teman si sada kiniteken i belang-belang doni. 1 Petrus 2:17. Nampati Kami Guna Erban Kemajun Rohani. Mbelin kal gunana man kalak Israel kenca angkana kai si enggo iogeken man bana i bas Pustaka si Badia nari. (Nehemia 8:8, 12) Bagi kalak Israel ndube, meherga kal iakap kami pengajaren kerna Pustaka si Badia si ialoken kami i kebaktin. Lit tema erpalasken Pustaka si Badia i bas tep-tep acara. Arah kotbah, simposium, ras arah pertunjuken si menarik, kami erlajar uga carana ngelakoken peraten Dibata i bas kegeluhen kami. Meriah ukur kami sanga megi pengalamen piga-piga teman si dungna banci menang i bas perbeben geluh selaku kalak Kristen i bas masa si sulit enda. I bas kebaktin regional, kejadin-kejadin si lit i bas Pustaka si Badia ipentasken i bas sada drama si mereken pelajaren si cocok i bas kegeluhenta. I tep-tep kebaktin, lit ka acara peridin man kalak si atena iperidiken lako petangkasken pembaktinna man Dibata. Ngkai makana kebaktin jadi sada acara si maba keriahen? Kai gunana man bandu adi reh ku kebaktin?

15 Uga Carana Ngaturken Dahin lako Mberitaken Kinirajan e? La ndekah kenca kematenna, erkata Jesus, Berita si meriah kerna Kinirajan e iberitaken man manusia i belang-belang doni enda, jadi saksi man kerina bangsa, kenca bage maka seh me kedungenna e. (Matius 24:14) Uga carana dahin mberitaken Kinirajan i belang-belang doni enda idalanken? Alu ngikutken usihen si itetapken Jesus sanga ia i doni. Lukas 8:1. Usahaken kami ndahi kerina kalak i rumahna. Jesus ngajari ajar-ajarna cara mberitaken berita si meriah ku rumah-rumah. (Matius 10:11-13; Perbahanen Rasul-rasul 5:42; 20:20) Perberita si meriah bas abad si pemena e itugasken erberita si meriah i daerah si enggo itentuken. (Matius 10:5, 6; 2 Korinti 10:13) Genduari, dahin kami lako mberitaken berita si meriah enggo sikap iaturken, ras tep-tep runggun ibere daerah si enggo itentuken si banci idahi. Alu bage, kami banci ndalanken perentah Jesus, guna meritaken man jelma si nterem dingen naksiken berita e. Perbahanen Rasul-rasul 10:42. Usahaken kami njumpai kerina kalak ijapa pe. Jesus pe mere contoh alu erberita i bas ingan si nterem, misalna i tepi lawit ntah pe deher ulu lau. (Markus 4:1; Johanes 4:5-15) Kami pe ercakap-cakap ras kerina kalak kerna Pustaka si Badia ijapa pe i dalan, i tiga-tiga, i toko-toko, i taman, ntah pe nggunaken telepon. Selain si e, kami mereken kesaksin kempak teman sada kesain, sada dahin, sada kelas, ras kade-kade kami adi lit waktu si cocok. Kerina si ilakoken kami enda mereken kesempaten man jutan kalak i belang-belang doni guna megiken berita si mehuli kerna keselamaten. Masmur 96:2. Nggit nge kam mberitaken berita si meriah kerna Kinirajan Dibata ras kai gunana man banta pagi? Berita kerna arapen enda labo man banta saja. Gundari nari turikenlah berita enda kempak kerina jelma! Berita Si Meriah kai nge si arus siberitaken? Uga Saksi-Saksi Jahwe ngusih cara Jesus mberitaken berita si meriah? Peru Belarus 12 Spanyol Hong Kong DARAMI RAS PELAJARI TERBUEN Pindondulah man guru si ngajari Kam Pustaka si Badia uga cara si mehulina nceritaken kai si enggo ipelajarindu kempak temanndu.

16 13 Kai nge Maksudna Perintis? Kanada Erberita si meriah Pelajaren Pustaka si Badia Pelajaren pribadi Istilah perintis megati igunaken kempak kalak si lawes ku daerah si mbaru janah mbuka dalan man kalak si deban. Jesus pe banci igelari sekalak perintis perbahan ia iutus ku doni guna ngelakoken pelayanen janah mbuka dalan guna keselamaten. (Matius 20:28) Genduari, ajar-ajarna pe ngusih ia alu nggunaken melala waktu guna njadiken ajar-ajar. (Matius 28:19, 20) Ras, piga-piga banci ikut i bas pelayanen si igelari kami dinas perintis. Perintis eme perberita si meriah si enggo netapken jumlah waktuna lako erberita. Saksi Jahwe kerinana nge perberita si meriah. Tapi, lit si nesuaiken keadanna gelah banci ngelayani jadi perintis biasa, si nggunaken 70 jam tep-tep bulan i bas dahin erberita. Gelahna banci bage, melala si kentisik ngenca ia erdahin tep-tep wari. Si debanna lit si itugasken ngelayani jadi perintis istimewa i daerah si lebih iperluken perberita Kinirajan i je. Kalak e mereken waktuna 130 jam ntah pe lebih i bas pelayanen tep-tep bulan. Perintis-perintis enda puas nggeluh sederhana, janah tek maka isediaken Dibata Jahwe keperlunna. (Matius 6:31-33; 1 Timotius 6:6-8) Ise si la banci jadi perintis biasa ntah pe perintis istimewa banci ngelayani jadi perintis ekstra adi keadanna memungkinken, alu ikut mberitaken berita si meriah seh ngasa 30 ntah pe 50 jam sebulan. Perintis tersuruh ukurna perban keleng atena man Dibata ras jelma si deban. Bali bagi Jesus, ipernehen kami maka genduari melala kalak merluken bimbingen rohani. (Markus 6:34) Ras, lit pemeteh kami si banci nampati kalak e gundari janah mereken arapen si pasti kerna wari si pepagi. Kekelengen kempak kalak si deban nge si erbahan sekalak perintis nggit mereken melala waktu ras gegehna guna nampati kalak kerna hal rohani. (Matius 22:39; 1 Tesalonika 2:8) Ulihna, kinitekenna ipegegeh, hubungenna ras Dibata reh deherna, janah ia pe ndatken keriahen ukur. Perbahanen Rasul-rasul 20:35. Jelasken kai maksudna perintis. Kai nge erbahanca tersuruh ukur piga-piga kalak jadi perintis biasa ntah pe perintis istimewa?

