Paulus pung Surat-surat par Timotius, Titus, Pilemon, deng Jamaat Tesalonika

Transkripsi

1 Paulus pung Surat-surat par Timotius, Titus, Pilemon, deng Jamaat Tesalonika 1 Tesalonika, 2 Tesalonika, 1 Timotius, 2 Timotius, Titus, Filemon dalam bahasa Melayu Ambon Jakarta 2012

2 Paulus pung Surat-surat par Timotius, Titus, Pilemon, deng Jamaat Tesalonika 2012 Sinode Gereja Protestan Maluku dan Wycliffe, Inc. ISBN Surat-surat Paulus Kepada Timotius, Titus, Filemon, dan Jemaat di Tesalonika dalam bahasa Melayu Ambon Paul s letters to Timothy, Titus, Philemon, and the Thessalonian Congregation in the Ambonese Malay language of Maluku, Indonesia Gambar di kulit buku dimuat atas izin 1978 David C. Cook Publishing Co. Gambar-gambar pada halaman 27, 37, dan 48 dimuat atas izin 1978 David C. Cook Publishing Co. Gambar Horace Knowles pada halaman 3, 10, 15 dan 39 The British & Foreign Bible Society, 1954, 1967, 1972, Catatan Edisi Percobaan Edisi ini merupakan edisi percobaan. Karena itu, kami dari tim penerjemah menyambut baik berbagai usul maupun komentar yang dapat membantu meningkatkan hasil terjemahan yang baik sebelum Alkitab dicetak secara utuh. Cetakan Pertama April 2012

3 GEREJA PROTESTAN MALUKU ANGGOTA PGI MAJELIS PEKERJA HARIAN SINODE JALAN MAY, JEND. D. PANJAITAN - AMBON TELP. (0911) FAX: (0911) sinode@ambon-wasantara.net.id CABLE ADDRESS: BPGPM AMBON T A B E A Basudara samua yang Tuhan Yesus sayang! Waktu Yesus Kristus mau nai ka sorga, ada babarapa pasang yang Antua kasi par Antua pung anana bua. Satu dari pasang-pasang tu biar dong kasi balajar orang-orang par biking Antua pung parenta. Sama deng Antua pung anana bua dolo-dolo, katong yang hidop sakarang ni jua pung tugas sama lai deng dong, tagal katong ni jua Antua pung anana bua. Mar bagemana katong bisa kasi balajar orang-orang par biking Antua pung parenta kalo katong sandiri seng batul-batul mangarti Antua pung parenta? Tagal itu, Gereja Protestan Maluku sama-sama deng Wycliffe Internasional baku bantu par biking Alkitab dalang bahasa Malayu Ambon. Bahasa ni, akang pung nilai sama deng bahasa-bahasa laeng di dunya. Sabang hari orang pake akang, di ruma deng di luar ruma. Jadi kalo samua orang dari kacil sampe basar baca Alkitab dalang bahasa Malayu Ambon ni, dong bisa labe capat mangarti Yesus pung parenta. Katong parlu tau kalo dolo orang-orang tulis Alkitab pung isi pake bahasa Ibrani, Yunani, deng Aram. Alkitab Malayu Ambon ni pake bahasa Ibrani, Yunani deng Aram tu pung arti yang batul, bukang akang pung bentuk kata abis kata. Jadi dalang Alkitab Malayu Ambon ni, katong bisa dapa nats-nats yang labe jelas. Tagal itu, Alkitab ni penting paskali par samua orang yang pung tugas par kasi balajar jamaat soal Tuhan Allah pung ajarang, macang pandeta-pandeta, majalis-majalis, guru-guru Sondak, ka guru-guru Injil. Akang jua penting par sapa sa yang mau mangarti Tuhan Allah pung ajarang. Jadi, beta pamimping GPM, mau bilang par katong samua par pake kitab-kitab dari Alkitab bahasa Malayu Ambon ni tarus dalang katong pung ibada-ibada. Beta sombayang biar satu waktu nanti samua orang yang bicara pake bahasa Malayu Ambon bisa pung Alkitab Malayu Ambon. Beta jua sombayang biar akang roba katong samua pung hidop jadi labe bai lai. Beta minta, biar Tuhan Yesus kasi berkat basar deng dame par katong samua! Bagitu jua e! Ambon, 1 April 2012 Majelis Pekerja Harian Sinode GPM Pdt. DR. J. CHR. RUHULESSIN, M.Si. Ketua iii

4

5 Buku pung Isi Nama-Nama Kitab Dalang Alkitab vii Paulus pung Surat Partama par Jamaat Tesalonika Paulus pung Surat Kadua par Jamaat Tesalonika Paulus pung Surat Partama par Timotius Paulus pung Surat Kadua par Timotius Paulus pung Surat par Titus Paulus pung Surat par Pilemon Kamus Peta v

6

7 Nama-Nama Kitab Dalang Alkitab Janji Lama Bahasa Indonesia Bahasa Malayu Ambon Perjanjian Lama Janji Lama Kejadian Carita Mula-Mula Keluaran Kaluar dari Mesir Imamat Orang Yahudi pung Imam-Imam Dong pung Atorang Bilangan Orang Israel di Tampa Sunyi Ulangan Carita Ulang soal Kaluar dari Mesir Yosua Yosua Hakim-Hakim Hakim-Hakim Rut Rut 1 Samuel 1 Samuel 2 Samuel 2 Samuel 1 Raja-Raja 1 Raja-raja 2 Raja-Raja 2 Raja-raja 1 Tawarikh Kitab Partama dari Orang Israel pung Sejara 2 Tawarikh Kitab Kadua dari Orang Israel pung Sejara Ezra Esra Nehemia Nehemia Ester Ester Ayub Ayub Mazmur Lagu-Lagu par Puji Tuhan Amsal Nasehat-Nasehat Pengkhotbah Riwayat soal Hidop Kidung Agung Salomo pung Lagu-Lagu soal Baku Sayang Yesaya Yesaya Yeremia Yeremia Ratapan Manangis Marata vii

8 Yehezkiel Daniel Hosea Yoel Amos Obaja Yunus Mikha Nahum Habakuk Zefanya Hagai Zakharia Maleakhi Yeheskel Danyel Hosea Yoel Amos Obaja Yunus Mika Nahum Habakuk Sefanya Hagai Sakaria Malaki Janji Baru Bahasa Indonesia Bahasa Malayu Ambon Perjanjian Baru Janji Baru Matius Matius pung Kabar Bae soal Yesus Markus Markus pung Kabar Bae soal Yesus Lukas Lukas pung Kabar Bae soal Yesus Yohanes Yohanis pung Kabar Bae soal Yesus Kisah Para Rasul Yesus pung Utusang-Utusang pung Carita Roma Paulus pung Surat par Jamaat Roma 1 Korintus Paulus pung Surat Partama par Jamaat Korintus 2 Korintus Paulus pung Surat Kadua par Jamaat Korintus Galatia Paulus pung Surat par Jamaat Galatia Efesus Paulus pung Surat par Jamaat Efesus Filipi Paulus pung Surat par Jamaat Pilipi viii

