Keluargandu Banci Ermeriah Ukur

Transkripsi

1 Keluargandu Banci Ermeriah Ukur

2 Keluargandu Banci Emeriah Ukur I bas jaman si reh cedana enda, melala perbeben si erban susah kegeluhen i bas perjabun ras keluarga. Banci kin kam sada keluarga ermeriah ukur? Enda la menukah, tapi lit penampat. Amin gia la risiken petunjuk si lengkap kerna perjabun, ogen enda njelasken prinsip-prinsip Pustaka si Badia si enggo terbukti erguna ras risiken pedah-pedah guna idalanken i bas kegeluhen tep-tep wari. Adi niikuti alu mehuli, keluargandu banci ermeriah ukur. DAFTAR ISI BAGIN HALAMEN 1 Pindolah Petunjuk Dibata Gelah Ermeriah Ukur 3 2 Setialah kempak Sada ras si Debanna 6 3 Cara Ndungi Persoalen 9 4 Cara Ngaturken Keuangen 12 5 Njaga Hubungan Dame ras Simetuandu 15 6 Ketubuhen Sekalak Anak Maba Perubahen 18 7 Cara Ndidik Anak 22 8 Adi Lit Kejadin si Erban Ceda Ate i bas Keluarga 26 9 Sembahlah Jahwe Radu ras Keluarga WATCH TOWER BIBLE AND TRACT SOCIETY OF PENNSYLVANIA Penerbit SAKSI-SAKSI YEHUWA INDONESIA Jakarta, Indonesia Cetaken April 2015 Buku enda la ibinagaken, ras sada bagin lako ngajarken kata Dibata i bas Pustaka si Badia nari i belang-belang doni, si idukung sumbangen sukarela. Adi la lit keterangen si itulisken, kerina ayat si lit i bas buku enda ibuat arah Pustaka si Badia I bas Cakap Karo nari. Your Family Can Be Happy Batak (Karo) (hf-ak) Made in Japan Dibuat di Jepang

3 Pindolah Petunjuk Dibata Gelah Ermeriah Ukur B A G I N 1 Ijadiken si Nepasa sekalak dilaki ras sekalak diberu. Matius 19:4 Dibata Jahwe me si erban perjabun si pemena. I bas Pustaka si Badia ituriken maka Ia nepa diberu si pemena janah itaruhkenna man manusia ndai. Seh kal riahna ukur Adam janah nina, Enda nge maka enggo payo; Tulanna i bas tulanku nari, janah jukutna i bas jukutku nari. (Kejadin 2:22, 23) Gundari pe, ate Jahwe gelah kalak si erjabu ermeriah ukur. Paksa kam erjabu, banci saja iakapndu maka kerina erdalan alu mehuli. Tapi situhuna, perbulangen ras ndehara bicara singenan kal pe la banci lang ngadapi perbeben. (1 Korinti 7:28) I bas ogen enda, banci idatndu prinsip-prinsip Pustaka si Badia si banci erban perjabun ras keluargandu ermeriah ukur, adi idalankenndu. Masmur 19:8-11. Jahwe eme gelar Dibata si ituriken i bas Pustaka si Badia.

4 1 DALANKEN TANGGUNG JABAP SI IBEREKEN JAHWE KAI NINA PUSTAKA SI BADIA: Perbulangen me kepala keluarga. Epesus 5:23. Adi kam sekalak perbulangen, ate Jahwe gelah kam melias nandangi ndeharandu. (1 Petrus 3:7) Ia netapken ndehara guna nampati janah erban kam lengkap, ras ate- Na gelah kam mperlakoken ndeharandu alu mehamat dingen ngkelengi ia. (Kejadin 2:18) Aruslah keleng kal atendu ia gelah meriah ukurndu mpelebe kepentingenna asangken kepentingenndu sendiri. Epesus 5: Adi kam sekalak ndehara, ate Jahwe gelah kam mehamat man perbulangenndu ras nampati ia ndalanken tanggung jabapna selaku perbulangen. (1 Korinti 11:3; Epesus 5:33) Dukunglah keputusenna janah patuhlah alu bulat ukur guna ndalankenca. (Kolose 3:18) Adi ilakokenndu enda, kam tuhu-tuhu mejile iakap perbulangenndu bage pe Jahwe. 1 Petrus 3:1-6. Sungkunlah teman geluhndu uga kam banci jadi perbulangen ntah pe ndehara si lebih mehuli. Begiken alu mehuli janah tuhu-tuhu usahakenndu gelah banci robah Ersabarlah. Perlu waktu man bandu duana guna erlajar carana erban meriah ukur sada ras si debanna 2 UKURI PERASAN TEMAN GELUHNDU KAI NINA PUSTAKA SI BADIA: Kam perlu mperdiateken kepentingen teman geluhndu. (Pilipi 2:3, 4) Sepenggejapenlah nandangi ia perban ia me si mehergana kal i bas geluhndu. Teruslah inget maka Jahwe mindo gelah ajarajarna mehuli man ise pe. (2 Timotius 2:24) Ranan si la erpepah banci ngelukai ukur kalak desken pedang, tapi kepentaren desken tambar si pepalemken. Emaka, ukurindulah ranan si man belasenken alu megermet. (Kuankuanen 12:18) Kesah Jahwe banci nampati kam guna ngerana alu mehuli janah dem kekelengen. Galati 5:22, 23; Kolose 4:6. Ertotolah mindo penampat gelah banci tenang ras salang ukurndu ope mbahas persoalen si mberat ras teman geluhndu Ukuri lebe alu manjar-anjar kai si nandangi ikatakenndu ras cara mpesehsa 4