17 Kai Saja Sekolah si Tersedia man Kerina Perintis? Pendidiken rohani nggo ndekah jadi ciri khusus Saksi-Saksi Jahwe. Lit piga-piga sekolah si tersedia man kalak si mereken kerina waktuna lako mberitakan Kinirajan, gelahna banci ndalanken tanggung jabapna jadi suruh-suruhen Dibata. 2 Timotius 4:5. Sekolah Dinas Perintis. I bas ujung tahun si pemena ia jadi perintis biasa, ia terdaftar jadi siswa i bas sekolah enda si dekahna enem wari. Sekolah enda banci saja ilakoken i Bale Kinirajan si ndeherna. Tujun sekolah e lako nampati sekalak perintis gelah reh deherna ras Jahwe, reh berhasilna i bas erbage bentuk pelayanen, janah gelah tetap setia ndalanken tugasna. Sekolah Perberita Kinirajan. Sekolah si dekahna dua bulan enda irancang guna ngajari perintis-perintis si enggo erpengalamen ras si nggit nadingken kutana, guna ngelayani ijapa pe ia iperluken. Kalak e tempa-tempa ngaloi Enda aku, suruhlah aku, bagi usihen si itadingken Jesus Kristus, Perberita si Meriah Simbelinna si pernah ngelayani i doni. (Jesaya 6:8; Johanes 7:29) Erkiteken ndauh i bas kuta ntah pe negerina nari, ia mungkin perlu nesuaiken dirina kempak kebiasan geluh si lebih sederhana. Kebudayan, iklim ntah pe cuaca, janah erbage pangan banci saja beda kal ras si lit i kuta ntah pe negeri asalna. Bage ka pe, kalak e mungkin saja perlu mpelajari cakap si mbaru. Sekolah enda nampati turang senina sada kiniteken si anak perana ras singuda-nguda denga bage ka pe pasangen si enggo erjabu, si umurna 23 seh ku 65 tahun, gelahna dem alu biak-biak rohani si iperluken i bas dahinna. Janah, kalak e isampati guna ndatken erbage keterampilen gelah reh bancina i pake Dibata ras organisasina. Sekolah Pustaka si Badia Gilead Menara Pengawal. Ibascakap Heber, kata Gilead ertina Gun-gunen si Jadi Saksi. Kenca sekolah e ibenaken tahun 1943, lebih lulusenna enggo iutus jadi utusen injil lako mereken kesaksin seh ku kerina doni, janah asilna luar biasa. (Perbahanen Rasul-rasul 13:47) Tangtangna lulusen Gilead seh ku Peru, lenga lit runggun i negeri e. Genduari, nggo lit lebih runggun i je. Paksa utusan injil kami mulai ngelayani i Jepang, la lit sepuluh kalak pe Saksi i jah. Tapi gundari, nggo lebih Saksi i negeri e. Pelatihen si ibereken i Gilead si dekahna lima bulan enda, termasuk ka nge mpelajari Pustaka si Badia alu lengkap dingen tepat. Si iundang ku sekolah Gilead eme perintis istimewa, utusen injil, si erdahin i kantor cabang ntah pe pertua keliling. Sekolah e mereken pelatihen khusus man kalak enda, gelah dahin lako mberitaken berita si mehuli i belang-belang doni reh paguhna. Kai tujunna Sekolah Dinas Perintis? Sekolah Perberita Kinirajan irancang man ise? Sekolah Gilead, Patterson, New York Panama Amerika Serikat 14

18 15 Uga Carana Pertua Ngepkep Runggun? Ngajar Mpermakani Finlandia Erberita si meriah I bas organisasi kami, la lit pendeta si igaji. Sebalikna, bagi i bas runggun Kristen si pemena, pertua-pertua si cukup sarat itetapken guna mpermakani perpulungen Tuhan. (Perbahanen Rasul-rasul 20:28) Pertua-pertua enda, eme dilaki-dilaki si nteguh kerohaninna si ertanggung jawab i bas runggun ras mpermakani rarasen. Kalak e ndatken pedah: kep-kepndulah e alu ukur meriah bagi si ngena ate Dibata, ola alu ukur mberat. Ula erkiteken mata duiten maka idalankenndu, tapi lakokenlah e erkiteken ukurndu ersuruh guna ngelayani. (1 Petrus 5:1-3) Kai nge si nilakokenna man kami? Ngurus ras njaga kami. Pertua-pertua mbimbing ras ngkelini kerohanin runggun. Perbahan isedarina dahin si penting enda i bas Dibata nari, pertua-pertua e labo atena erkuasa nandangi umat Dibata; sebalikna, kalak enda ngupayaken keriahen ukur ras mpegegeh kiniteken kami. (2 Korinti 1:24) Bagi permakan si tutus atena ngurus tep-tep biri-birina, pertua pe usahakenna nandai tep-tep anggota runggun. Kuan-kuanen 27:23. Ngajari kami uga carana ndalanken peraten Dibata. Tep-tep minggu, pertua ngajar i perpulungen guna mpegegeh kiniteken kami. (Perbahanen Rasul-rasul 15:32) Dilaki-dilaki si setia enda jadi usihen i bas dahin meritaken berita si meriah, erdahin ras kami janah ngelatih kami bas kerina curak pelayanen. Mereken penampat ras pengapul man kami sekalak-sekalak. Guna mereken keperlun rohani kami sekalak-sekalak, maunmaun pertua enda njumpai kami i rumah ntah pe i Bale Kinirajan guna mereken penampat ras kata pengapul i bas Pustaka si Badia nari. Jakup 5:14, 15. Selain tugas i bas runggun, enterem pertua enda melala ka nge dahinna si deban ras arus ndalanken tanggung jawab keluarga si nuntut waktu ras perhatinna. Pertua-pertua si la erlatih-latih enda patut sihamati. 1 Tesalonika 5:12, 13. DARAMI RAS PELAJARI TERBUEN Ise nge si cukup sarat guna jadi pertua ntah pe diaken? Banci ogendu saratna i 1 Timotius 3:1-10, 12 ras Titus 1:5-9. Kai nge tugas-tugas pertua runggun? Alu cara kai saja pertua mperdiateken kami?

