GEREJA PROTESTAN MALUKU (ANGGOTA PGI) KLASIS PULAU AMBON TIMUR JEMAAT WAAI Jl. Raya Waiselaka, Negeri Waai Kec. Salahutu Kab. Maluku Tengah TATA KEBAKTIAN ETNIK MINGGU, 29 AGUSTUS 2021 1
Tata Kebaktian Etnik Minggu, 29 Agustus 2021 Basiap Diri - Singers/ Kantoria kas kanal lagu-lagu baru - Sombayang di Konsistori MANGHADAP TUHAN Lonceng Gareja babunyi tiga kali, jamaat badiri par manghadap hadirat Tuhan. Singers/kantoria manyanyi deng jemaat sama-sama Ny. GPM No. 20 Mari Basudara. Pandita, Majelis Jemaat deng kolektan maso ka dalam tampa Kebaktian Ny. GPM No.20 Mari Basudara Kantoria/Singers : Mari basudara mari katong puji Tuhan kasih setia-nya sungguh tiada bandingan Terpuji nama Tuhan haleluya besarlah kasih Tuhan haleluya Mari basudara, Mari basudara, Mari basudara mari katong puji Tuhan (Ulang manyanyi baku balas) Kantoria/Singers : Mari basudara mari katong puji Tuhan kasih setia-nya sungguh tiada bandingan Jemaat : Terpuji nama Tuhan haleluya besarlah kasih Tuhan haleluya Perempuan : Mari basudara Laki-laki : Mari basudara Semua : Mari basudara mari katong puji Tuhan Votum deng Salam P.F. Allah itu tampa balindung yang kuat par katong samua!!! Antua su kasi bukti kalo Antua su jaga katong waktu sanang deng waktu katong susa!!! J. Tagal itu oras ini katong datang bakumpul biking Kebaktian jemaat, P.F Par puji nama Tuhan Allah: Bapa, Anak, deng Rohul Kudus, J. Haleluya, amin!!! P.F. Salam Bae basudara samua!!! J. Ada Bae par sudara jua!!! Jemaat Duduk 2
Ana Negeri Puji Tuhan P. Oras ini, katong jemaat GPM Waai bakudapa lai di hari Dominggu... hari Tuhan...Katong datang par somba Tete Manis, angka hati la bawa katong pung hidop ini par Tuhan pung sayang. Katong satu tubuh, satu hati satu rasa.. ana negeri Waai... mari badonci par Tuhan Yesus J. Haleluya!!! sabiji areng-areng itu Tuhan Yesus!!! Manyanyi Ny. GPM 157 Sabiji Areng, Areng Sabiji areng areng yaitu Tuhan Yesus Di mana-mana di dalam dunia di mana-mana di atas bumi Di dalam hidop itu hanya satu sabiji areng-areng yang beta iko Sio Tuhan Yesus yang beta suka, sio Tuhan Yesus yang beta puji Sio tuhan Yesus yang beta cinta, sio Tuhan Yesus cuma satu di dunia Refrein: Beta suka Tuhan Yesus, beta puja Tuhan Yesus Beta cinta Tuhan Yesus serta setia pada firman-nya Beta suka Tuhan Yesus beta puja Tuhan Yesus Beta cinta Tuhan Yesus serta setia pada firman-nya Instrumen musik iring deng suara palang Mangaku Dosa : Pnt. Basudara katong baru saja ucap katong cinta Yesus, setia, deng puja Antua tapi mari katong inga bae-bae masi ada ka seng katong simpang mara, binci deng dendam ada ka seng laeng deng laeng seng baku sanang ada ka seng katong rasa susa.. ada ka seng katong inga Tuhan pung bae ada ka seng, meski hati ada susa maar katong masi parcaya kalo Tuhan pasti tolong???.. Mari katong ambe waktu sadiki for satu-satu bicara deng Tuhan, mangaku par Tuhan, deng minta ampong par Tuhan kalo ada yang su biking sala.. Solo: Jemaat:.Batado par satu-satu ambe waktu deng Tuhan 1. Ny. GPM No.56 Tuhan Kasihanilah Kami Tuhan kasihanilah kami, Tuhan ampunilah kami jemaat ulang manyanyi Tuhan kasihanilah kami, Tuhan ampunilah kami 1 Diiringi instrumen musik lembut 3