5 3 SEPERUKURENLAH KAM SELAKU SADA TIM KAI NINA PUSTAKA SI BADIA: Paksa erjabu, kam ras teman geluhndu nggo jadi sada. (Matius 19:5) Tapi, kena tetap dua pribadi si erbeda ras banci saja la sependapat. Emaka, kena perlu erlajar gelah seperukuren ras seperarihen. (Pilipi 2:2) Si enda penting paksa erban keputusen. Nina Pustaka si Badia, Ope denga erbahan sada keputusen pindolah lebe pedah. (Kuan-kuanen 20:18) Bahanlah prinsip Pustaka si Badia jadi si negu-negu paksa ras-ras erbahan sada keputusen si penting. Kuan-kuanen 8:32, 33. Selain nuriken pengalamen ntah pe pendapat sapih-sapih kena, turiken ka perasan kena Ope denga erban keputusen kai pe, cakapken lebe ras teman geluhndu RUKURLAH ALU MASUK AKAL RAS POSITIF Ula ngarapken kesempurnan arah dirindu sendiri ntah pe arah teman geluhndu. (Masmur 103:14; Jakup 3:2) Teruslah ukuri kerna kai si mehuli i bas teman geluhndu. Teklah maka prinsip-prinsip Pustaka si Badia pasti tepat, janah ersabarlah. (2 Timotius 3:16) Jahwe pasti masu-masu usaha kena i bas ndalanken pedah-pedahna. Reh dekahna, perjabun kena pe reh paguhna. Galatia 6:9. UKURI ALU MBAGES... Banci kin igejapken teman geluhku maka lebih kuperdiateken ia asangken diringku? Kai si enggo kulakoken ibaswariendaguna ncidahken maka kukelengi ras kuhamati teman geluhku? 5

6 B A G I N 2 Setialah kempak Sada ras si Debanna Si nggo ipersadaken Dibata, lanai banci isirangken manusia. Markus 10:9 Ate Jahwe gelah kita setia. (Masmur 18:25, NW; Kuan-kuanen 5:15) Enda seh kal pentingna i bas perjabun perbahan adi la lit kesetian, kena la mungkin siteken. Janah, siteken e penting gelah kekelengen kena reh bagesna. Gundari, melala pengaruh si la mehuli si erban perbulangen ras ndehara erserana setia sapih-sapih ia. Emaka, guna njaga perjabun, perlu usahakenndu ngelakoken dua hal enda.

7 1 PELEBELAH KEGELUHEN PERJABUNNDU KAI NINA PUSTAKA SI BADIA: Pilihlah apai si mehulina, ntah pe si pentingna. (Pilipi 1:10) Perjabunndu eme salah sada si pentingna kal i bas kegeluhenndu. Emaka, enda patut ipelebe. Ate Jahwe gelah kam mperdiateken teman geluhndu janah ras-ras ngenanami kegeluhen si ermeriah ukur. (Pengerana 9:9) Alu tangkas ikatakenna maka ula sekali pe la iperdiatekenndu teman geluhndu, kena duana perlu terus erupaya ndarami cara erban teman geluh kena ermeriah ukur. (1 Korinti 10:24) Bahanlah teman geluhndu nggejapken maka ia iperluken ras iergai. Pastiken gelah kena rusur erban waktu guna erdua-dua alu la lit si nimpangken perhatin Rukurlah menurut kita, ula menurut aku 7

8 2 JAGALAH PUSUHNDU KAI NINA PUSTAKA SI BADIA: Ise ngenehen sekalak diberu, jenari leket ukurna ras diberu e, si tuhuna ia nggo erlua-lua i bas ukurna. (Matius 5:28) Adi sekalak jelma terus ngukuri halhal si amoral, ia banci ikataken lanai setia kempak teman geluhna. Jahwe ngataken maka kam perlu njaga pusuhndu. (Kuankuanen 4:23, NW; Jeremia 17:9) Guna si e, kam arus njaga matandu. (Matius 5:29, 30) Ikutkenlah usihen si itadingken Jop i bas Pustaka si Badia, si erban perpadanen i bas pusuhna gelah la pernah natap singuda-nguda alu mengga ate. (Jop 31:1) Bulatkenlah ukurndu gelah ula sekali pe ngenehen pornografi. Janah, ula erban hubungen ngena ate i bas bentuk kai pe janahrasisepesilabotemangeluhndu. Cidahken alu jelas man kalak si deban maka kam tuhu-tuhu setia kempak teman geluhndu Ukuri perasan teman geluhndu, ras mis lah pengadi hubungen kai pe si banci nakiti perasanna DALANKEN TANGGUNG JABAPNDU Jujurlah kempak dirindu sendiri, janah tandai kelemahenndu. (Masmur 15:2) Ula mela mindo penampat. (Kuan-kuanen 1:5) Adi perukuren si amoral mulai reh, teruslah erjuang ngelawansa. Ula kitik ukurndu. (Kuan-kuanen 24:16) Jahwe pasti masumasu usahandu guna tetap setia kempak teman geluhndu. UKURI ALU MBAGES... Uga carana banci kubereken waktu lebih mbue man teman geluhku? Nggo kin teman geluhku jadi kandu-kanduku? 8

9 Cara Ndungi Persoalen Sikeleng-kelengenlah kam alu tutus, sabap keleng ate namburi melala dosa. 1 Petrus 4:8 B A G I N 3 Paksa kena mulai nggeluh ersada selaku perbulangen ras ndehara, erbage persoalen banci reh. Enda terjadi perban cara rukur, perasan, cara kena ipebelin la seri. Masalah pe banci reh arah pihak si deban bage pe arah hal-hal si la niarap. Kita banci saja tergoda guna nadingken persoalen si lit, tapi Pustaka si Badia mere pedah gelah si adapi min persoalenta. (Matius 5:23, 24) Pasti igejapkenndu maka cara si mehulina guna ndungi persoalen kap alu ndalanken prinsip-prinsip Pustaka si Badia.