9 Kolose Paulus pung Surat par Jamaat Kolose 1 Tesalonika Paulus pung Surat Partama par Jamaat Tesalonika 2 Tesalonika Paulus pung Surat Kadua par Jamaat Tesalonika 1 Timotius Paulus pung Surat Partama par Timotius 2 Timotius Paulus pung Surat Kadua par Timotius Titus Paulus pung Surat par Titus Filemon Paulus pung Surat par Pilemon Ibrani Surat par Orang Ibrani Yakobus Yakobis pung Surat 1 Petrus Petrus pung Surat Partama 2 Petrus Petrus pung Surat Kadua 1 Yohanes Yohanis pung Surat Partama 2 Yohanes Yohanis pung Surat Kadua 3 Yohanes Yohanis pung Surat Katiga Yudas Yudas pung Surat Wahyu Yohanes Dapa Tanda dari Tuhan ix

10

11 Paulus pung Surat Partama par Jamaat di Tesalonika Kata-Kata Partama Kitab Partama Tesalonika ni, Paulus pung surat partama par jamaat di Tesalonika. Tesalonika tu ibu kota dari propinsi Makedonia yang ada di karajaang Roma. Di kota tu ada jamaat Kresten satu yang Paulus, Silas, deng Timotius dong kasi badiri, waktu dong bajalang koliling Eropa par kasi tau Tuhan pung Kabar Bae. Mar seng lama abis jamaat tu badiri, orang-orang Yahudi dong yang ada di kota tu biking parkara deng Paulus dong. Orang-orang Yahudi tu paksa Paulus dong par pi kaluar kota Tesalonika. Tagal itu, Paulus dong pi dari situ (Yesus pung Utusang-utusang pung Carita 17:1-10). Waktu Timotius baku dapa kombali deng Paulus di kota Atena, Paulus utus Timotius par bale cari tau jamaat Tesalonika tu ada bagemana mar Paulus sandiri pi ka kota Korintus. Pas sampe di kota Korintus, Timotius bawa kabar par Paulus soal jamaat di Tesalonika (1 Tesalonika 3:1-5). La dari kota Korintus ni Paulus tulis surat partama Tesalonika ni par jamaat di Tesalonika. Paulus tulis surat ni tagal jamaat di sana baru sa parcaya Yesus. La waktu itu jua Paulus dong musti pi dari kota Tesalonika, jadi Paulus balong ada pung waktu banya par kasi balajar dong bae-bae. Dalang surat ni, Paulus kasi tau jamaat Tesalonika yang baru parcaya Yesus kalo dia pung hati paleng sanang tagal dong parcaya deng iko Tuhan Yesus tarus biar kata orang-orang siksa deng biking sangsara dong. Dia kasi balajar dong soal bagemana orang-orang parcaya musti hidop. Dia jua kasi balajar dong lai soal apa yang nanti jadi par orang-orang Kresten yang su mati waktu Yesus Kristus bale kombali ka dunya. Surat ni tabage par babarapa bagiang: 1:1 Paulus kasi salam 1:2-10 Paulus minta dangke par Allah 2:1-12 Paulus pung karja di Tesalonika 2:13-16 Jamaat di Tesalonika biking Paulus dong pung hati paleng sanang 1

12 1 Tesalonika 1 2:17-20 Paulus dong rindu par baku dapa deng jamaat di Tesalonika 3:1-5 Paulus deng Silas suru Timotius pi ka Tesalonika 3:6-10 Timotius datang bawa barita soal jamaat Tesalonika 3:11-13 Paulus dong sombayang par jamaat Tesalonika 4:1-12 Cara hidop yang biking Tuhan pung hati sanang 4:13-18 Tuhan Yesus nanti bale kombali 5:1-11 Jaga diri bae-bae sampe Tuhan bale kombali 5:12-22 Paulus kasi nasehat par jamaat Tesalonika 5:23-28 Paulus tutu dia pung surat Paulus kasi salam 1 1 Par basudara jamaat di kota Tesalonika yang su satu hati deng Allah, katong pung Bapa, deng Tuhan Yesus Kristus. Salam dari beta Paulus, deng beta pung tamang dua, Silas a deng Timotius. Katong minta biar Tuhan kasi berkat basar deng dame par kamong samua. Paulus minta dangke par Allah 2-3 Katong tiga b minta dangke tarus par Allah tagal kamong samua su parcaya Antua. Waktu katong sombayang par Allah, katong pung Bapa, katong seng parna lupa sombayang par kamong. Katong inga kamong pung karja par Tuhan Yesus tagal kamong parcaya Antua. Kamong su karja karas par bantu orang-orang parcaya laeng tagal kamong sayang dong. La waktu kamong sangsara, kamong tarus parcaya kalo Yesus Kristus, Tuhan yang katong somba, nanti bale kombali. 4 Basudara samua yang Allah sayang! Katong tau kalo Allah su pili kamong par jadi Antua pung orang-orang. 5 Barang, waktu katong kasi tau Kabar Bae par kamong, katong seng bicara pake katong pung katakata sandiri. Mar Tuhan pung Roh yang kasi kuasa par katong sampe katong bicara pake Antua pung kata-kata. Jadi, katong parcaya paskali kalo Kabar Bae yang katong bilang tu batul. Waktu katong ada tinggal sama-sama deng kamong, kamong su lia katong pung cara hidop soal a 1:1 Silas pung nama laeng dalang bahasa Latin tu, Silwanus. b 1:2 Katong tiga ni, Paulus, Silas, deng Timotius. 2

13 1 Tesalonika 1, 2 Kota Tesalonika bagemana katong bantu kamong. 6 Kamong pung cara hidop sama deng katong deng Tuhan Yesus. Biar orang biking sangsara kamong waktu kamong tarima Kabar Bae, Tuhan pung Roh biking kamong tarima Kabar Bae tu deng hati paleng sanang. 7 Kamong pung cara hidop yang macang bagini su jadi conto par samua orang yang parcaya Yesus di propinsi Makedonia deng propinsi Akaya sampe dong bisa hidop macang deng kamong lai. 8 Tagal kamong sampe orang-orang di Makedonia deng Akaya su dengar Kabar Bae soal Tuhan. Mar bukang di dua tampa tu sa. Orang di samua tampa su dengar soal bagemana kamong parcaya Allah. Jadi, katong seng usa bilang apapa lai, barang samua orang su tau bagemana kamong parcaya Allah. 9 Orang banya tu su carita soal bagemana kamong su tarima katong deng bae-bae. Dong jua carita soal bagemana kamong kasi tinggal kamong pung dewa-dewa la somba Allah yang batul deng yang hidop. 10 Dong carita lai kalo kamong ada tunggu Allah pung Ana yang nanti datang dari sorga. Ana tu, Yesus, yang Allah su kasi hidop kombali. Yesus ni yang kasi salamat katong biar Allah seng hukum katong. Paulus pung karja di Tesalonika 2 1 Basudara yang iko Yesus, kamong sandiri su tau kalo katong datang par kasi tau Kabar Bae par kamong di kota Tesalonika, akang seng parcuma. 2 Kamong su tau soal apa yang jadi waktu katong balong pi ka Tesalonika. Waktu itu, katong ada di kota Filipi. Orang-orang di kota tu 3