19 Kai nge Dahin Sinampati Perpulungen? 16 Menurut Pustaka si Badia, lit dua terpuk kalak Kristen si dilaki si ndalanken erbage-bage tanggung jawab i bas runggun, eme peminpin-peminpin ras si nampati i bas perpulungen. (Pilipi 1:1) I bas tep-tep runggun, biasana lit piga-piga pertua ras sinampati perpulungen. Pendahin kai nge si ilakoken sinampati perpulungen? Myanmar Nampati badan pertua. Kerina sinampati perpulungen, si metua ntah pe si nguda, eme kalak Kristen si dilaki si perukurenna ernalem ku Kata Dibata, tutus janah banci ndalanken dahinna alu mehuli. Kalak enda ndalanken erbage dahin penting si alu ratur ilakoken guna keperlun runggun bage pe i Bale Kinirajan. Alu bage, pertua-pertua banci mbulatken ukurna guna ndalanken tanggung jawabna eme ngajar ras mpermakani rarasen. Ngelakoken erbage dahin. Piga-piga sinampati perpulungen ibere dahin lako ngalo-ngalo kerina si reh ku perpulungen. Si debanna ngurus peralaten si ngatur sora (tata suara), perduiten runggun, pembagin lektur ras daerah erberita man tep-tep anggota runggun. Kalak e pe nampati ngerawat Bale Kinirajan. Pertua-pertua pe banci mindo kalak e nampati si enggo metua. Patut nge kerina mehamat kempak kerina sinampati perpulungen si alu meriah ukur ngelakoken tanggung jawab kai pe si ibereken bana. 1 Timotius 3:13. MerekenusihenselakukalakKristensimehuli.Sinampati perpulungen ipilih perban biak-biak rohanina si mehuli. Paksa mpeseh tugas i bas perpulungen, kalak e mpegegehi kiniteken kami. Usihen si ibereken kalak e bas dahin erberita, erbahan kami lebih ergiah-giah mberitaken berita si meriah. Janah, perbahan sinampati perpulungen e mesukah erdahin ras kalak sideban, enda nambahi keriahen ras mpegegeh persadan kami. (Epesus 4:16) I bas masana pagi, kalak e pe banci ncukupi sarat guna ngelayani jadi pertua. Dilaki-dilaki si uga nge sinampati perpulungen e? Uga kalak e ikut erbahan erbage dahin i bas runggun erdalan alu sikap? Tugas i perpulungen Terpuk erberita si meriah Perawaten Bale Kinirajan DARAMI RAS PELAJARI TERBUEN Tiap reh kam ku Bale Kinirajan, cubakenndulah sitandan ras sekalak pertua ntah pe sinampati perpulungen seh ngasa itandaindu kerina kalak e ras keluargana.

20 17 Uga Carana Pertua-Pertua Keliling Nampati Kami? Malawi Terpuk erberita si Meriah Erberita si Meriah Runggu pertua DARAMI RAS PELAJARI TERBUEN Bahan tanda i bas kalenderndu kerna tanggal kerehen pertua keliling, gelah banci aturndu waktu guna ndengkehken kerina kotbahna i Bale Kinirajan. Adi atendu ia ntah pe ndeharana ikut paksa pelajaren Pustaka si Badiandu, gelah banci kam sitandan, pebetehken mangurupustakandu. Kitap-Kitap Junani Kristen megati nuriken kerna Barnabas ras rasul Paulus. Kalak e duana ngelayani jadi pertua keliling si ndahi runggun-runggun i abad pemena. Engkai? Sabap kalak e tuhu-tuhu mperdiateken teman-teman sada kiniteken janah merincuh gelah kerina i bas ketuahen. Nina Paulus man Barnabas ota sidahi mulihi senina-seninanta guna ngenehen uga keadan ras perkembangenna. Alu ukur meriah idalanina ratusen kilometer guna ndahi ras mpegegehi kalak e. (Perbahanen Rasul-rasul 15:36) Genduari, pertua-pertua keliling kami pe ngelakoken si bage rupana. Kalak e reh lako mpeteguh kiniteken kami. Tep-tep pertua keliling ndahi kira-kira 20 runggun, ras tading sada minggu dekahna i tep-tep runggun dua kali setahun. Kami banci ndatken mbue pelajaren arah pengalamen kalak e nari bage pe ndeharana adi ia enggo erjabu. Usahaken kalak e nandai tep-tep anggota runggun, si metua ras si nguda, janah alu semangat nemani kami erberita si meriah dingen ngajarken Pustaka si Badia. Pertua-pertua keliling enda ras pertua-pertua runggun mereken waktuna guna reh lako mpermakani. Guna mpegegehi kami, kalak e mpeseh kotbah-kotbah si mpeteguh kiniteken i bas perpulungen ras i kebaktin. Perbahanen Rasul-rasul 15:35. Kalak e ncidahken maka iperdiatekenna kami kerina. Pertua-pertua keliling alu tutus mperdiateken kerohanin runggunrunggun. Kalak e pulung ras pertua-pertua bage pe sinampati perpulungen, lako meriksa alu megermet kemajun si enggo ibahan ras mereken pedah-pedah si perlu guna ndalanken tanggung jawab i bas runggun. Kalak e nampati perintis-perintis gelah banci ndalanken pelayanenna alu mehuli. Kalak e pe merincuh sitandan ras kalak si mbaru ergabung janah megi kemajun rohanina. Senina-seninanta enda alu ukur meriah mereken dirina jadi teman sada dahin guna kami. (2 Korinti 8:23) Kinitekenna ras cara ia ndalanken perentah Dibata patut man usihen. Heber 13:7. Kai tujun pertua-pertua keliling ndahi runggun-runggun? Kai gunana man bandu kerehen kalak e?