10 1 CAKAPKENLAH PERSOALENNA KAI NINA PUSTAKA SI BADIA: Lit...paksangerana. (Pengerana 3:1, 6, 7) Kam arus nyediaken waktu guna mbahas persoalenna. Turiken perasan ras pendapatndu kerna persoalen e alu jujur. Teruslah turiken si tuhutuhu kempak teman geluhndu. (Epesus 4:25) Adi perasan negatif reh, lawanlah e gelah ula rubat. Jabapen si tenang dingen mehuli banci erban la surung rubat erkiteken cakap si sepele. Kuan-kuanen 15:4; 26:20. Aminna pe la kam sada kata, tetaplah perbahanenndu mehuli alu terus ngkelengi ras nghamati teman geluhndu. (Kolose 4:6) Mislah dungi persoalenna, ras ula kam lanai siperkuanen. Epesus 4:26. Pilihlah waktu si cocok guna ncakapken persoalenna Adi gilirenndu si megiken, lawanlah perukuren guna motong ranan. Lit nge gilirenndu ngerana 10

11 2 BEGIKEN JANAH CUBAKENLAH NGANGKAISA KAI NINA PUSTAKA SI BADIA: Sikeleng-kelengenlah kam bagi si ersenina. Silebe-lebenlah kam i bas mpehaga teman. (Roma 12:10) Carandu mbegiken seh kal pentingna. Cubalah angkai cara rukur teman geluhndu alu sepenggejapen...rasmeterukrukur.(1petrus3:8;jakup 1:19) Ula pekulah-kulah saja mbegiken ia. Adi banci, pengadi kai si paksana idahikenndu janah bereken perhatin si bulat ukur kempak teman geluhndu. Ntah pe pindolah gelah kari icakapken. Adi iakapndu teman geluhndu sada tim labo imbang, labo mesukah kam megelut ntah pe pedas-pedassa das darehndu. Pengerana 7:9. Terus begiken alu ukur si salang, sekali pe kai si ibegindu la atendu bage Cubalah angkai kai tujun ibalik kata-kata teman geluhndu. Perdiateken gerek ras nada sorana ngerana 3 DALANKEN KEPUTUSENNA KAI NINA PUSTAKA SI BADIA: Erdahinlah maka kam nggeluh, adi ngeranai janah kundul-kundul saja ngenca, musil me kam. (Kuan-kuanen 14:23) Setuju nandangi jalan keluarna saja la bias. Kena perlu ndalanken kai si enggo iputusken kena duana. Enda pasti merluken melala upaya ras perjuangen, tapi si enda labo sia-sia. (Kuankuanen 10:4) Adi kena sisampat-sampaten selaku sada tim, asil upaya kena banci reh ulina. Pengerana 4:9. Putuskenkaisajasiperluilakoken kena sekalak-sekalak guna ndungi persoalenna Alu ratur, periksalah hasil si enggo dat kena RAS-RAS NDUNGI PERSOALEN Alu sisampat-sampaten, perjabun kena la reh lemahna janah erban ate ceda, tapi pasti reh gegehna ras mereken keriahen ukur. (Kuan-kuanen 24:3) Tataplah ku lebe, janah ula onggar-onggar persoalen si enggo lewat. (Kuankuanen 17:9) Adi kena sisampat-sampaten ras ndalanken prinsip-prinsip Pustaka si Badia, pasti kena banci ndungi persoalen kai pe. UKURI ALU MBAGES... Masalah kai si pentingna kal si ateku kucakapken ras teman geluhku? Kai si banci kulakoken guna ngangkai perasan teman geluhku kerna persoalen e?

12 B A G I N 4 Cara Ngaturken Keuangen Gelah berhasil ope denga erbahan sada keputusen, pindolah lebe pedah. Kuan-kuanen 20:18 Kita kerina perlu sen guna nutupi keperlun keluargata. (Kuan-kuanen 30:8) Uga pa pe, duit banci mereken ketenangen. (Pengerana 7:12) Perbulangen ras ndehara banci saja mesera iakapna ncakapken kerna keuangen, tapi ula sempat erkiteken sen turah persoalen i bas perjabun kena. (Epesus 4:32) Kena arus siteken janah sada arih i bas ngaturken cara make sen.

13 1 ERBANANGGARENALUMEHULI KAI NINA PUSTAKA SI BADIA: Adi lit sekalak i bas kam atena erban menara, tentu ibahanna lebe anggaren biaya guna meteh ntah cukup kin duitna ntah lang i bas ndungi menara e. (Lukas 14:28) Penting erban rencana kerna cara kena nggunaken sen. (Amos 3:3) Putusken kai saja si perlu itukur ras asakai buena sen kena si banci ibelanjaken. (Kuankuanen 31:16) Ula erkiteken lit sen saja, mis tukuri kena barang si la perlu. Usahakenlah gelah ula rutang. Ula belanja ngelebihi sen si lit i bas kena. Kuan-kuanen 21:5; 22:7. Adi lit denga sen kena i bas akhir bulan, putusken ras-ras kuja iban sen e Adi sebalikna si terjadi, bahanlah anggaren si jelas guna ngurangi pengeluaren. Contohna, kena banci erdakan i rumah asangken nukur ntah pe man i darat Penghasilen Pengeluaren 13

