ATUR PALAPURAN PANGARSA BAGIAN PMPK DAN KB BIRO BINA SOSIAL WONTEN ING ADICARA DIALOG INTERAKTIF PANINGKATAN PANYARTANIPUN LARE ING PEMBANGUNAN KABUPATEN/KITHA SE-BAKORWIL III PROVINSI JAWI TENGAH BANJARNEGARA, 23 APRIL 2015 Assalamu alaikum Wr. Wb. Sugeng enjang lan salam karaharjan tumrap kita sami. Ingkang Kinurmatan, Bupati Banjarnegara, Bapa Sutedjo Slamet Utomo, SH., M. Hum; Pengarsa Biro Bina Sosial Setda Provinsi Jawa Tengah, Ibu Nunuk Hardiyani, SH, M.Si; Pangarsa Tim Penggerak PKK Kabupaten Banjarnegara, Ibu Sri Haryati Sutedjo;
2 Pangarsa SKPD Provinsi Jawi Tengah lan Kabupaten/Kitha sa-bakorwil II Provinsi Jawi Tengah; Ibu Dra. Maria Ulfah Anshor, M. Si, Komisioner Bidang Sosial dan Darurat Bencana KPAI Pusat, saha Bapa Drs. Gembong Purwanto Nugroho, MT, Pangarsa Bidang Penanganan Darurat BPBD Provinsi Jawi Tengah minangka Fasilitator lan Paranpara; Sak lanjengipun Bapa Drs. Wahyono MM Pangarsa Bagaian Kesra Setda Kab. Banjarnegara minangka Moderator; Para Putra saking Forum Lare Kabupaten Banjarnegara lan Forum Lare Kabupaten/ Kitha se- Bakorwil III. Para rawuh ingkang kula urmati; Raos syukur konjuk dhumateng Allah SWT, awit saking kanikmatan ingkang kula lan panjenengan tampi. Sholawat lan salam katur dhumateng Nabi Muhammad SAW, kulawarga, lan para sahabat lan pendherekipun. Aamiin. Wonten ing kalodhangan punika, kepareng matur dhumateng Ibu Pangarsa Biro Bina Sosial Setda Provinsi Jawi Tengah babagan lumampahing
3 Adicara Dialog Interaktif Paningkatan Panyartanipun Lare Wonten ing Pembangunan Kabupaten/Kitha se-bakorwil III Provinsi Jawi Tengah, inggih punika: A. PAWADAN Miturut Undang-Undang angka 35 warsa 2014 babagan Ewahan Undang-Undang angka 23 warsa 2002 babagan Perlindungan Lare, pramila Pamarintah, Pamarintah Daerah lan Lembaga Nagari sanesipun nggadhahi kuwajiban lan tanggel jawab paring perlindungan mliginipun dhumateng 15 kelompok lare, ingkang antawisipun inggih punika: lare ingkang nggadhahi kabetahan khusus utawi lare penyandang disabilitas, lare ingkang ngadhepi hukum lan lare ing kahanan darurat. Pramila saking punika, kangge ningkataken panyartanipun lare wonten pembangunan Provinsi Jawi Tengah sarta minangka pengetan HAN Tingkat Provinsi Jawi Tengah Tahun 2015, dipun leksanaaken kagiatan ing dinten punika, injih punika Dialog Interaktif Paningkatan Panyartanipun Lare ing Pembangunan Kabupaten/Kitha se-bakorwil III ing Kabupaten Banjarnegara kanthi irah-irahan:
4 Pangayoman Khusus dhumateng Lare ing Kahanan Darurat. Sakderengipun, rikala tanggal 8 April 2015 kepengker, sampun dipun leksanaaken Dialog Interaktif Paningkatan Panyartanipun Lare ing Pembangunan Kabupaten/Kitha se-bakorwil I Provinsi Jawi Tengah kanthi irah-irahan: Pangayoman Khusus dhumateng Lare ingkang Nggadhahi Kabetahan Khusus utawi Lare Penyandang Disabilitas. Salajengipun, tanggal 16 April 2015 sampun dipun leksanaaken Dialog Interaktif Paningkatan Panyartanipun Lare ing Pembangunan Kabupaten/Kitha se-bakorwil II Provinsi Jawi Tengah ing Kabupaten Purworejo kanthi irah-irahan: Pangayoman Khusus dhumateng lare Ingkang Ngadhepi Hukum. B. LANDHESAN DPA Biro Bina Sosial Setda Provinsi Jawi Tengah angka: 2695/ DPA/ 2015 tanggal 2 Januari 2015 babagan Kagiatan koordinasi Paningkatan Panyartanipun Lare ing Pamangunan.