14 1 Tesalonika 2 su siksa deng biking malu katong. Mar tagal Allah su kasi kuat katong pung hati, sampe katong barani kasi tau Kabar Bae dari Antua par kamong di Tesalonika, maski orang-orang malawang katong. 3 Katong datang kasi tau Kabar Bae par kamong tu deng hati yang barsi. Katong seng kasi tau kabar yang seng batul. Katong seng parna cari untung dari kamong ka parlente kamong. 4 Mar Allah su tes katong pung hati la lia kalo Antua bisa parcaya katong. Tagal itu, Antua pili katong par kasi tau Kabar Bae. Jadi, katong kasi tau akang par kamong bukang par biking sanang manusia pung hati, mar par biking sanang Allah pung hati sa. Cuma Antua yang salalu tau katong pung dalang hati. 5 Kamong sandiri su tau kalo katong ni seng parna bicara manis-manis par kamong. Waktu katong kasi tau Kabar Bae par kamong, katong seng parna cari kepeng tado-tado dari kamong. Allah jua tau katong pung isi hati, jadi Antua tau apa yang katong biking tu batul. 6 Tagal katong ni Yesus Kristus pung utusang-utusang, katong bisa biking orang taru hormat par katong. Mar katong seng mau biking kamong deng orang laeng taru hormat par katong. 7 Waktu katong ada sama-sama deng kamong, katong hidop manis-manis deng kamong. Akang macang deng mama yang sayang antua pung anana. 8 Katong paleng sayang kamong, jadi katong sanang kasi tau Kabar Bae dari Allah par kamong. Mar bukang itu sa. Tagal katong sayang kamong sampe katong bantu kamong lai. 9 Basudara yang iko Yesus. Kamong masi inga to? Waktu katong ada kasi tau Kabar Bae dari Allah par kamong, katong ni banting tulang siang malam par katong pung hidop hari-hari. Katong seng mau biking susa satu orang lai dari kamong par katong pung ongkos hidop harihari. 10 Waktu katong ada deng kamong yang parcaya Yesus, kamong su lia deng mata kapala sandiri bagemana katong pung hidop. Allah su lia lai. Katong ni hidop deng hati barsi deng biking apapa yang batul. Orang-orang jua seng bisa bilang kalo katong biking apapa yang sala par kamong. 11 Kamong tau kalo katong urus kamong macang deng bapa yang urus antua pung anana. Katong su kasi nasehat kamong deng kasi kuat kamong pung hati satu abis satu. 12 Katong buju kamong biar kamong pung hidop biking Allah pung hati sanang. Barang, Allah yang panggel kamong par jadi Antua pung orang-orang waktu Antua parenta dunya ni deng nanti orang-orang taru hormat par kamong macang deng dong taru hormat par Antua. 2:2 Yesus pung Utusang-utusang pung Carita 16:19-24; 17:1-9 4

15 1 Tesalonika 2 Jamaat di Tesalonika biking Paulus dong pung hati paleng sanang Basudara yang iko Yesus, katong tarus minta dangke banya lai par Allah tagal Kabar Bae yang katong su kasi tau par kamong tu, kamong tarima akang macang deng Allah sandiri yang kasi tau par kamong. Kabar Bae tu su mulai roba kamong yang parcaya pung hidop. Katong tau kalo kamong su tarima Kabar Bae tu tagal dari kamong pung orang-orang Yahudi c sandiri ada yang siksa kamong. Bagitu lai deng orang-orang yang parcaya Yesus Kristus di propinsi Yudea. Dong pung orang-orang Yahudi sandiri yang siksa dong macang deng kamong. 15 Orang-orang Yahudi yang su bunu Tuhan Yesus deng Allah pung juru-juru bicara, dong tu su siksa katong lai. Dong jua baku musu deng samua orang. Allah batul-batul seng suka dong pung kalakuang. 16 Waktu katong mau kasi tau Allah pung Kabar Bae par orang-orang yang bukang Yahudi, orang Yahudi coba pele-pele katong. Dong biking bagitu biar Allah seng kasi salamat orangorang yang bukang Yahudi. Dong pung cara bagitu yang biking dong pung dosa batamba tarus. Jadi sakarang ni, Allah mara dong paskali sampe Antua su siap par hukum dong. Paulus dong rindu par baku dapa deng jamaat di Tesalonika 17 Basudara samua, biar kata orang su kasi pisa katong dari kamong sadiki lama, mar katong tarus rindu kamong. Jadi, katong tarus cari jalang par baku dapa deng kamong. 18 Katong mau paskali par datang lia kamong. Mala beta su babarapa kali coba pi lia kamong di kota Tesalonika, mar setang pung bos jaga pele-pele katong. 19 Katong rindu par lia kamong tagal kamong tu yang katong harap par biking katong pung hati sanang. La waktu Yesus, Tuhan yang katong somba, bale kombali, kamong yang nanti angka katong pung muka. 20 Memang batul! Kamong yang angka katong pung muka deng yang biking katong pung hati paleng sanang. c 2:13-14 Yahudi tu orang Israel pung agama pung nama. Orang-orang jaga panggel orang Israel tu orang Yahudi. Yesus deng Antua pung utusang-utusang tu, dong orang Yahudi. Mar banya orang Yahudi seng mau parcaya Yesus. 2:14 Yesus pung Utusang-utusang pung Carita 17:5 2:15 Yesus pung Utusang-utusang pung Carita 9:23, 29; 13:45, 50; 14:2, 5, 19; 17:5, 13; 18:12 5