14 2 TERUS TERANG RAS MASUK AKAL KAI NINA PUSTAKA SI BADIA: Seh kal pentingna, ndalanken si mehuli dingen bujur, labo saja ilebe-lebe Tuhan, tapi pe ilebe-lebe manusia. (2 Korinti 8:21) Pebetehken man teman geluhndu alu terus terang asakai penghasilen ras pengeluarenndu. Arihkenlah rusur man teman geluhndu ope denga erban keputusen si penting si lit hubungenna ras keuangen. (Kuankuanen 13:10) Si enda banci njaga perdamen i bas perjabun kena. Ingetlah maka penghasilenndu labo sekerajangenndu saja, tapi sekerajangen keluarga. 1 Timotius 5:8. Arihken asakai buena si banci ibelanjaken kena sekalak-sekalak alu la perlu icakapken leben Mislah cakapken kerna keuangen kena, ula timai lit persoalen CARANDU NGENEHEN SEN Amina gia sen e penting, ula sempat si enda ncedai perjabun kena ntah pe erban aru ate si la perlu. (Matius 6:25-34) La perlu melala sen gelah kena banci ngenanami kegeluhen si ermeriah ukur. Pustaka si Badia mpersingeti gelah metenget nandangi kerina kerangapen. (Lukas 12:15) Perjabun kena ndauh ergan asangken kai pe si banci itukur alu duit. Emaka, puaslah nandangi kai si lit i bas kena, janah ula tadingken hubungen kena ras Dibata. Adi si enda ilakoken kena, keluargandu banci ermeriah ukur janah ngena ate Jahwe. Heber 13:5. 14 UKURI ALU MBAGES... Kaisibanciilakoken kami selaku sada keluarga gelah ula rutang? Ndigan si terakhirna aku ras teman geluhku mbahas kerna keuangen alu terus terang?

15 B A G I N 5 Njaga Hubungen Dame ras Simetuandu Pakekenlah...ateperkuah,mehuli,ukurmeteruk, lemahlembutdingensaber. Kolose3:12 Kencaerjabu,kenaerbansadakeluargasimbaru.Kenapastiterusngkelengiras enghamati orang tua kena, tapi gundari teman geluh nggo jadi si pengtingna kal i bas geluh kena. Enda banci saja la mesukah ialoken orang tua kena. Tapi, prinsip Pustaka si Badia banci nampati kena njaga hubungen dame ras orang tua, ras turang ntah pe senina teman geluh kena, bage pe ras kade-kade si debanna, paksa kena erjuang mbagun rumah tangga si mbaru.

16 1 TETAPLAH JAGA PERUKUREN SI BENAR NANDANGI SIMETUA KAI NINA PUSTAKA SI BADIA: Pehagalah nande bapandu. (Epesus 6:2) La soal enggo piga umurndu, kam arus terus enghamati ras ngergai orang tuandu. Teman geluhndu pe lit ka nge orang tuana si arus iperdiatekenna. Kalak si erkeleng ate la percian, emaka ula pernah cian atendu nandangi hubungen teman geluhndu ras orang tuana. 1 Korinti 13:4; Galatia 5:26. Ula belaskenndu kata-kata si bagenda, Keluargandu lalap megombang man bangku ntah pe La pernah cocok iakap nandendu kai pe si kulakoken Cubakenlah angkai situasina arah cara rukur teman geluhndu 16

17 2 TEGAS ADI PERLU KAI NINA PUSTAKA SI BADIA: Em sabapna dilaki nadingken nande bapana, gelah ersada ia ras ndeharana, maka duana nggo jadi sada. (Kejadin 2:24) Paksa kam erjabu, banci saja orang tuandu erpengakap maka ia ertanggung jabap denga ngurus kam. Banci saja ikut campur ka atena i bas rumah tangga kena lebih asa patutna. Kenalah si arus nentuken seh ja orang tua kena banci ikut campur. Kenca e, pebetehken man bana alu manjaranjar. Kena banci terus terang alu la kasar. (Kuan-kuanen 15:1) Ukur meteruk, kelembuten, ras kesabaren, banci nampati kena gelah tetap meriah ras simetua kena janah ula pergelut sapih-sapih kam, erkiteken kekelengen. Epesus 4:2. Adi akapndu orang tua kena nggo melalasa ikut campur i bas kegeluhen kena, cakapkenlah ras teman geluhndu paksa keadanna enggo tenang Persadalah arih kena i bas cara ngatasi masalah si bagenda CUBALAH NGANGKAI Ngangkai cara rukur teman geluh kena sada hal si penting. Orang tua ikut campur labo lit tujunna si jahat. Kalak enda tuhu-tuhu mperdiateken kena. Banci saja mesera iakap orang tua kena ngaloken kenyatan maka kena nggo erban keluarga sendiri. Banci saja iakapna ia lanai iperdiateken. Tapi, alu ngikutken prinsip-prinsip Pustaka si Badia janah nuriken ukurndu sekalak-sekalak, kena tetap banci enghamati orang tua alu la engkorbanken perjabun kena. UKURI ALU MBAGES... Engkai maka nggo biakna simetuangku merhat ikut campur i bas perjabun kami? Uga carana aku banci mpelebe teman geluhku, tapi tetap nghamati orang tuangku? 17

18 B A G I N 6 Ketubuhen Sekalak Anak Maba Perubahen Anak-anak, pasu-pasu i bas TUHAN [Jahwe] nari kap. Masmur 127:3 Ketubuhen sekalak anak banci erban meriah kal ukur perbulangen ras ndehara, sekaligus maba kinilatihen si luar biasa. Selaku orang tua si mbaru, banci saja la iarap kena melala keri waktu ras gegeh kena guna ngurus anak. Perban kurang medem ras perubahen emosi, hubungen kena banci terganggu. Arus sesuaiken kena diri kena guna ngurus anak ras njaga keersadan perjabun. Uga pedah Pustaka si Badia banci nampati kena?

