Pix For TouLemoh. Tutorial Men-download Video di youtube. Javerly.Wordpress.com. Page 1 / 7

Transkripsi

1 Tutorial Men-download Video di youtube Kita mo berbage pengalaman bagimana cara men-download video dari youtube.com, di web site youtube banya skali video yang di upload oleh ribuan orang dari seluruh dunia, dari video war-war sampe tu nda war-war..he..he.., mari jo mulai Pertama buka browser internet biasanya Internet Explorer atau Mozila Firefox atau ada tu baru kaluar skarang Chrome dia pe nama buatan google,.. kalu kita, mo coba pake Opera, Di addres bar nya se maso tu youtube pe alamat, youtube.com, Bagini tu Opera pe model.. kalu so maso di webnya youtube cari tu video mo download, kong klik Kalu dia pe video so bajalang, lia tu video itu pe alamat di address bar, Page 1 / 7

2 Blok dia pe alamat kong, copy.. Abis itu buka website keepvid.com, di keepvid.com ada kotak kecil panjang, da tulis URL deng dia pe ujung sabla da tulis Download Copy tu addres der youtube, kong paste di kotak URL itu Klik DOWNLOAD Page 2 / 7

3 kalu berhasil mo dapa lia tu link for download, sama deng di bawah ini : Biasa ada dua pilihan link download, pertama file deng format flv, kadua format mp4, format mp4 ini lebe bagus deri flv, Cuma dia pe file lebe basar deri flv. Klik jo tu mana tu suka mo download, kalu kita biasa ja pilih tu mp4, soalnya dia pe gambar biasanya lebe trang,. Kalu suda mo muncul menu, Download file, kalu mo download klik save, kalu nda jadi cancel, ato kalu mo buka klik open, karna ni tutorial for download jadi klik save, tunggu jo sampe bota.. eh.. maksudnya sampe klar. Cuma kita ada saran kalu bole lebe bagus pake download manager, misalkan flashget, DAP, Free Download Manager, deng masih banya tu laeng, kita biasa pake Internet Downoad Manager (IDM), kalu mo pake IDM bagini, Page 3 / 7

4 Dari download links, klik tu download, kalu download manager so terintegrasi deng web browser, tu download manager langsung mo kaluar, mar kalu blum bagini : dari download link jang dulu klik tu download Klik kanan kong pilih Copy Link Address, kalu pake Mozila Firefox Copy Link Location, Kalu pake internet Explorer copy shortcut,. Abis copy buka Internet Download Manager,. Klik di Add URL Page 4 / 7

5 Nanti mo kaluar menu enter new address to download biasanya dia pe link mo download so langsung ta taru di address, kalu blum klik kanan di address kong paste tu link dari keepvid tadi, klik OK, mo muncul tu kotak Download File Info, di paling atas dia pe URL yang mo download, Category maksudnya tu file mo kase maso kategori apa, karna tu file formatnya mp4 jadi secara otomatis IDM memilih kategori Video, iko akang jo dia pe mau,.. Save As : Tampa di mana mo simpang akang ni file, kalu setuju deng tu tampa IDM da pilih, nda usah rubah,..remember this path for Video category : ini maksudnya kalu di cek tu kotak kecil, kalu mo download file video lagi IDM langsung mo taru di folder yang ada di Save As, kita salalu klik tu kotak kecil supaya kalu mo download file video lagi so nda mocari-cari lei tu folder, Description : informasi tentang ni file, kita nda perna isi ni kotak, Kalo so gatal klik jo di start Download kalu so suka mo download tu file, mar kita kalu di warnet, tu file kita ja simpang langsung di Flasdisk, jadi folder di Save As mo kita rubah caranya : klik jo tu kotak kecil paling kanan der Save As, di situ Cuma ada 3 titik, nanti mo ta buka tu kotak Save As.. Page 5 / 7

6 klik jo di dropdown menu, kong cari tu folder yang ada di flashdisk, kita da pilih di folder Virus. (mar ni folder nda ada virus) Dia pe File name so ta isi sandiri keepvid da sarani jadi video.mp4, iko akang jo dia pe ma u..kalu so OK klik jo Save,.. nanti mo kaluar ulang tu kotak Download File Info mar di Save As so berubah dia pe lokasi folder, so di F:\Virus\video.mp4.., Samua dapa lia so mantffap.., kalu so nda ragu dan bimbang klik jo tu tombol Start Download.., Page 6 / 7

7 Kaluar tu Kotak informasi bahwa IDM sedang bekerja ato so sementara ja ba download.., Kalu IDM so klar dia pe karja, nanti ada informasi dari IDM bahwa dia so berhasil,.. kalu nda ada informasi cek jo di IDM pe File Name kalu so klar download dia pe status jadi Complete. OK akhirnya klar juga ba download dari Youtube, mudah-mudahan tutorial ini berguna for ngoni, NB: jang download tu nda war-war e. he.. he.. Page 7 / 7