C. MAKSUD LAN TUJUAN 5 Maksudipun kagiatan inggih punika nuwuhaken krenteg lare supados ngginaaken hakipun ing ngaturaken pamanggih kangge: 1. Ningkataken lumampahing pembangunan tumbuh kembang lare lan perlindungan lare; 2. Ningkataken anggenipun nyekapi kabetahan lare minangka bagian saking Hak Asasi Manusia ingkang wajib dipun jamin, dipun lindhungi lan dipun cekapi tiyang sepuh, kulawarga, masyarakat, pamarintah lan nagari. D. ASIL KAGIATAN Asil ingkang dados pangajab kagiatan inggih punika: 1. Ngrumusaken swanten lare gegayutan kaliyan Pangayoman Khusus dhumateng Lare ing Kahanan Darurat; 2. Ngrumusaken upados-upados ingkang strategis lan nyata kangge ningkataken Pangayoman Khusus dhumateng Lare ing Kahanan Darurat.
6 E. WEKDAL PALEKSANAN 1. Dinten, tanggal : Kemis, 23 April 2015 2. Wanci : Jam 09.00 WIB dumugi paripurna 3. Panggenan : Pendopo Dipa Yudha Adi Graha, JL. A. Yani No. 16 Banjarnegara 4. Panyarta : Cacah 96, kanthi rincian: a) Bappeda, BP3AKB, Biro Binsos, BPBD, saha Bakorwil III Provinsi Jawi Tengah; b) Bappeda, SKPD Pangayoman Lare, Bagian Kesra lan Forum Lare Kabupaten/Kitha se-bakorwil III Provinsi Jawi Tengah; c) Forum Lare, Siswa SLTA, lan Pemerhati Lare Kabupaten Banjarnegara. F. PAMBICARA KUNCI, FASILITATOR, PARANPARA LAN MODERATOR Minangka Pambicara Kunci, Fasilitator, Paranpara lan Moderator kagiatan inggih punika:
7 Pambicara Kunci : Ibu Nunuk Hardiyani, SH,M.Si, Fasilitator Paranpara Moderator : Dra. Maria Ulfah Anshor, M.Si, : Drs. Gembong Purwanto Nugroho, MT, : Drs Wahyono MM Ibu Pangarsa Biro Bina Sosial Setda Provinsi Jawi Tengah, Bapa Bupati Banjarnegara, Paranpara, lan para rawuh ingkang kula urmati; Saderengipun adicara pambuka, perlu kula aturaken bilih kalawau enjang sampun dipun leksanaaken parumusan swanten lare saking Forum Lare, Siswo SLTA lan Pemerhati Lare Kabupaten Banjarnegara kanthi Fasilitator Dra. Maria Ulfah Anshor, M. Si. Rumusan swanten punika ingkang samangke badhe kita rembag kaliyan sedaya panyarta Dialog Interaktif. Makaten samukawis babagan ingkang kula aturaken. Mugi-mugi Allah SWT paring ridlo dhumateng upados kita sami. Salajengipun, wonten ing kalodhangan punika, kula suwun Ibu Pangarsa Biro
8 Bina Sosial Setda Provinsi Jawi Tengah kepareng paring pangandikan pidato kunci saha mbikak kanthi resmi kegiatan punika. Kanthi punika, kula ngaturaken panuwun. Ing kalodhangan punika, kula ugi ngaturaken panuwun ingkang tanpa upami dhumateng Bupati Banjarnegara, Bapa Sutedjo Slamet Utomo, SH, M. Hum, ingkang sampun myamaptaaken papan panggenan kagiatan. Dhumateng para rawuh, maturnuwun karawuhanipun. Nyuwun pangapunten bilih wonten atur kula ingkang mboten mranani panggalih. Nuwun, nuwun, maturnuwun. Billahitaufik wal hidayah, Wassalammu alaikum Wr. Wb. PANGARSO BAGIAN PMPK DAN KB BIRO BINA SOSIAL Dra. BINTANG YS, M.Si