16 1 Tesalonika 3 Paulus deng Silas suru Timotius pi ka Tesalonika 3 1 Basudara e! Beta, d Silas, deng Timotius su rindu paskali par mau baku dapa deng kamong, mar seng bisa. Tagal katong seng bisa tahang lai, jadi katong pikir labe bae beta deng Silas tinggal di kota Atena 2 la katong dua e suru Timotius pi ka kota Tesalonika. Timotius ni katong pung sudara yang iko Yesus. Dia karja sama-sama deng katong par kasi tau Kabar Bae soal Yesus Kristus par orang-orang. Katong suru dia pi par kamong biar dia bisa biking kuat kamong pung hati deng biking kamong labe tamba parcaya Yesus. 3 Katong biking bagitu biar seng ada satu orang lai dari kamong yang jadi kurang parcaya Yesus tagal sangsara. Kamong sandiri su tau kalo katong samua yang parcaya Yesus pasti sangsara. 4 Dolo, waktu katong masi ada sama-sama deng kamong, katong su bilang ulang-ulang kali kalo katong samua yang parcaya Yesus nanti sangsara. La kamong su tau to? Samua yang katong su bilang tu, akang jadi. 5 Tagal itu, beta seng kuat tahang hati lai. Jadi, beta suru Timotius par pi lia kamong di Tesalonika. Beta biking bagitu tagal beta mau tau kalo kamong masi parcaya Yesus ka seng. Barang, beta taku jang sampe setang pung bos su coba-coba kamong la kamong bale balakang dari Yesus. Kalo su bagitu, samua yang katong su biking par kamong tu, akang parcuma sa. Timotius datang bawa barita soal jamaat Tesalonika 6 Sakarang ni, Timotius su bale dari kota Tesalonika. Dia bawa barita yang biking katong pung hati paleng sanang. Dia bilang, Orang-orang Tesalonika tarus parcaya Kristus. Dong laeng deng laeng baku sayang. Dong inga tarus yang bae soal katong. Dong mau paskali par baku dapa deng katong, macang deng katong lai yang mau baku dapa deng dong. 7 Jadi basudara yang iko Yesus, biar kata katong di sini ada susa deng sangsara paskali, mar waktu katong dengar kalo kamong tarus parcaya Tuhan, katong pung hati kuat. 8 Jadi sakarang ni, asal kamong tarus parcaya Tuhan sa, katong pung hati su tanang. 9 Katong minta dangke banya-banya par Allah, barang katong pung hati paleng sanang tagal d 3:1 Beta ni, Paulus. e 3:2 Katong dua tu, Paulus deng Silas. 3:1 Yesus pung Utusang-utusang pung Carita 17:15 3:6 Yesus pung Utusang-utusang pung Carita 18:5 6

17 kamong tarus parcaya Yesus. 10 Katong sombayang kuat-kuat siang malam par Allah biar katong bisa baku dapa lai deng kamong. Katong mau kasi balajar kamong labe banya lai biar kamong labe sunggu-sunggu parcaya Yesus Kristus. Paulus dong sombayang par jamaat Tesalonika 1 Tesalonika 3, 4 11 Katong minta par Allah, katong pung Bapa, deng Yesus, Tuhan yang katong somba, buka jalang par katong biar katong bisa pi baku dapa deng kamong lai. 12 Katong minta Tuhan Yesus tolong kamong biar kamong labe baku sayang deng tamba sayang orang laeng lai macang deng katong sayang kamong. 13 Katong minta Antua kasi kuat kamong pung hati biar kamong seng biking dosa. Kalo kamong seng biking dosa, nanti waktu Yesus, Tuhan yang katong somba, bale kombali sama-sama deng malekat-malekat deng Antua pung orang-orang, seng ada yang bisa bilang di muka Allah Bapa kalo kamong tu bardosa. Cara hidop yang biking Tuhan pung hati sanang 4 1 Basudara samua yang iko Yesus, katong su kasi balajar kamong soal bagemana kamong musti hidop biar Tuhan Yesus pung hati sanang. Memang kamong ada biking akang dalang kamong pung hidop hari-hari. Katong samua su satu hati deng Tuhan Yesus jadi katong minta paskali biar kamong labe sunggu-sunggu lai biking akang dalang kamong pung hidop. 2 Barang, kamong su tau kalo apa yang katong ajar par kamong tu pake Tuhan Yesus pung kuasa. 3 Allah mau kamong musti jaga kamong pung hidop bae-bae biar kamong jang biking dosa. Jadi, kamong seng bole tidor deng orang yang bukang kamong pung laki ka kamong pung bini. 4 Jang baku piara. Jaga diri bae-bae deng jang biking dosa biar orang-orang taru hormat par kamong. f 5 Jang iko napsu tinggi yang biking kamong mau tidor deng orang. Sapa yang biking macang bagitu, dia tu sama deng orang yang seng kanal Allah. 6 Jang biking dosa par kamong pung basudara laeng yang parcaya Allah deng cara maeng serong deng dia pung laki ka dia pung bini. Barang, Tuhan Yesus nanti hukum orang-orang yang biking macang bagitu. Katong su bilang ulang-ulang kali soal samua ni par kamong dari f 4:4 Dalang bahasa Yunani, kata skeuos bisa pung arti, barang, tampayang, ka orang pung badang. Mar akang bisa pung arti bini lai. Paulus ada bicara soal dosa seks di sini, jadi arti badang yang paleng pas. 7

18 1 Tesalonika 4 dolo lai. 7 Barang, Allah pili katong samua bukang par tidor deng orang yang bukang katong pung laki ka katong pung bini. Mar, Antua pili katong par iko Antua pung mau. 8 Jadi, sapa sa yang seng iko apa yang katong ada bilang ni, dia tu bukang cuma seng tarima katong sa, mar dia tu seng tarima Allah yang su kasi Antua pung Roh par kamong lai. 9 Basudara yang iko Yesus, katong seng parlu tulis soal bagemana kamong musti laeng deng laeng baku sayang. Barang, Allah sandiri su kasi balajar kamong soal itu. 10 Memang, kamong su baku sayang deng samua basudara yang iko Yesus di propinsi Makedonia. Mar basudara e, katong minta paskali biar kamong labe hari labe tamba baku sayang. 11 Kamong musti usaha par hidop dame deng samua orang. Jang suka iko campor orang pung urusang. Kamong jua musti karja karas par kamong pung hidop hari-hari. Samua ni katong su bilang akang par kamong. 12 Kamong musti hidop macang bagitu, biar kamong seng bagantong par orang laeng. La orang-orang yang seng parcaya Yesus nanti taru hormat par kamong lai. Tuhan Yesus nanti bale kombali 13 Basudara samua yang iko Yesus, katong mau kalo kamong batul-batul tau soal orang-orang yang parcaya Yesus yang su mati. Barang, katong seng mau kamong pung hati susa soal dong yang su mati. Jang hati susa macang deng orang-orang yang seng parcaya kalo Allah nanti kasi hidop kombali orang mati. 14 Katong samua parcaya kalo Yesus tu su mati la hidop kombali. Jadi, katong samua parcaya lai kalo waktu Yesus nanti bale kombali, Allah nanti kasi hidop samua orang yang parcaya Yesus yang su mati la angka dong tinggal deng Yesus. 15 Katong mau kasi tau par kamong apa yang Tuhan Yesus sandiri su bilang. Antua bilang kalo nanti waktu Antua bale kombali, katong samua yang masi hidop di dunya ni nanti nai sama-sama deng Antua. Mar orang-orang parcaya yang su mati nanti nai kamuka dari katong. 16 Barang, nanti waktu Tuhan Yesus turung dari sorga, Antua kasi parenta, malekat pung pamimping tabaos, deng Allah pung trompet babunyi. Baru, samua orang mati yang parcaya Yesus hidop kombali. 17 Abis itu, Allah angka katong yang parcaya Yesus yang masi hidop di akang dunya ni. Antua nanti angka katong ka awang sama-sama deng orang-orang mati yang su hidop kombali. Antua angka katong biar katong samua nanti baku dapa deng Tuhan di langit la tinggal 4: Korintus 15:

19 1 Tesalonika 4, 5 sama-sama deng Antua tarus-tarus. 18 Tagal itu, kamong musti laeng kasi kuat laeng pung hati pake kata-kata ni biar kamong pung hati seng susa. Jaga diri bae-bae sampe Tuhan datang kombali 5 1 Basudara yang iko Yesus, dalang surat ni, beta, g Silas, deng Timotius, seng parlu tulis soal apa tempo Tuhan Yesus bale kombali. 2 Barang, kamong sandiri su tau kalo Antua nanti bale kombali di waktu yang katong seng sangka-sangka. Akang macang deng pancuri di tenga malam. 3 Waktu itu tu, orang-orang pikir kalo dunya ni ada bae-bae sa. Dong bilang, Samua di dunya ni bae-bae sa. Katong seng usa taku apapa. Mar akang seng bagitu! Skrek lai, dong dapa cilaka. Akang sama deng parampuang satu yang skrek poro saki waktu mau barana. Dia seng bisa lari dari akang. Bagitu lai waktu Tuhan Yesus bale kombali, seng ada yang bisa lari dari akang. 4-5 Mar basudara yang iko Yesus, waktu Tuhan Yesus bale kombali, kamong seng takajo macang deng tuang ruma yang tidor mati tenga malam waktu pancuri maso. Mar kamong su siap waktu Tuhan Yesus bale kombali, tagal kamong seng hidop sama deng orang-orang yang seng kanal Tuhan. Dong tu macang deng orang yang hidop dalang galap. Mar kamong samua hidop iko Antua pung mau macang deng orang yang hidop dalang tarang. Katong seng hidop dalang galap. 6 Jadi, katong samua jang macang deng orang-orang yang seng parcaya Tuhan. Dong macang deng orang yang tidor mati. Dong seng tau kalo Yesus nanti bale kombali. Katong musti tahang hati deng jaga-jaga macang deng orang yang su siap waktu Yesus bale. 7 Barang, waktu malam orang tidor sono deng seng jaga-jaga. La waktu malam lai, orang jaga mabo deng seng tahang hati. 8 Mar katong ni yang parcaya Tuhan Yesus musti tahang hati la biking apa yang batul macang deng apa yang orang-orang biking waktu siang tarang. Katong musti parcaya par Tuhan deng baku sayang satu deng laeng. Kalo katong biking bagitu, katong macang deng tantara yang jaga diri waktu pi parang. Dia bawa dia pung pampele dada biar seng luka. Katong jua musti taru harap par Antua kalo Antua nanti kasi salamat katong. Kalo katong taru harap par Antua, katong macang deng tantara yang mau pi parang pake topi waja biar seng mati. g 5:1 Beta di sini ni, Paulus. 5:2 Matius 24:43; Lukas 12:39; 2 Petrus 3:10 5:8 Yesaya 59:17; Efesus 6:

20 1 Tesalonika 5 9 Allah seng pili katong par hukum katong, mar par kasi salamat katong. Katong salamat tagal Yesus Kristus, Tuhan yang katong somba. 10 Yesus su mati par katong, jadi waktu Antua bale kombali, katong yang masi hidop ka orang yang su mati nanti tinggal sama-sama deng Antua. 11 Jadi, kamong musti laeng kasi nasehat laeng, deng laeng bantu laeng biar parcaya labe kuat macang deng yang kamong ada biking tu. h 5:12 Beta di sini ni, Paulus. Tantara Roma pake topi waja deng pampele dada Paulus kasi nasehat par jamaat Tesalonika 12 Basudara yang iko Yesus, beta, h Silas, deng Timotius, minta kamong taru hormat par orang-orang yang su karja karas di tenga-tenga kamong. Dong tu Tuhan su pili par pimping kamong deng kasi nasehat kamong biar seng biking dosa. 13 Kamong musti batul-batul taru hormat deng sayang dong tagal dong karja karas par bantu kamong. Kamong jang baku bakalai. Kamong musti hidop bae-bae satu deng laeng. 14 Basudara, kamong musti tagor orang-orang yang pamalas karja. Kasi kuat orang-orang yang pung hati takotang. Tolong orang-orang yang seng 10

21 kuat. Kamong musti sabar lai deng samua orang. 15 Jaga biar seng ada yang balas kajahatang deng kajahatang, mar kamong musti usaha tarus par biking yang bae par orang-orang yang parcaya Yesus deng samua orang laeng lai. 16 Kamong pung hati musti paleng sanang tarus. 17 Jang pamalas sombayang. Sombayang siang malam. 18 Minta dangke dari Allah par samua yang jadi dalang kamong pung hidop hari-hari. Barang, Allah mau kamong biking bagitu tagal kamong ni su satu hati deng Yesus Kristus Jang malawang Tuhan pung Roh deng cara anggap enteng orangorang yang kasi tau soal Tuhan pung pasang. 21 Mar, kamong musti timbang samua pasang biar kamong tau kalo akang dari Tuhan pung Roh ka seng. Kalo Tuhan pung Roh yang bilang akang, kamong iko. 22 Jang iko nasehat tar bae yang suru orang par biking kajahatang. Paulus tutu dia pung surat 1 Tesalonika 5 23 Basudara samua yang iko Yesus, beta, i Silas, deng Timotius, sombayang par Allah yang biking katong hidop dame. Katong minta biar Antua biking kamong batul-batul jadi Antua pung orang-orang yang iko Antua pung mau. Katong jua minta Antua jaga kamong pung hati, nyawa, deng badang biar waktu Yesus Kristus, Tuhan yang katong somba, bale kombali, kamong seng bardosa. 24 Allah yang panggel kamong par jadi Antua pung orangorang yang seng bardosa. Katong bisa parcaya kalo apa yang Antua su bilang, pasti Antua biking akang. 25 Basudara e, katong minta kamong sombayang par katong lai. 26 Kiring katong pung salam manis par basudara samua yang iko Yesus yang ada di situ. 27 La deng Tuhan Yesus pung kuasa, beta parenta kamong par baca surat ni par samua basudara yang iko Yesus di kota Tesalonika. 28 Katong minta biar Yesus Kristus, Tuhan yang katong somba, kasi berkat basar par kamong samua. Hormat dari beta, Paulus i 5:23 Beta di sini ni, Paulus. 11