19 1 NGANGKAI SITUASINA KAI NINA PUSTAKA SI BADIA: Kalak si erkeleng ate, ia arus megenggeng, mehuli. Bage pe, kalak si erkeleng ate la ncariken untung man bana saja, la pergelut. (1 Korinti 13:4, 5) Paksa mbaru denga jadi sekalak nande, biakna nge adi perhatinndu tertuju man anakndu. Tapi, banci saja perbulangenndu nggejapken maka ia la iperdiateken. Emaka, ula lupa adi ia pe perlu ndatken perhatinndu. Alu sabar dingen perkeleng banlah igejapna maka ia iperluken janah ikut muat bagin i bas ngurus anak kena. Perbulangen...nggeluhlahkamaludempengertinnandangi ndeharandu. (1 Petrus 3:7) Perlu iangkaindu maka gundari buen gegeh ndeharandu iberekenna man anak kena. Ia ndat tanggung jabap si mbaru si banci saja erban ia stres, latih, ntah pe depresi. Maun-maun banci nembeh atena ngenehen kam. Tapi, tetaplah tenang, perban madin jadi kalak saber asangken erkuasa. (Kuan-kuanen 16:32) Cidahkenpengertinrasberekendukungensiiperlukenna. Kuan-kuanen 14:29. Bapa: Sampatilah ndeharandu ngurus anak, amin gia bas berngi wari. Batasi waktu si ipakendu guna dahin si deban gelah mbue waktu si banci iberekendu man ndehara ras anakndu Nande: Aloken penampat perbulangenndu adi berena dirina guna ngurus anak kena. Aminna pe lenga ilakokenna alu mehuli, ajari ia alu sabar, ula tembehi 19

20 2 PEGEGEHILAH HUBUNGEN KENA KAI NINA PUSTAKA SI BADIA: Duana enggo jadi sada. (Kejadin 2:24) Aminna gia gundari lit anggota si mbaru i bas keluarga, ingetlah maka kam ras teman geluhndu tetap sada. Usahaken gelah hubungen kena tetap nteguh. Ndehara-ndehara, kataken bujur nandangi dukungen ras penampat perbulangen. Pengergan si icidahkenndu banci pepalemken, ertina mpegegehi hubungen kena i bas situasi si mbaru enda. (Kuan-kuanen 12:18) Perbulangenperbulangen, turiken man ndeharandu maka keleng dingen meherga kal akapndu ia. Puji ia i bas kinilatihenna ngurus keluarga. Kuan-kuanen 31:10, 28. Ola ise pe ngukuri untung man bana saja, tapi inget pe ngukuri untung kalak si deban. (1 Korinti 10:24) Terus lakoken si mehulina man teman geluhndu. Selaku perbulangen ras ndehara, banlah waktu guna ngerana-ngerana, mereken pujin ras megiken sada ras si debanna. Ula mentingken bana i bas hubungen kena kerna ersada kula. Ukuri keperlun teman geluhndu. Pustaka si Badia ngatakenca, Ola tulak kerincuhenndu pekepar guna ersada kula, pala alu arih ersada. (1 Korinti 7:3-5) Emaka, arihken kena duana kerna si e alu terus terang. Kesabaren ras pengertin banci mpegegehi hubungen kena. Ulalupaerbanwaktuguna erdua-dua saja Lakokenlah perbahanen-perbahanen kitik si erban teman geluhndu nggejapken maka keleng atendu ia, misalna mereken pujin ras hadiah 20

21 3 NGAJARI ANAKNDU SI KITIK DENGA KAI NINA PUSTAKA SI BADIA: Kitik-kitikndu nari enggo ietehndu kerna Pustaka si Badia, si ngasup mereken kepentaren man bandu, e me si mabai kam ku keselamaten. (2 Timotius 3:15) Rencanaken uga cara kena ngajari anak kena si kitik denga. Kiningasupen erlajar bayi seh kal hebatna. Kiningasupen enda nggo lit ope denga pe ia tubuh. Paksa i bas bertin denga, banci tandaina sora kena janah perasan kena banci mpegaruhi ia. Ogekenlah buku paksa ia kitik denga. Amin gia banci saja lenga iangkaina, enda banci nampati ia gelah merhat ngoge paksa ia nggo mbelin. Ulaakapnduiakitiksadengagunabancimegiken pengajarenndu kerna Dibata. Iahken ia gelah ikut ertoto ras kena man Jahwe. (Ulangen 11:19) Janah pe paksa kena ras-ras main-main, turikenlah kerna tinepa Dibata. (Masmur 78:3, 4) Asum ia reh belinna, banci igejapkenna kekelengen kena nandangi Jahwe janah ia pe erlajar engkelengi Ia. Ertotolah mindo bimbingen guna ngajari anakndu si kitik denga Ulihi kata-kata ras pelajaren si penting gelah banci ia mulai erlajar kitik-kitik nari KETUBUHEN ANAK BANCI MEREKEN PENGARUH SI MEHULI Erdekahna, kena banci reh beluhna dirina janah banci ndalanken tanggung jabap selaku orang tua alu ukur meriah. Alu mpebelin anak, kena banci reh perkelengna, sabar, ras mehuli. Adi kena sisampat-sampaten janah siiah-iahen, ketubuhen anak banci mpegegehi hubungen kena. Emaka, kena banci nggejapken uga tuhuna kata-kata i bas Masmur 127:3, Anak-anak e, pasu-pasu i bas TUHAN [Jahwe] nari kap. UKURI ALU MBAGES... I bas sada minggu enda, kai si enggo kulakoken guna ncidahken pengergan kempak teman geluhku nandangi kinilatihenna man keluarga? Selain ercakap-cakap kernaanakkamisibayi denga, ndigan si terakhirna kal aku ngerana ras teman geluhku kerna hubungen kami duana?