21 Uga nge Kami Nampati Teman-Teman Sada Kiniteken Kami si lit i bas Kesusahen? 18 Paksa lit mara, Saksi-Saksi Jahwe mis erbahan pengaturen guna nampati teman-teman sada kiniteken si kena mara. Enda ncidahken maka kami kerina radu sikelengen. ( Johanes 13: 34, 35; 1 Johanes 3:17, 18) Alu cara kai saja kami mereken penampat? Mereken sumbangen sen. Paksa lit kelihen si mekelek i Judea, kalak Kristen si pemena i Antiokhia ngirimken duit guna nampati teman-teman sada kinitekenna. (Perbahanen Rasul-rasul 11:27-30) Bage ka pe, adi ieteh kami lit teman-teman sada kiniteken kami si ngenanami kiniseran, ikiremken kami sumbangen arah runggun gelah banci ibereken man teman si merlukenca. 2 Korinti 8: Mere penampat si erguna. Pertua-pertua i daerah si kena mara ndarami tep-tep anggota runggun guna mastiken keselamaten kalak e. Panitia penampat guna kemanusian banci ngaturken pembagin pangan, inemen, uis, ingan sementara, ras tambar ntah pe dokter. Melala Saksi si beluh reh alu biaya sendiri ras ikut mereken penampat guna kemanusian ntah pe mpesikap rumah ras Bale Kinirajan si ceda. Ulih persadan i bas organisasi kami janah perbahan nggo biasa erdahin ras-ras, banci kami meter mereken penampat. Amin gia penampat e khususna ibereken kami kempak teman-teman [kami] si sada kiniteken, kami pe erusaha nampati kalak si deban, kai pe agamana. Galati 6:10. Mereken dukungen rohani ras emosi. Kalak si kena mara e perlu kal kata pengapul. Paksa si bage me, kami ndatken gegeh arah Jahwe nari, Dibata sumbul kerina pengapul. (2 Korinti 1:3, 4) Meriah ukur kami nuriken janji-janji i bas Pustaka si Badia kempak kalak si paksa erndele ate, janah nampati kalak e gelah reh tekna maka pasti isasapken Kinirajan Dibata nge pagi kerina mara si erbahan kiniseran ras ate ceda. Ketangkasen 21:4. Republik Dominika Haiti Jepang Engkai maka Saksi-Saksi banci pedas mereken penampat paksa lit mara? Penampat rohani kai nge si ibereken kami kempak kalak si kena mara?

22 19 Ise nge Juak-Juak Si Tutus Dingen Pentar? La ndekah kenca kematenna, Jesus ercakap-cakap ras empat ajar-ajarna Petrus, Jakup, Johanes, ras Andreas. Paksa ernubuat kerna tanda kerehenna i bas wari-wari si pendungi, Jesus mereken sada penungkunen si penting, Adi bage, ise dage juak-juak si tutus dingen pentar? Ia me si ipercayaken tuanna jadi kepala juak-juak si deban guna mbagiken pangan man juak-juak e i bas paksana. (Matius 24:3, 45; Markus 13:3, 4) Jesus mpetangkasken man ajar-ajarna maka selaku tuan kalak e, itetapkenna pagi kalak si terus nikapken pangan rohani man pengikut-pengikutna i bas paksa kedungen jaman. Ise nge maksudna juak-juak e? Juak-juak enda eme sada terpuk kitik pengikut Jesus si iminaki alu kesah si badia. Juak-juak enda itandai selaku Badan Pinpinen Saksi-Saksi Jahwe. Juak-juak enda nikapken pangan rohani i bas paksana man kalak si radu nembah Jahwe. Kami ernalem kempak juak-juak si pentar enda gelahna terus ndatken persedian pangan i bas paksana. Lukas 12:42. Pangan rohani erguna man banta kerina Juak-juak enda ngurus keluarga Dibata. (1 Timotius 3:15) Jesus mereken tanggung jawab si mbelin kempak juak-juak enda guna ngurus pendahin organisasi Jahwe i doni ngurus kerina erta materi, ngaturkan dahin erberita, ras ngajari kami i bas runggun. Jadi, guna nikapken kai si iperluken kami i bas paksana, juak-juak si tutus dingen pentar mbagiken pangan rohani alu buku-buku si igunaken kami i bas pelayanen, janah arah pengajaren si ipeseh i bas perpulungen ras kebaktin. Juak-juak enda tutus kempak kebenaren Pustaka si Badia ras dahin mberitaken berita si meriah, janah pentar i bas ngurus dingen ngelakoken dahin si ibereken Kristus i doni. (Perbahanen Rasul-rasul 10:42) Dibata Jahwe masu-masu pendahin kalak e alu nambahken jumlah anggota runggun ras mereken pangan rohani alu simpar. Jesaya 60:22; 65:13. Ise nge si itetapken Jesus guna mereken pangan rohani man ajarajarna? Engkai maka juak-juak enda ikataken tutus dingen pentar?