22 Paulus pung Surat Kadua par Jamaat di Tesalonika Kata-Kata Partama Kitab Kadua Tesalonika ni, Paulus pung surat kadua yang dia tulis par jamaat Tesalonika. Dia tulis akang mangkali babarapa bulang abis dia tulis surat partama par jamaat Tesalonika. Waktu Paulus tulis surat kadua ni, dia masi ada di kota Korintus sama-sama deng Silas deng Timotius. Dalang surat Kadua Tesalonika ni, Paulus kasi kuat orang-orang yang baru parcaya Yesus pung hati biar dong parcaya Yesus tarus, biar kata orang-orang siksa dong. Dia jua kasi batul pikirang-pikirang yang sala soal apa tempo Yesus nanti bale kombali ka dunya. Dia jua kasi inga jamaat di Tesalonika lai par jang pamalas karja. Dong musti iko Paulus dong pung conto waktu masi tinggal sama-sama deng dong. Surat ni tabage par babarapa bagiang: 1:1-2 Paulus kasi salam 1:3-12 Paulus minta dangke par Allah 2:1-12 Orang jahat yang malawang Allah 2:13-17 Allah pili jamaat Tesalonika par kasi salamat dong 3:1-5 Paulus minta jamaat Tesalonika sombayang par Paulus dong 3:6-15 Nasehat soal orang parcaya yang pamalas karja 3:16-18 Paulus tutu dia pung surat Paulus kasi salam 1 1 Par basudara jamaat yang ada di kota Tesalonika, yang su satu hati deng Allah, katong pung Bapa, deng Tuhan Yesus Kristus. 12

23 Salam dari beta, Paulus, deng beta pung tamang dua, Silas a deng Timotius. 2 Katong minta biar Allah, katong pung Bapa, deng Tuhan Yesus Kristus kasi berkat basar deng dame par kamong samua. Paulus minta dangke par Allah 2 Tesalonika 1 3 Basudara yang iko Yesus, katong tiga b musti minta dangke tarus par Allah tagal kamong. Katong musti minta dangke, barang kamong labe tamba parcaya Tuhan Yesus deng labe tamba baku sayang satu deng laeng. 4 Tagal itu, waktu katong ada deng Allah pung jamaat-jamaat laeng, katong sanang carita soal kamong. Katong carita kalo kamong tahang hati deng parcaya Tuhan Yesus tarus maski kamong dapa siksa deng sangsara. 5 Waktu kamong tahang hati deng parcaya Tuhan Yesus tarus, itu jadi bukti kalo Allah balas samua orang deng batul iko apa yang dong su biking. Allah nanti bilang kalo kamong tu batul-batul pantas par jadi Antua pung orang-orang waktu Antua parenta dunya ni. Kamong pantas par jadi Allah pung orang-orang barang kamong ada dapa siksa tagal Allah su parenta kamong. 6-7 Allah balas samua orang deng batul iko apa yang dong su biking. Waktu Tuhan Yesus datang dari sorga, Antua nanti balas orang-orang yang ada biking kamong sangsara. Antua jua nanti kasi lapas kamong dari kamong pung susa deng sangsara. Bagitu lai deng katong. Tuhan Yesus nanti datang dalang api yang manyala basar sama-sama deng Antua pung malekat-malekat yang pung kuasa basar. 8 Waktu itu, Antua hukum orang-orang yang seng mau kanal Allah deng orang-orang yang seng iko Kabar Bae soal Yesus, Tuhan yang katong somba. 9 Tuhan Yesus nanti hukum dong samua tu deng cara kasi ancor dong tarus-tarus. Antua nanti buang dong dari Antua pung muka la dong seng bisa lia Antua pung kuasa basar yang hebat. 10 Samua ni nanti jadi waktu Tuhan Yesus bale kombali. Antua bale biar Tuhan pung orang-orang taru hormat par Antua deng puji-puji Antua lai. Kamong nanti ada deng dong tu. Barang, kamong su parcaya samua yang katong su kasi tau par kamong. 11 Basudara, tagal samua tu, katong sombayang seng abis-abis par kamong. Katong sombayang biar Allah yang katong somba, yang panggel kamong, lia kalo kamong pantas par tarima apa yang Antua mau kasi par kamong. Katong minta biar deng Antua pung kuasa, Antua tolong a 1:1 Silas pung nama laeng dalang bahasa Latin tu, Silwanus. b 1:3 Katong tiga ni, Paulus, Silas, deng Timotius. 13

24 2 Tesalonika 1, 2 kamong biar kamong bisa biking samua hal yang bae macang deng yang kamong mau biking tagal kamong parcaya Yesus. 12 Katong sombayang bagini biar samua orang nanti puji-puji Yesus, Tuhan yang katong somba, tagal apa yang Antua biking par kamong. La Yesus nanti puji-puji kamong lai. Yesus puji-puji kamong tagal Allah yang katong somba deng Tuhan Yesus Kristus su kasi berkat basar par kamong. Orang jahat yang malawang Allah 2 1 Basudara yang iko Yesus e! Yesus Kristus, Tuhan yang katong c somba tu, nanti bale kombali. Waktu Antua bale kombali, Allah nanti kumpul katong par baku dapa deng Antua. Jadi, katong tiga d minta dari kamong samua, 2 jang kamong capat babingong ka balisa waktu dengar orang-orang bilang kalo Tuhan Yesus su bale kombali. Kamong jang parcaya orang-orang tu, biar kata dong bilang kalo dong tau akang dari Tuhan pung Roh, ka dari apa yang katong su kasi tau, ka dari surat yang katong su tulis lai. 3 Jang kasi biar orang biking bodo kamong deng cara apa sa. Barang, nanti ada banya orang yang malawang Allah deng ada orang satu yang paleng jahat paskali yang kasi unju dia pung diri dolo, baru Tuhan Yesus bale kombali. Orang jahat tu nanti maso naraka. 4 Dia nanti malawang Allah deng samua dewa yang manusia dong somba. Dia pikir kalo dia yang paleng jago dari Allah deng samua dewa tu. Jadi, dia nanti angka dia pung diri la dudu di orang Yahudi pung Tampa Sombayang Pusat la mangaku par samua orang kata, Beta ni, Allah! 5 Waktu beta masi ada deng kamong di kota Tesalonika, beta jaga kasi tau soal samua ni par kamong to? Kamong masi inga akang ka seng? 6 Kamong tau kalo sakarang ada yang tahang orang jahat tu. Kamong jua tau sapa yang tahang dia. Dia dapa tahang biar nanti Allah kasi biar dia unju dia pung diri sandiri pas di waktu yang Antua su ator. 7 Barang, sakarang ni setang pung bos su mulai karja sambunyi-sambunyi par biking orang malawang Tuhan, mar masi ada yang tahang orang jahat tu. Nanti kalo yang tahang dia tu su seng tahang dia lai, 8 baru Allah kasi biar dia unju dia pung diri sandiri. Mar waktu Tuhan Yesus bale kombali deng Antua pung kuasa basar, Antua kasi kala orang jahat tu c 2:1 Katong di sini ni, Paulus deng samua orang yang parcaya Tuhan. d 2:1 Katong tiga ni, Paulus, Silas, deng Timotius. 2:1 1 Tesalonika 4: :4 Daniel 11:36; Yeheskel 28:2 14