22 B A G I N 7 Cara Ndidik Anak Ola ndigan pe lupaken kerina perentah-perentah si kubereken sendah man bandu. Ajarkenlah e man anak-anakndu. Ulangen 6:6, 7 Jahwe, si Nepa keluarga mere tugas man orang tua guna mpebelin anak-anak. (Kolose 3:20) Selaku orang tua, kena arus ngajar anak kena gelah ngkelengi Jahwe ras jadi kalak si ertanggung jabap. (2 Timotius 1:5; 3:15) Kena pe arus mpelajari uga isi pusuh anak kena. Tentu, usihen si ibahan kena seh kal pentingna. Kena banci ngajarken Kata Dibata kempak anak-anak alu mehuli, adi Pedah Jahwe nggo lit i bas pusuh kena sekalak-sekalak. Masmur 40:8.

23 1 ULA SEMPAT ANAKNDU NUTUP DIRI KAI NINA PUSTAKA SI BADIA: Arus metinggel, tapi ola minter ngerana. (Jakup 1:19) Pasti kena senang adi anakanak nuriken kai pe man kena. Emaka, anak-anak arus meteh maka kena nggit ngerana paksa ia perlu ngerana ras kena. Banlah keadan i rumah dem alu dame gelah kalak e mesukah nuriken isi pusuhna. (Jakup 3:18) Adi anak-anak erpengakap maka kena mis merawa ras nalahken, banci saja kalak e lanai nggit erterus terang man kena. Emaka, sabarlah nandangi anak-anak kena. Rusurlah cidahken maka kena tuhu-tuhu ngkelengi ia. Matius 3:17; 1 Korinti 8:1. Teruslah nggit megiken paksa ngerana ate anak-anakndu Rusurlah ngerana-ngerana ras anak kena, ula paksa lit masalahna saja 2 CUBALAH ANGKAI TUJUN KATA-KATANA KAI NINA PUSTAKA SI BADIA: Perdiatekenlah pedah gelah jumpa si mehuli. (Kuan-kuanen 16:20) Maun-maun, sekedar megiken kai si ikataken anak kena la bias guna banci ngatusi uga situhuna perasanna. Biasana anak-anak nggit ngelebih-lebihken ntah pe ngataken si la i bas ukurna. Dengkehken lebe ope denga njabap, adi la bage ibahanndu, bodoh dingen ihinandu kalak. (Kuan-kuanen 18:13) Ula meter nembeh. Kuan-kuanen 19:11. Kaipesiikatakenanakkena,ula mis potong rananna ntah pe itanggapindu alu erlebihen Cubalah inget mulihi paksa umur kena bagi ia mbarenda, uga perasankenaraskaisipenting man kena paksa si e 23

24 Ajarkenlah man anak uga kearusen nggeluh 3 CIDAHKEN MAKA KENA SEPERUKUREN KAI NINA PUSTAKA SI BADIA: O anakku, perdiatekenlah kai si ikataken nande bapandu man bandu. (Kuan-kuanen 1:8) Jahwe mereken hak man orang tua guna ndalanken wewenang nandangi anakna. Kena arus ngajar anak kena gelah mehamat ras patuh man kena. (Epesus 6:1-3) Banci igejapken anak-anak adi la ersada ukur orang tuana. (1 Korinti 1:10) I bas sada waktu, adi la ersada arih kena, usahaken ula ban idah anak-anak. Enda banci ngkurangi kinihamatenna man kena selaku orang tua. Cakapken ras persada arih kena kerna cara ndisiplin anak kena Adi la seri pendapatndu ras teman geluhndu i bas cara ndidik anak, cubalah angkai uga cara rukur kena sekalak-sekalak 24

25 4 BAHANLAH RENCANA KAI NINA PUSTAKA SI BADIA: Ajarkenlah anak-anak uga kearusen nggeluh. (Kuan-kuanen 22:6) Berhasil i bas ngajar anak la mesukah. Perlu irencanaken cara kena ndidik anak-anak, termasuk cara ndisiplin ia. (Masmur 127:4; Kuankuanen 29:17) Mereken disiplin la sekedar mere ukumen, tapi nampati anak ngangkai engkai maka aturen e iban. (Kuankuanen 28:7) Janah, ajari ia engkelengi Pedah Jahwe ras ngantusi prinsip-prinsipna. (Masmur 1:2) Alu bage, ia banci ngembangken pusuh peraten si mehuli. Heber 5:14. Pastiken anak kena ngenehen Jahwe selaku Pribadi si tuhutuhu lit janah banci itekina Sampati ia gelah banci meteh ras nilahi kerina si banci erbahan ceda lagu langkahna, bagi si lit i bas internet ras jejaring sosial. Ajarlah ia uga carana gelah la kena siding pemangsa seksual JAHWE PASTI MASU-MASU USAHA KENA Selaku orang tua, tugas istimewa kena eme ngajar anak kena kerna kai si ngena ate Jahwe. (Epesus 6:4) Ieteh Jahwe maka perlu melala upaya guna ngelakokenca, tapi teklah kam maka enda ngerehken pujin man Jahwe ras keriahen ukur man kena. Kuan-kuanen 23:24. UKURI ALU MBAGES... Kai si banci kulakoken gelah nggit anakku nuriken kerna kai pe man bangku? Kaisibancikupelajari arah cara orang tua si deban i bas mpebelin anakna? 25