Pnt. ooo Upu eee.. Tuhan langit deng bumi yang tau katong pung susa yang tau katong pung isi hati yang tau katong pung hidop yang tau katong pung dosadosa ampong katong jua. Hapus katong pung marah, dendam, deng sagala yang jahat par orang laeng., supaya katong bisa hidop sama-sama di Ruma Basar...(nama negeri) deng sagala bae.. laeng sayang laeng sama hidop orang basudara.. J. Tuhan tolong katong jua Manyanyi Ny. GPM No.51 bait 2 (oleh satu orang anak) Tuhan Kau tahu sluruh hidupku yang merindukan-mu KepadaMu saja ku berseru brikanlah hidup yang baru Jauhkan dari diriku arus dunia yang menderu Tuntun aku ke jalanmu Kau sumber hidupku Pnt. Teladan bae itu turun dari orang tua ka ana-ana... orang tua tunju bae, anana pasti iko bae.. orang tua seng ajar par bae, anana ilang ajaran bae... Oo Upu Yesus katong mangaku, banya kali katong seng jaga deng ajar anana supaya dong taku Tuhan.., hormat orang tatua, deng tau jaga langkah. Sakarang ada anana yang susa dapat ator par bae... dong lebe iko aros dunia pung mau. Katong orang tua mangaku.. itu jua katong pung sala... Ampong katong jua Upu Yesus!!! J. Katong mangaku samua dosa, tagal Tuhan tau sagala hal di katong pung hidop. Manyanyi Ny. GPM 277, bait 1. Di Hari Rasa Balisa Di hati rasa balisa balandong aer mata Saki rasa sampe di jantong cobaan hidup ini Mangente di kiri kanang sapa yang bisa tolong Tahang dalam sangsara kuat iman di dada Refrein: Refrein : Cuma Tuhan yang tahu apa yang beta rasa Cuma Tuhan yang tahu apa yang beta minta Dengan Tuhan gelap jadi trang derita jadi sukacita 4
Pnt. PF. Jemaat Tuhan, katong musti parcaya kalo Tuhan Yesus pung darah yang tatumpa di kayu salib, itu jadi tanda Antua su jamin katong... sapa saja yang mangaku deng sunggu hati di muka Tuhan, inga jua deng parcaya apa yang su tatulis dalam kitab suci: Di dunia ini Anak Manusia pung kuasa kasi ampong dosa. Tagal itu, mari hidop baru dalam Tuhan, la minta Antua pimpin hidop lebe baik dar hari ka hari.. Ny. GPM 281 : 1 Hidop Dalam Tuhan Hidop dalam Tuhan paleng manise satu hati satu rasa gandonge Susah deng sanang sio sama rasa e itu janji Tuhan gandong e Dalam susah jangan lupa janji Tuhan gandong e, mari pegang tangan manise Jangan buang muka dari basudara gandonge, inga janji Tuhan manise Mari bangong hidup sama-sama e satu hati satu jantonge Jemaat Badiri Firman Tuhan kas inga katong samua: Orang fasik musti kas tinggal jalan orang fasik, orang jahat musti kas tinggal rencana jahat; bale par TUHAN, maka Antua pung pengasihan kasi ampong katong deng sagala kelimpahan, Tuhan jaga katong samua (Yesaya 55: 7). Mari Hidop laeng sayang laeng sama deng Tuhan pung mau!!! Ny. GPM 281 bait 2 deng 3 Bait 2 Hidop dalam Tuhan paleng manise sagu satu lempeng bagi dua e Hidop baku sayang sampe mati e itu janji Tuhan gandong e Dalam susah jangan lupa janji Tuhan gandong e, mari pegang tangan manise Jangan buang muka dari basudara gandonge, inga janji Tuhan manise Mari bangong hidup sama-sama e satu hati satu jantonge Bait 3 Hidup pela gandong paleng manis e. Jangan bikin susah hati gandong e. Jaga akang manis-manis gandong e, itu janji Tuhan gandong e Dalam susah jangan lupa janji Tuhan gandong e, mari pegang tangan manise Jangan buang muka dari basudara gandonge, inga janji Tuhan manise Mari bangong hidup sama-sama e satu hati satu jantonge duduk 5
DENGAR FIRMAN TUHAN Pnt. Jemaat Tuhan, skarang waktu par katong dengar Barita Firman Tuhan. Satusatu buka kitab suci Mazmur 127: 1-5 (jemaat buka kitab suci) lalu mari katong minta Roh Kudus pimpin katong. Doa Epiklese : Ny. GPM No. 65. Siapkanlah Hatiku (jemaat) Bapa Siapkanlah hatiku, aku mau mendengar sabdamu, Bapa sucikanlah hatiku, aku mau mendengar sabdamu, SabdaMu kekal penerang langkahku, dalam susah dan senang. Berilah Roh KudusMu, menuntun hidupku, dalam susah dan senang. Siapkanlah hatiku Bapa, mau Menyambut sabdamu. Siapkanlah hatiku, Bapa, mau Menyambut sabdamu Siapkanlah hatiku Bapa, mau Menyambut sabdamu. Siapkanlah hatiku, Bapa, mau Menyambut sabdamu Amin Baca Alkitab : Amsal 3 : 27-35 (oleh seorang guru) Nyanyian Aklamasi NJGPM 335 : Haleluya, haleluya, haleluya Khotbah: Pelayan Firman...Badiam