25 2 Tesalonika 2 Orang Yahudi pung Tampa Sombayang Pusat sampe dia su seng pung kuasa lai. Tuhan Yesus nanti kasi ancor dia cuma deng bicara sa. 9 Waktu Tuhan Yesus balong bale kombali, orang jahat tu muncul. Dia pake setang pung bos pung kuasa la biking sagala macang tanda herang parlenteparlente sampe orang-orang kira kalo dia ada pake Allah pung kuasa. 10 Dia nanti parlente orang-orang deng sagala macang hal yang jahat. Dia parlente orang-orang yang nanti maso naraka. Orang-orang ni nanti maso naraka, barang dong seng mau buka dong pung hati par tarima ajarang yang batul soal Yesus Kristus. Jadi, Allah nanti seng kasi salamat dong. 11 Tagal dong seng mau tarima ajarang yang batul tu, Allah nanti kasi biar dong parcaya orang jahat tu deng dia pung ajarang yang seng batul. 12 Allah biking bagitu biar Antua nanti hukum samua orang yang seng parcaya ajarang yang batul soal Yesus Kristus deng yang suka biking kajahatang. Allah pili jamaat Tesalonika par kasi salamat dong 13 Basudara yang Tuhan sayang, katong e musti minta dangke tarus par Allah tagal kamong. Barang, waktu Allah balong biking dunya ni, Antua su pili kamong biar Antua kasi salamat kamong. Antua kasi salamat kamong waktu Antua pung Roh biking kamong jadi Antua pung orangorang yang seng bardosa deng waktu kamong parcaya ajarang yang batul soal Yesus Kristus. 14 Tagal Allah mau kasi salamat kamong, jadi Antua panggel kamong waktu kamong parcaya Kabar Bae yang katong kasi tau e 2:13 Katong di sini ni, Paulus, Silas, deng Timotius. 2:8 Yeheskel 11:4 2:9 Matius 24:24 15

26 2 Tesalonika 2, 3 par kamong. Antua panggel kamong biar nanti orang-orang taru hormat par kamong macang deng dong taru hormat par Yesus Kristus, Tuhan yang katong somba. 15 Jadi basudara yang iko Yesus, kamong musti tarus parcaya deng pegang kuat-kuat ajarang-ajarang yang katong su kasi par kamong. Ajarang-ajarang tu yang kamong dengar dari katong ka yang katong tulis dalang surat Katong minta biar Yesus Kristus, Tuhan yang katong somba, deng Allah, katong pung Bapa, kasi kuat kamong pung hati biar kamong tarus parcaya Yesus. Katong minta lai biar Antua tolong kamong par bilang deng biking apapa yang bae tarus. Antua sayang katong samua. Antua jua pung hati bae sampe Antua su kasi kuat katong pung hati tarus-tarus deng biking kamong parcaya sunggu-sunggu kalo Antua nanti biking samua yang Antua su janji. Paulus minta jamaat Tesalonika sombayang par Paulus dong 3 1 Basudara samua yang iko Yesus, beta, f Silas, deng Timotius minta kamong sombayang tarus par katong jua. Sombayang biar orang banya bisa capat dengar Tuhan pung Kabar Bae. Sombayang biar dong bisa parcaya deng iko Kabar Bae tu macang deng kamong. 2 Sombayang lai biar Tuhan jaga katong dari orang-orang jahat deng orang-orang yang jaga biking kaco. Barang, seng samua orang yang dengar Tuhan pung Kabar Bae tu parcaya akang. 3 Mar Tuhan seng parna kasi tinggal katong. Antua nanti biking kuat kamong pung hati deng jaga kamong dari setang pung bos. 4 Katong g batul-batul parcaya kalo Tuhan ada tolong kamong biking apa yang katong suru kamong biking. Katong parcaya lai kalo Tuhan nanti tolong kamong par biking akang tarus. 5 Katong minta biar Tuhan tolong kamong biar kamong tau kalo Allah paleng sayang kamong. Katong minta lai biar Tuhan tolong kamong biar kamong tarus kuat deng sabar waktu kamong sangsara macang deng Kristus. Nasehat soal orang parcaya yang pamalas karja 6 Basudara yang iko Yesus e, deng Tuhan Yesus Kristus pung kuasa, katong h parenta kamong jang batamang deng orang parcaya yang pamalas karja. Dong tu seng iko apa yang katong su ajar par kamong. 7 Katong bilang f 3:1 Beta di sini ni, Paulus. g 3:4 Katong di sini ni, Paulus, Silas, deng Timotius. h 3:6 Katong di sini ni, Paulus, Silas, deng Timotius. 16

27 bagini, barang kamong sandiri tau kalo kamong musti hidop iko apa yang katong su biking. Waktu katong masi ada sama-sama deng kamong, katong bukang orang yang pamalas karja. 8 Kalo katong makang, katong bayar. Katong seng parna makang frei. Mala siang malam, katong karja banting tulang biar katong seng biking susa satu orang lai dari kamong. 9 Katong karja banting tulang bagini, bukang tagal katong seng ada pung hak par minta tolong dari kamong, mar tagal katong mau jadi conto par kamong. 10 Barang, waktu katong ada sama-sama deng kamong, katong su ulang-ulang kali parenta kamong kata, Sapa sa yang seng mau karja, jang kasi makang dia. 11 Katong bilang bagitu, tagal katong dengar kalo ada dari kamong yang pamalas karja. Dong tu seng mau karja apapa. Mar dong labe suka bacampor deng orang laeng pung urusang. 12 Orang-orang yang macang bagitu tu, katong parenta dong deng kasi nasehat dong pake kuasa yang Tuhan Yesus Kristus kasi par katong biar dong ator dong pung hidop bae-bae. Dong musti karja biar dong bisa makang. 13 Mar basudara yang iko Yesus, jang kamong pastiu par biking apapa yang bae. 14 Kalo ada orang yang seng iko apa yang katong bilang dalang surat ni, kamong nanaku dia bae-bae. Jang batamang deng dia biar dia malu. 15 Mar jang kamong lia dia macang deng kamong pung musu. Kamong musti kasi nasehat dia macang deng kamong pung sudara sandiri. Paulus tutu dia pung surat 16 Katong i minta dari Tuhan yang kasi dame par katong samua, biar Antua salalu kasi dame par kamong dalang sagala hal yang jadi dalang kamong pung hidop. Katong minta biar Antua ada tarus deng kamong samua. 17 Salam dari beta, Paulus. Beta sandiri yang tulis salam ni. j Beta pake cara ni par tutu beta pung samua surat. Beta biking bagitu biar kamong tau kalo surat ni batul-batul dari beta. 18 Katong minta biar Yesus Kristus, Tuhan yang katong somba, kasi berkat basar par kamong samua. Hormat dari beta, Paulus i 3:16 Katong di sini ni, Paulus, Silas, deng Timotius. j 3:17 Paulus jaga pake juru tulis par tulis dia pung surat. Mar dia jua tulis sadiki deng dia pung tangang sandiri. Dia biking bagitu biar orang-orang tau kalo surat tu batul-batul dari dia, bukang surat parlente yang orang laeng tulis pake dia pung nama Tesalonika 3