23 Uga Carana Badan Pinpinen Erdahin Genduari? 20 I bas abad pemena, sada terpuk kitik rasul-rasul ras pertuapertua i Jerusalem ngelayani jadi badan pinpinen si erban keputusen penting mewakili kerina runggun kalak Kristen si iminaki. (Perbahanen Rasul-rasul 15:2) Kalak e sada katana i bas erbahan keputusen kenca mpegermetken kai si ikataken Pustaka si Badia ras ngikutken kepkepen kesah si badia. (Perbahanen Rasul-rasul 15:25) Contoh si bage rupana niikuti gundari. Ipake Dibata Lako Ndalanken PeratenNa. Senina-senina si iminaki si jadi Badan Pinpinen enda ncikep Kata Dibata alu nteguh janah erpengalamen kal i bas ngelakoken tugas-tugas rohani ntah pe dahin sideban. Kalak enda pulung tep-tep minggu guna ngerungguken keperlun senina-senina sada kiniteken i belang-belang doni. Bagi i bas abad pemena, pengajaren erpalasken Pustaka si Badia ipeseh alu surat, arah pertua keliling ras cara sidebanna. Enda erbahan umat Dibata banci sendalanen i bas perukuren ras perbahanen. (Perbahanen Rasul-rasul 16:4, 5) Badan Pinpinen ngawasi gelahna pangan rohani banci isediaken, nggiatken dahin lako mberitaken Kinirajan, ras ngawasi penangkuhen senina-seninanta si ndalanken tanggung jabap. Patuh kempak kepkepen kesah si badia. Badan Pinpinen mindo kepkepen Jahwe, Dibata si Ngkuasai si Nasa Lit, ras Jesus, Takal Perpulungen. (1 Korinti 11:3; Epesus 5:23) Anggotaanggota Badan Pinpinen labo iakapna ia peminpin umat Dibata. Kalak enda, bage pe kerina kalak Kristen si iminaki, terus iikutkenna Anak Biri-Biri e [Jesus] ku ja gia Ia lawes. (Ketangkasen 14:4) Seh kal mehergana iakap Badan Pinpinen adi kami notoken kalak e. Badan pinpinen abad pemena Ise saja anggota badan pinpinen abad pemena? Alu cara uga Badan Pinpinen jaman modern mindo penampat Dibata? Ngogeken surat badan pinpinen DARAMI RAS PELAJARI TERBUEN Ogelah Perbahanen Rasul-rasul 15:1-35 kerna uga nge cara badan pinpinen abad pemena ngerungguken ras ndungi perjengilen alu penampat Pustaka si Badia ras kesah si badia.

24 21 Departemen Seni, Amerika Serikat KaikinBetele? Gelar Betel asalna i bas cakap Heber nari, ertina Rumah Dibata. (Kejadin 28:17, 19) Gelar enda cocok man bangunen si ipajekken Saksi-Saksi Jahwe i belang-belang doni guna ngaturken ras ndukung dahin mberitaken berita si meriah. Badan Pinpinen ngelayani i kantor pusat sebelang doni i Negara Bagin New York, AS, ras ngawasi pendahin kantor-kantor cabang i melala negeri. Kalak si ngelayani i bas ingan si bage rupana igelari keluarga Betel. Bagi si biasana i bas sada keluarga, kalak enda ras tading, erdahin ntah pe man, janah ras-ras erlajar Pustaka si Badia i bas sada perarihen. Masmur 133:1. Jerman Kenya Kolombia Ingan si unik man sada keluarga si erdahin alu sukarela. Kalak Kristen si dilaki ras diberu si erdahin i Betel mereken gegeh ras kerina waktuna guna ndalanken peraten Dibata ras ngelayani kepentingen Kinirajan. (Matius 6:33) La lit si ngaloken gaji, tapi man kalak enda enggo isediaken ingan tading ras pangan, ras sitik sokongen berupa sen guna nutupi keperlun pribadina. Tep-tep kalak i Betel lit tugasna, entah i kantor, i dapur, ntah pe i ruangen man. Lit si ngelayani i percetaken ntah pe penjiliten, si erdahin mbersihken kamar, si nuci uis ras nggosok, si ngurus gedung ras peralaten, ras si debanna. Ingan si sibuk guna ndukung dahin mberitaken Kinirajan. Tujun si pentingna i bas tiap Betel eme nyediaken kebenaren arah Pustaka si Badia man jelma si nterem. Brosur enda me salah sada contohna. Kenca itulis i bas pengawasen Badan Pinpinen, brosur enda ikirem i bas bentuk elektronis ku ratusen tim penerjemah i belang-belang doni, icetak alu mesin-mesin si erdahin alu meter i piga-piga percetaken Betel, janah ikirem ku lebih runggun. Alu kerina dahin ndai, keluarga Betel ndukung pendahin si seh kal pentingna genduari eme mberitaken berita si meriah. Markus 13:10. IsesingelayaniiBetel,raskaisiisediakenmankalakenda? Pendahin kai nge si arus pedas ilakoken si idukung tep-tep Betel?

25 KaisiNilakokeni Kantor Cabang? 22 Anggota-anggota keluarga Betel ngelayani i erbage-bage departemen guna ngurus dahin mberitaken berita si meriah i sada negeri ntah pe lebih. Lit si ngelayani i bas tim penerjemahen, ncetak majalah, njilit buku, ngirim lektur, erban rekamen sora/gambar (audio/video), ntah pe ngurus si debanna. Panitia Cabang ngawasi pendahin. Badan Pinpinen mereken tanggung jawab guna ngawasi ras ngaturken pendahin i teptep kantor cabang kempak Panitia Cabang. Panitia Cabang eme pertua-pertua si beluh dingen pentar, si buena telu kalak ntah pe lebih. Panitia enda alu ratur mereken laporen man Badan Pinpinen kerna kemajun i tiap negeri si iawasina, ras kerna persoalen si mungkin terjadi. Laporen si bage rupana nampati Badan Pinpinen mutusken topik kai saja si arus itulis i bas publikasi si reh, si man pelajaren i perpulungen ras si ipeseh i bas kebaktin. Wakil-wakil arah Badan Pinpinen iutus alu ratur ku cabang-cabang guna mereken pedah-pedah man Panitia Cabang kerna uga carana kalak e ndalanken tugasna. (Kuan-kuanen 11:14) Wakil kantor pusat enda biasana mpeseh kotbah i bas sada acara istimewa si ibahan guna mpegegeh kiniteken kalak si tading i bas wilayah cabang e. Mereken dukungen kempak rungggun-runggun si lit i bas pengawasenna. Senina-senina si ndatken tanggung jabap i kantor cabang ertugas mereken persetujun guna mbentuk runggun-runggun si mbaru. Kalak e pe ngaturken pendahin perintis-perintis, utusen injil, ras pertua keliling si ngelayani i bas daerah cabang e. Kalak e ngaturken kebaktin ras pembangunen Bale Kinirajan si mbaru, janah mastiken gelah lektur ikirem guna ncukupi keperlun runggun-runggun. Perbahan dukungen arah kantor cabang nari, dahin mberitaken berita si meriah banci ilakoken alu metunggung dingen ratur. 1 Korinti 14:33, 40. Uga carana Panitia Cabang nampati Badan Pinpinen? Kai saja nge si ilakoken i kantor cabang? Kepulon Solomon Kanada Afrika Selatan DARAMI RAS PELAJARI TERBUEN Ise pe banci reh guna ngenenngenen i kerina kantor cabang kami,wariseninsehkuwarijumat. Iundang kami kam gelah reh. Erpakenlah kam bali paksa reh ku perpulungen. Adi reh kam ku Betel melala gunana man bandu secara rohani.