diri... Manyanyi Ny. GPM 278 Dulu Ku tak Mengerti Dulu ku tak mengerti ya Tuhan akan kasihmu yang abadi Tetapi Kau peduli dan mengasihiku walau jauh darimu Kini ku datang padamu ya Tuhan tunjukanlah kebesaranmu Hidup yang tak pasti membuat diriku tiada berarti Ajarilah aku dengan kasihmu agar aku slalu dekat padamu Jangan Kau biarkan aku tersesat di dunia ini Ajarilah aku dengan kasihmu menyusuri lembah kehidupan ini Menebarkan kasih yang abadi darimu Tuhan Mangaku Iman Jemaat badiri P.F. Mari katong mangaku Iman di hadapan Tuhan, sama-sama katong bilang: Katong parcaya Allah Bapa yang biking gunung tana tampa katong tinggal deng hidop. Katong parcaya par Tuhan Yesus, yang tagal Roh Kudus pung Kuasa, Antua lahir dari Maria. 6
Antua sangsara di bawa parenta Pontius Pilatus. Antua dapa salib, mati, maso di dalam dunia orang mati, tapi hari katiga Antua bangkit, nae ka sorga, dudu di sabala kanan Allah Bapa. Dari sorga Antua nanti datang jadi hakim par samua orang yang hidop deng yang su mati. Katong parcaya Rohul Kudus, Gareja yang kudus di muka bumi par samua orang parcaya. Katong parcaya Tuhan pasti kasi ampong katong pung sagala dosa, deng kasi bangkit samua orang yang parcaya par maso Rumah Bapa yang Kekal. Ello. jemaat dudu Donci Par Tete Manis: PS/VG/Solo Bawa Natsar Syukur Diaken. Basudara. karna Tuhan Yesus su kasi Antua pung hidop par tabus katong pung dosa-dosa jadi katong jawab Antua pung sayang deng cara bawa natsar syukur.. paleng manis lai kalo katong pung hidop ni pono deng ucap syukur.. karna itu yang Tuhan mau Ny. GPM 166 Ayo Bawa Persembahan Bait1. Ayo bawa persembahanmu kepada Tuhan. Bawalah dengan rasa senang. Ayo bawa persembahanmu kepada Tuhan. Bawalah, bawalah Tuhan sambut persembahanmu Bait 2 Ayo bawa korban syukurmu ke altar Tuhan. Bawalah dengan tembang syukur. Ayo bawa korban syukurmu ke altar Tuhan. Bawalah, bawalah Tuhan sambut Korban syukurmu. Bait 3 Ayo angkatlah suaramu sambut kasih Tuhan. Angkatlah dengan suara merdu. Ayo angkatlah suaramu sambut kasih Tuhan. Angkatlah, angkatlah Tuhan sambut suara hatimu. Bait 4 Ayo bunyikan tepuk tanganmu puji Tuhan. Bunyikan dengan sukaria. Ayo bunyikan tepuk tanganmu puji Tuhan. Bunyikan, bunyikan Tuhan sambut bunyi tanganmu. Bait 5 Ayo harumkan tarianmu kepada Tuhan. Harumkan dengan senyum kasih. Ayo harumkan tarianmu kepada Tuhan. Harumkan, harumkan Tuhan sambut tari syukurmu Doa 7
Persembahan: (oleh Diaken bertugas) Donci Par Tete Manis: PS/VG/Solo Perhadliran Doa syafaat: HIDOP JADI BERKAT Jemaat badiri PF. Ada waktu par bakudapa, maar ada waktu jua katong bapisa bapisa for bajang Antua, Upu Yesus pung parenta.. nanti katong bakudapa lai.. waktu katong kombali di tampa ini deng sagala syukur for Tete Manis Ny. GPM 275 Berjalan Bersama Yesus Berjalan bersama Yesus hatiku amat senang Walaupaun ditantang badai yang kencang diriku tidak gentar Kita jalan bersama Yesus di mana-mana saja siang ataupun malam Biar iblis menghalang Yesus bersamaku Kita jalan bersama Yesus di mana-mana saja siang ataupun malam Biar iblis menghalang Yesus bersamaku Berkat P.F. Kebaktian ini akang seng abis di sini.. bagitu kaluar dari gareja ini, katong masi pikol tugas jadi Antua pung hamba Basudara jaga bawa hidop bae-bae deng manismanis di tenga-tenga orang sudara, deng jang taku susa!! Tagal Antua su janji berkat ini akang ada deng basudara: Tuhan kasih berkat deng jadi tampa balindung par basudara, Tuhan pung muka basinar tarang par basudara deng Antua pung kasih karunia, Tuhan kasi dekat Antua pung muka par kasi basudara, Damai Sejahtera!!! J. Ny. GPM 340 Amin Amin, amin, amin Jemaat duduk Nyanyian jabat Tangan: Ny. GPM 310 Satu Tangan Tak Kuat 8