26 B A G I N 8 Adi Lit Kejadin si Erban Ceda Ate i bas Keluarga Ermeriah ukurlah kerna si enda, aminna pe gundari kam arus erceda ate i bas paksa si kentisik erkiteken erbage-bage percuban si inanamindu. 1 Petrus 1:6 Tentu nggo iusahakenndu alu cara si mehulina gelah perjabun ras keluargandu ermeriah ukur. Tapi, hal-hal si la iarap banci saja terjadi si erban keriahen ukurndu bene. (Pengerana 9:11) Guna ngadapisa, Dibata alu perkeleng nikapken penampat man banta. Adi dalankenndu prinsip-prinsip Pustaka si Badia si lit i teruh enda, kam ras keluargandu ngasup ngatasi musibah, amin gia bas situasi si seh kal serana.

27 1 ERNALEMLAH MAN JAHWE KAI NINA PUSTAKA SI BADIA: Ampekenlah kerina kearun atendu man Dibata, sabab ia kap si mperdiateken kam. (1 Petrus 5:7) Teruslah inget maka mara si nialamindu labo rehna arah Dibata nari. (Jakup 1:13) Adi ngerembakken diri kam man BaNa, Ia pasti nampati alu cara si mehulina. (Jesaya 41:10) Turiken isi pusuhndu man BaNa. Masmur 62:9. Kam pe terapul alu ngoge ras mpelajari Pustaka si Badia tiap wari. Hasilna, kam nggejapken pengapul arah Jahwe i bas kerina kiniseranndu. (2 Korintus 1:3, 4; Roma 15:4) Ia erjanji guna mereken man bandu kemalemen ate si la terukuri manusia. Pilipi 4:6, 7, 13. Ertotolah mindo penampat man Jahwe gelah banci tetap tenang janah rukur alu mehuli Pertimbangken kerina cara si lit guna ngatasisa janah pilihlah apai si mehulina 2 PERDIATEKENLAH KEPERLUNDU SENDIRI BAGE PE KELUARGA KAI NINA PUSTAKA SI BADIA: Kalak si lit pemetehna, lalap ia merincuh pemeteh, kalak pentar gelgel atena erlajar. (Kuan-kuanen 18:15) Pepulung kerina keterangen. Pergermetken kai si iperluken tiap anggota keluarga. Cakap-cakaplah ras ia janah begiken ia. Kuan-kuanen 20:5. Uga adi sekalak si ikelengindu mate? Ula mehangke nuriken perasanndu. Ingetlah, Jesus pe tangis. (Johanes 11:35; Pengerana 3:4) Cukup istirahat ras medem pe penting. (Pengerana 4:6) Alu bage, reh nukahna akap kena ngadapi situasi si sulit. Rusurlah turiken isi pusuhndu man keluarga. Emaka, paksa lit mara, keluarga pe banci ngerana man bandu alu bebas Turikenlah man kalak si deban si pernah ngadapi situasi si bage rupana 27

28 3 PINDOLAH PENAMPAT SI IPERLUKEN KAI NINA PUSTAKA SI BADIA: Teman tetap encidahken ate keleng, kai gunana sekalak senina adi labo ikut i bas nggejapken kiniseran? (Kuan-kuanen 17:17) Teman-temanndu merhat nampati kam, tapi banci saja la ietehna kai si perlu ilakokenna. Ula kam mehangke mpebetehken man bana kai si iperlukenndu. (Kuan-kuanen 12:25) Janah, darami penampat rohani arah kalak si ngantusi Pustaka si Badia. Kalak e banci mereken bimbingen si erpalasken Pustaka si Badia guna nampati kam. Jakup 5:14. Kam banci ipegegehi adi ratur ergaul ras kalak si nteguh kinitekenna ras si tek man janji-janji Dibata. Kam pe banci terapul alu mpebelin ukur kalak si deban si paksa merlukenca. Turikenlah kinitekenndu ras janji-janji Jahwe man kalak e. Isilah waktundu tep-tep wari alu nampati kalak si paksa susah, janah ula pedauh dirindu arah kalak si ngkelengi ras si mperdiateken kam. Kuan-kuanen 18:1; 1 Korinti 15:58. Cakapkenlah man temanndu janah aloken penampatna Alu terus terang, kataken kai situhuna si iperlukenndu PERDIATEKEN KAI SI LEBIH PENTING Amina pe mberat kal baban geluhndu, teruslah inget Dibata. Paksa Jop ngadapi kiniseran, nina, Terpujilah gelarna [Jahwe]. (Jop 1:21, 22) Bali bagi Jop, tetaplah muliaken gelar Jahwe ras lakoken peratenna, asangken iukurindu kal lalap perbebenndu. Adi kerina la terjadi bagi si iarapkenndu, ula putus asa. Teklah alu bulat ukur man Dibata. Aku ngenca meteh sura-surangku nandangi kam, e me gelah kam senang labo gelah cilaka. RencanangKu e me mereken wari si pepagi bagi si iarapkenndu. Jeremia 29:11. UKURI ALU MBAGES... Tek nge aku man Jahwe, gia i bas hal-hal si kitik? Ngkai maka tiap wari aku arus ngataken bujur nandangi kiniulin Jahwe? 28

29 Sembahlah Jahwe Radu ras Keluarga Sembahlah Ia si njadiken langit ras doni. Ketangkasen 14:7 B A G I N 9 Arah ogen enda, nggo ipelajarindu maka Pustaka si Badia risiken melala prinsip si erguna man bandu ras keluarganndu. Ate Jahwe gelah kena ermeriah ukur. Ia erjanji maka icukupina kai si perlu man bandu adi ipelebe kena Ia. (Matius 6:33) Merhat kal Ia kena jadi temanna. Gunaken tep-tep kesempaten gelah reh rembakna ras Dibata. Enda sada kehamaten si mbelinna man sekalak jelma. Matius 22:37, 38.