26 23 Uga Carana Lektur Kami Itulis ras Iterjemahken? Departemen Penulisen, Amerika Serikat I bas ngusahaken mpebelang Berita Si Mehuli kempak kerina bangsa, suku, cakap ras negara, kami erban lektur lebih 750 erbage cakap. (Ketangkasen 14:6) Uga carana kami banci ngelakoken dahin si sulit enda? Alu penampat pegawe penulisen erbage bangsa ras penerjemah-penerjemah si khusus si kerinana Saksi-Saksi Jahwe. Tulisen aslina itulisken i bas cakap Inggris. Badan Pinpinen ngawasi dahin Departemen Penulisen i kantor pusat sebelang doni. Departemen enda si ngaturken pendahin penulis-penulis si ngelayani i kantor pusat ras i piga-piga kantor cabang. Erkiteken pegawe penulisen kami rehna arah erbage-bage bangsa, kami banci nulisken topik arah erbage kebudayan, si erbahanca erbage bangsa merincuh ngogesa. Korea Selatan Tulisen aslina ikirem kempak tim-tim penerjemah. Kenca nggo iperiksa, isesuaiken ras isetujui, tulisen asli e ikirem i bas bentuk elektronis kempak tim-tim penerjemah i belang-belang doni, si nerjemahken ras mastiken asilna tepat dingen benar janah menukah ngantusisa. Usahaken kalak e ndarami katakata kebenaren si tepat dingen bujur si banci mpeseh kerina tujun tulisen aslina ku bas cakap kalak e. Pengerana 12:10. Armenia Burundi Komputer erbahanca reh meterna dung dahin e. Komputer la banci nggantiken dahin penulis ras penerjemah. Tapi, dahin kalak e banci reh meterna dung alu nggunaken kamus, program, ras bahan riset i komputer. Saksi-Saksi Jahwe ngerancang Sistim Penerbiten Elektronik Erbagecakap (MEPS), sada program si banci nggabungken tulisen i bas ratusan cakap ku gambar si lit, janah ngatur ingan ras bentuk tulisen si cocok gelah banci icetak. Ngkai makana iusahaken kami nerjemahken lektur ku erbage cakap, termasuk cakap si ipake piga-piga ribu kalak ngenca? Sabap ate Dibata Jahwe kerina manusia selamat dingen meteh kai si tuhu-tuhu. 1 Timotius 2:3, 4. Uga carana penulisen publikasi kami ilakoken? Ngkai maka kami nerjemahken lektur ku bas erbage cakap? Sri Lanka

27 Uga nge Pendahin Kami i Belang-Belang Doni Ibiayai? 24 Organisasi kami ncetak ras mbagiken ratusen juta Pustaka si Badia ras publikasi si debanna tiap tahun alu la nggalar. Kami majekken janah mpesikap ras mpekena melala Bale Kinirajan ras kantor cabang. Kami mereken sokongen ribun sierdahin Betel ras utusan injil, janah kami pe mereken penampat guna kemanusian paksa lit mara. Mungkin tersungkun-sungkun kam, Uga nge enda kerina ibiayai? Kami la pernah mindo persepuluhen, adangen, ntah pe kolekte. Amin gia biaya man dahin kami guna mberitaken berita si meriah seh kal lalana, kami la pernah mindo-mindo sen. Lebih seratus tahun si nggo lewat, terbiten majalah Sora Ermomo si peduaken ngataken maka tek kami Dibata Jahwe pasti nampati kami, janah kami la kal pernah mindo-mindo ntah pe ngarap gelah manusia si nampatisa janah memang la nggo pernah! Matius 10:8. Pendahin kami idukung arah sumbangen sukarela. Melala kalak ngergai pendidiken kerna Pustaka si Badia si nilakoken kami ras mereken sumbangen. Saksi-Saksi pe alu ukur meriah mereken waktu, tenaga, sen, ras sidebanna gelah jadi peraten Dibata i belang-belang doni. (1 Kronika 29:9) Kerina si atena mereken sumbangen banci tamakenna ku bas kotak sumbangen si lit i Bale Kinirajan ras ingan kebaktin. Ntah pe banci mereken sumbangen arah situs web kami, jw.org. Buen sen si nialoken rehna arah kalak si biasa-biasa saja, bali bagi diberu si enggo mbalu si musil si ipuji Jesus perbahan namaken dua peser ku ingan persembahen i rumah pertoton. (Lukas 21:1-4) Maka, ise pe banci alu ratur nerapken sada bagin gelah mereken sue ras si enggo itetapkenna i bas ukurna. 1 Korinti 16:2; 2Korinti9:7. Kami tek maka Jahwe pasti nge terus erban tergiah ukur kalak si mehamat man BaNa guna mpersembahken ulih pendahinna si mehulina gelah jadi peraten Dibata alu dahin mberitaken berita si meriah. Kuan-kuanen 3:9. Kai si mbedaken organisasi kami ras agama sideban? Man kai saja sumbangen sukarela igunaken? Nepal Inggris Togo