30 1 PEGEGEHI HUBUNGENNDU RAS JAHWE KAI NINA PUSTAKA SI BADIA: Aku me jadi Bapandu, janah kam jadi anakku si dilaki ras si diberu, bage me nina Tuhan si Mada Kuasa. (2 Korinti 6:18) Ate Jahwe kam jadi temanna si ndeher. Salah sada carana arah pertoton. Jahwe ngundang kam guna ertoto katawari pe. (1 Tesalonika 5:17) IperdiatekenNa kal kai si iukurindu ras kearun atendu. (Pilipi 4:6) Paksa kam ertoto ras keluarga, banci idah keluargandu uga tangkasna Dibata e bas kam. Selain ngerana ras Dibata, kam pe banci megiken Ia. Carana alu mpelajari KataNa ras ogen si erpalasken Pustaka si Badia. (Masmur 1:1, 2) Ukurilah alu mbages kai si ipelajarindu. (Masmur 77:12, 13) Cara si deban eme alu ratur reh ku perpulungen Kristen. Masmur 122:1-4. Guna mpegegehi hubungenndu ras Jahwe, arus ka iturikenndu kerna Jahwe man kalak si deban. Reh rusurna kam ngelakoken e, reh rembakna kam ras Ia. Matius 28:19, 20. Banlah waktu tep-tep wari guna ngoge Pustaka si Badia ras ertoto Utamaken kegiaten rohani ras keluarga asangken hiburen ras rekreasi 2 DATKEN KERIAHEN UKUR I BAS KEBAKTIN JABU KAI NINA PUSTAKA SI BADIA: Rembakkenlah dirindu ku Dibata, e maka Ia pe ngerembakken dirina man bandu. (Jakup 4:8) Perlu ijadwalkenndu kebaktin jabu si ratur janah ndalankenca. (Kejadin 18:19) Tapi, la bias e saja. Banndulah Dibata si negu-negu i bas kegeluhenndu tep-tep wari. Pegegehi hubungen keluargandu ras Dibata alu ngerana kerna Ia subuk kam i rumah, ntah sanga kam i bas perdalanen, subuk sanga kam ngadi-ngadi ntah pe sanga kam erdahin. (Ulangen 6:6, 7) Ertekadlah guna ngusih Josua si ngataken, Aku ras isi jabungku, TUHAN [Jahwe] saja ngenca isembah kami. Josua 24:15. Alu ratur, cakapkenlah keperlun ras persoalen tep-tep anggota keluarga i bas acara kebaktin jabu 30

31 PERSINGET MAN KEPALA KELUARGA Ula sempat terganggu kebaktin jabu kena erkiteken kai pe Pebetehken leben kai si man bahasen gelah keluarga banci erban persikapen Pastiken tep-tep anggota keluarga ikut Bahanlah situasina meriah gelah kerina ngikutisa alu bulat ukur JUAK-JUAK JAHWE ERMERIAH UKUR La lit kai pe si terulin asangken nembah Dibata Jahwe. Jadi kal atena ngidah kam ras keluargandu ngelayani Ia alu tutus. Alu terus ngelakokennca, reh kelengna atendu Jahwe janah iusihndu Ia. (Markus 12:30; Epesus 5:1) Adi Dibata ikut i bas perjabunndu, hubungenndu ras teman geluhndu pasti erteguhna. (Pengerana 4:12; Jesaya 48:17) Kam ras keluargandu banci ermeriah ukur seh rasa lalap perban ietehndu Tuhan [Jahwe], Dibatandu enggo masu-masu kam. Ulangen 12:7. UKURI ALU MBAGES... Ndigan si terakhirna kal aku ras teman geluhku ras-ras ertoto? Kai saja bahan si banci kupake i bas kebaktin jabu si banci mpegegehi kiniteken kami man Jahwe? 31

32 Datken Terbuen Penampat man Keluarga i jw.org/id Guna ndatken petunjuk tambahen si tepat dingen erguna ras pedah arah Kata Dibata nari, nehen situs kami. Situs enda pe risiken pengalamen si tuhu-tuhu terjadi i belang-belang doni kerna perbulangen ras ndehara si ngadapi keadan bagi si nialamindu. Enghamati teman geluh Uga carana gelah kata-kata si nakiti pusuh ula sempat terbelasken Uga carana gelah ula lalap rubat Uga carana gelah banci ngalemi Uga adi lit teman tapi mesra i bas geluhku Adi lit keperlun khusus teman geluhku Erbanperjabunsipeduakenberhasil Uga carana ngadapi anak si rusur denge-denge Adi lit keterbatasen anakndu Cakapkenlah ras anakndu kerna seks Adi anak remajandu sangsi kerna agamandu Ngajari anak si nguda denga gelah jadi dewasa Adi anakndu rusur nggit ngelukai dirina Njaga hubungen ras kade-kade arah keluarga tirindu Topik-topik si mbaru itambahken i bas waktuna. ssitus Web resmi Saksi-Saksi Jahwe Buka jw.org/btx, ntah pe scan kode hf-ak