28 25 Bale Kinirajan Engkai Makana Ipajekken ras Uga Carana? Sue ras gelarna, Bale Kinirajan, pelajaren Pustaka si Badia si ilakoken ije khususna ipusatken ku Kinirajan Dibata tema pelayanen Jesus. Lukas 8:1. Bolivia Pusat ibadat si benar i sada daerah. Saksi-Saksi Jahwe ngaturken dahin mberitaken berita si meriah kerna Kinirajan i bas Bale Kinirajan nari. (Matius 24:14) Lit erbage ukuren ras bentuk Bale Kinirajan, tapi kerina e bangunen si sederhana, janah mbuebalekinirajaneipakeduarunggunntahpelebih.ibas piga-piga tahun enda, kami enggo mbangun puluhen ribu Bale Kinirajan si mbaru (kira-kira lima tep-tep wari) guna ncukupi keperlun erkiteken lit pertambahen i bas runggun. Uga kerina enda banci ilakoken? Matius 19:26. Ibangun alu nggunaken sen sumbangen. Sumbangen enda ipepulung ku kantor cabang gelah senna banci ipake runggunrunggun si perlu mbangun ntah pe mekena ras mesikap Bale Kinirajan. Nigeria, sope ras kenca ibangun Si Mbangunca eme kalak si sukarela arah erbage suku nari. I mbue negeri, lit Terpuk Pembangunen Bale Kinirajan. Terpuk si eranggotaken kalak si erdahin khusus ras si sukarela guna pembangunen enda pindah arah sada runggun ku runggun si debanna i sada negeri, termasuk daerah si ndauh ras melungun, guna nampati runggun si lit ije mbangun Bale Kinirajan. I negeri-negeri si deban, Saksi-Saksi si ncukupi sarat itugasken guna ngawasi pembangunen Bale Kinirajan ntah pe mpekenasa i daerah si enggo itetapken. ` Aminna melala Saksi si beluh ertukang i bas wilayah e, si alu ukur meriah nampati tep-tep pembangunen, buen si erdahin rehna arah runggun si lit ije. Enda kerina banci terjadi, arah penampat Dibata Jahwe ras usaha si ilakoken umatna alu bulat ukur. Masmur 127:1; Kolose 3:23. Engkai makana ingan ibadat kami igelari Bale Kinirajan? Uga carana melala Bale Kinirajan banci ibangun i belang-belang doni? Tahiti

29 Alu Cara Uga Kami Banci Ikut Mpesikap dingen Pekena Bale Kinirajan? 26 Tiap-tiap Bale Kinirajan Saksi-Saksi Jahwe maba gelar Dibata si badia. Emaka, menurut kami alu ikut njaga bangunen e tetap bersih, metunggung, ras mejile, eme sada hak istimewa ras bagin penting i bas ibadat kami si badia. Kerina banci ikut ngurus Bale Kinirajan. Alu meriah ukur mbersiken Bale Kinirajan kenca dung perpulungen. Tep-tep dung perpulungen, nterem turang-senina alu meriah ukur ikut mbersihken ras mpesikap Bale Kinirajan. Sekali seminggu Bale Kinirajan ibersihken. Sekalak pertua ntah pe sinampati perpulungen banci ngaturken dahin si arus ilakoken, biasana rikutken daftar periksa si enggo i bahan. Tergantung keperlun, lit si alu sukarela napui, ngepel, ngelap, mpesikap kursi, mbersihken kamar mandi, mbersihken kaca ras curmin, ngambekken sampah ku inganna, ntah pe mbersihkan bagin darat ras kesain Bale Kinirajan. Silang-langna sekali setahun, ibahan sada wari lako mbersihken kerina bagin Bale Kinirajan. Alu maba anak-anak ikut erdahin, kami ngajar ia gelah ngergai ingan ibadat kami. Pengerana 5:1. Estonia Zimbabwe Alu meriah ukur nampati adi lit si man pekenan. Tep-tep tahun, ilakoken pemeriksan kerina bagin arah bas ntah pe darat Bale Kinirajan. Kenca e, dahin mpesikap dingen pekena Bale Kinirajan ilakoken alu ratur, gelah ula sempat ceda ras perlu biaya mbelin guna pekenasa. (2 Kronika 24:13; 34:10) Bale Kinirajan si bersih dingen mehuli, metunggung man ingan kami pulung guna nembah Dibata Jahwe. Alu ikut i bas dahin e, kami ncidahken maka kami ngkelengi Jahwe ras ngergai ingan ibadat kami. (Masmur 122:1) Si e kerina erbahan jelma si enterem ngidah maka kami mehuli. 2 Korinti 6:3. Ngkai maka kami arus mpesikap ras mpekena ingan ibadat kami? Pengaturen kai si ibahan lako njaga kebersihen Bale Kinirajan? Mongolia Puerto Riko

30 27 Kai nge Gunana Perpustakan Bale Kinirajan? Republik Cheska Israel Benin Kepulon Cayman DARAMI RAS PELAJARI TERBUEN Adi lit atendu perpustakanndu sendiri, nehenlah buku kai si tersedia i lemari lektur. Guru Pustakandu banci njelasken man bandu kernapublikasisiapaisicocok ibuatndu leben. Nggit nge kam ngelakoken riset guna nambahi pemetehndu kerna Pustaka si Badia? Merhat nge kam meteh kerna sada ayat, jelma, ntah pe barang si itulisken bas Pustaka si Badia? Ntah pe, pernah nge ukurindu kerna uga Kata Dibata banci nampati kam ndungi perbebenndu? Adi pernah, gunakenlah perpustakan Bale Kinirajan. Nyediaken bahan riset si erguna. Mungkin saja, la kerina publikasi kerna Pustaka si Badia si icetak Saksi-Saksi Jahwe si tersedia i bas cakap si ipakendu lit bas kam. Tapi, i perpustakan Bale Kinirajan melala publikasi terbiten simbaruna. Mungkin lit ka erbage terjemahen Pustaka si Badia, kamus si lengkap, ras buku-buku petunjuk sideban si erguna. Kam banci nggunaken perpustakan e sope perpulungen ntah pe kenca dung perpulungen. Adi lit komputer, banci saja lit Watchtower Library ije. Enda sada program komputer si risiken seh lalana publikasi kami janah lit fitur sindarami si menukah nggunakenca guna ndatken keterangen kerna sada topik, kata, ntah pe ayat. Erguna man murid Perpulungen Pelayanen ras Kegeluhen. Banci igunakenndu perpustakan Bale Kinirajan paksa nikapken tugasndu. Si ertanggung jawap bas perpustakan e eme pengawas Perpulungen Pelayanen ras Kegeluhen. Ia mastiken publikasi si mbaru nggo tersedia ras ngaturken gelah sikap inganna. Ia ntah pe guru Pustakandu banci ncidahken uga carana ndatken keterangen si iperlukenndu. Tapi, buku-buku e la banci ibaba ndarat arah Bale Kinirajan nari. Tentu saja, nggit ka nge kita njaga kiniraturen buku-buku e janah la si coreng-corengi. Pustaka si Badia nuriken man banta, guna ndatken pemeteh kernadibata,kitaarusnggitndaramisa deskenertaterbuni. (Kuan-kuanen 2:1-5) Perpustakan Bale Kinirajan banci nampati kam guna mulai ndaramisa. Bahan riset kai saja si lit i perpustakan Bale Kinirajan? Ise si banci nampati kam nggunaken perpustakan enda?

31 Kai nge si Lit i bas Situs Web Kami? 28 Jesus ngatakenca man ajar-ajarna, Dage, ersinalsal lah min terangndu i lebe-lebe kalak si nterem gelah adi idahna perbahanenndu si mehuli, ipujina Dibata, Bapandu si i Surga. (Matius 5:16) Guna ngelakoken tujun e, kami nggunaken teknologi modern, termasuk internet. Situs web kami, jw.org, eme ingan ndatken keterangen si resmi kerna kiniteken kami ras pendahin Saksi-Saksi Jahwe. Kai nge si banci idatndu ije? Jabapen arah Pustaka si Badia kerna penungkunen si rusur isungkun kalak. Kam banci ndatken jabapen kerna piga-piga penungkunen si penting si usur kal isungkun kalak. Contohna, Banci kin Kerina Kiniseran Masap? ras Banci kin Kalak Mate Nggeluh Mulihi? Risalah enda lit bas situs kami lebih i bas 600 cakap. Banci ka iogendu Pustaka si Badia Terjemahan Dunia Baru ibas lebih 130 cakap ras piga-piga alat si nampati erlajar Pustaka si Badia, misalna buku Kai Nina Pustaka si Badia? janah terbiten Sora Ermomo ras Sadarlah! si mbaruna. Mbue publikasi enda banci iogendu ntah pe ibegikenndu i bas Internet janah banci ka idownload-ndu i bas bentuk MP3, PDF, EPUB, ras si debanna. Kam pe banci ncetak piga-piga alamen guna ibereken kempak kalak si merincuh meteh isina, sue ras cakap si igunakenna! Publikasi i bas piga-piga cakap isarat tersedia i bas bentuk video. Kam banci muat Pustaka si Badia si ioge i bas bentuk drama, kejadin bas Pustaka si Badia si idramaken, ras musik si mejile si banci ibegikenndu paksa ngadi-ngadi. Keterangen si benar kerna Saksi-Saksi Jahwe. Litkaberitasi mbaruna ras video si gendek kerna pendahin kami i belang-belang doni, kejadin si ialami Saksi-Saksi Jahwe, ras usaha kami i bas mereken penampat guna kemanusian. Kam pe banci ndatken keterangen kerna kebaktin si reh ras alamat kantor-kantor cabang kami. Prancis Rusia Polandia Alu nggunaken situs web enda, terang kebenaren kami ersinalsal ku belang-belang doni. Mbue gunana man kalak i bas tep-tep benua, termasuk ka Antartika. Kami ertoto gelah Kata Tuhan (Jahwe) pedas min reh mbarna ku belang-belang doni, guna mereken kemulian man Dibata. 2 Tesalonika 3:1. Uga carana jw.org nampati reh buena kalak meteh kebenaren Pustaka si Badia? Kai nge si atendu idaramindu i bas situs web kami? MEGERMETLAH: Kalak si la senang nandangi kami erbahan piga-piga situs i bas Internet guna mpebelang keterangen palsu kerna organisasi kami. Ate kalak e mapakken jelma si nterem gelah ula ngelayani Dibata Jahwe. Pedauhlah situs-situs si bage rupana. Masmur 1:1; 26:4; Roma 16:17.

32 Nggit nge Kam Ngelakoken Peraten Jahwe? Bujur ning kami sabap nggo iberekenndu waktundu lako mpelajari brosur enda guna nandai Saksi-Saksi Jahwe terdeheren, mpelajari kerna pendahin kami, ras mpegermeti dahin si ilakoken organisasi kami. Arapen kami kam enggo isampati guna nandai kami selaku kalak si ngelakoken peraten Jahwe genduari. Iahken kami kam gelah terus ndatken pemeteh kerna Dibata, nuriken kai si enggo ipelajarindu kempak keluarga ras teman-temanndu, janah alu ratur ergaul ras kami i perpulungen Kristen kami. Heber 10: Reh buena kam erlajar kerna Jahwe, reh sedarna kam kerna uga belinna kekelengenna man bandu. Alu bage, banci tersuruh ukurndu mbalas kekelengen Dibata asa ngasupndu. (1 Johanes 4:8-10, 19) Tapi, uga nge kam banci ngelakokenca i bas kegeluhenndu tep-tep wari? Engkai patoken moral Dibata erguna man bandu? Janah, kai nge si banci ngiahken kam ngelakoken peraten Dibata radu ras kami? Guru Pustakandu pasti senang nampati kam ras keluargandu mpelajari uga carana banci tetap i bas keleng ate Dibata, janah natap kegeluhen si tuhu-tuhu si la erkeri-kerin. Judas 21. Gelah kam banci terus erbahan kemajun bas dalan kebenaren, undang kami kam lako nerusken pelajaren alu buku enda... TETAPLAH BERADA DALAM KASIH ALLAH s jl-ak