28 Paulus pung Surat Partama par Timotius Kata-Kata Partama Kitab Partama Timotius ni, Paulus pung surat partama yang dia tulis par Timotius yang ada di kota Efesus. Paulus tulis surat ni waktu dia ada di propinsi Makedonia. Timotius ni, ana muda satu yang parcaya Yesus, yang asal dari kota Listra. Dia pung bapa orang Yunani deng dia pung mama orang Yahudi. Paulus anggap Timotius ni sama deng dia pung ana sandiri. Paulus pili dia par bantu Paulus pung karja par Yesus Kristus (Yesus pung Utusang-utusang pung Carita 16:1-5). Paulus pung maksud tulis surat ni: 1) Par minta Timotius deng basudara jamaat samua musti ati-ati deng jaga diri bae-bae dari ajarang-ajarang yang seng batul. 2) Par kasi nasehat Timotius soal Timotius pung hidop deng soal dia pung karja par Tuhan. 3) Par kasi tau Timotius soal atorang-atorang par pili orang-orang yang jadi penatua ka diaken, deng dong pung tugas-tugas dalang jamaat. Surat ni tabage par babarapa bagiang: 1:1-2 Paulus kasi salam 1:3-11 Jaga diri bae-bae dari ajarang-ajarang yang seng batul 1:12-20 Paulus minta dangke dari Yesus Kristus 2:1-7 Jamaat pung sombayang 2:8-15 Nasehat par laki-laki deng parampuang 3:1-7 Atorang-atorang par jadi penatua 3:8-13 Atorang-atorang par jadi diaken 3:14-16 Dasar dari katong pung parcaya 4:1-5 Jaga diri bae-bae dari ajarang-ajarang yang seng batul 4:6-16 Yesus Kristus pung orang karja yang bae 5:1-16 Nasehat par basudara yang parcaya Yesus 5:17-25 Nasehat soal penatua-penatua 18

29 6:1-2a Nasehat par orang suru-suru 6:2b-10 Ajarang yang seng batul deng orang yang mata kepeng 6:11-21 Pegang kuat-kuat ajarang yang batul 1 Timotius 1 Paulus Kasi Salam Par Timotius, orang yang beta anggap macang deng beta pung ana sandiri, tagal ale iko beta parcaya Yesus. Salam dari beta, Paulus, Yesus Kristus pung utusang. Allah yang Kasi Salamat Katong Manusia deng Yesus Kristus yang katong harap, yang su angka beta jadi utusang. Beta minta biar Allah Bapa deng Yesus Kristus, Tuhan yang katong somba, kasi unju Antua pung hati bae deng kasi berkat basar deng dame par ale. Jaga diri bae-bae dari ajarang-ajarang yang seng batul 3 Timotius e, beta mau ale tinggal tarus di kota Efesus macang yang beta parna bilang sunggu-sunggu par ale waktu beta mau pi ka propinsi Makedonia. Beta minta ale tinggal tarus biar ale kasi nasehat babarapa orang yang kasi balajar orang-orang deng ajarang-ajarang yang seng batul. Larang dong jang biking bagitu. 4 Suru dong barenti deng dong pung carita-carita parlente dolo-dolo deng carita soal moyang-moyang pung turung-tamurung yang seng abis-abis tu. a Samua tu bisa biking orang-orang baku malawang deng seng tolong orang-orang karja par Allah. Dong cuma bisa karja par Antua kalo dong parcaya Antua. 5 Beta pung nasehat tu, akang pung maksud biar orang-orang baku sayang. Orang-orang bisa baku sayang kalo dong hidop deng hati yang seng bardosa, biking apa yang dong tau tu batul, deng sunggu-sunggu parcaya Tuhan. 6 Mar ada babarapa orang su seng hidop macang bagitu lai. Dong labe suka bicara apapa yang seng ada akang pung guna. 7 Dong tu mau jadi pangajar Tuhan pung kitab Torat yang Musa su tulis. b Mar waktu dong kasi balajar orang-orang, dong sandiri seng mangarti apa a 1:4 Waktu itu ada orang-orang yang bawa ajarang yang seng batul. Dong pung ajarang tu baku tacampor deng ajarang Kresten yang batul, sampe biking orang baku malawang deng seng parcaya Yesus lai. b 1:7 Tuhan pung Kitab Torat yang Musa su Tulis ni lima kitab partama dari Janji Lama di dalang Alkitab. 1:1-2 Yesus pung Utusang-utusang pung Carita 16:1-3 19

30 1 Timotius 1 yang dong bilang maski dong pikir apa yang dong bilang tu, akang sunggu-sunggu batul. 8 Katong tau kalo Tuhan pung kitab Torat yang Musa su tulis tu, akang bae par katong kalo katong pake akang iko Tuhan pung mau. 9 Apa yang beta bilang ni, akang pung maksud kalo Tuhan kasi Torat tu bukang par orang-orang yang pung hidop batul. Mar Antua kasi akang par orang-orang yang suka malawang Antua pung hukum, orang-orang yang hidop jau dari Antua, deng orang-orang yang suka biking dosa. Antua kasi akang jua par orang-orang yang hidop iko dunya pung mau deng orang-orang yang seng taru hormat par Allah, orang-orang yang bunu orang, deng orang-orang yang bunu dia pung mama ka dia pung bapa. 10 Torat tu lai par orang-orang yang suka tidor deng orang yang bukang dia pung laki ka bini deng par parampuang yang suka parampuang ka par laki-laki yang suka laki-laki. Torat tu jua par orang-orang yang pancuri orang laeng par jual dong biar dapa kepeng, orang-orang yang tukang parlente, orang-orang yang jadi saksi parlente-parlente, deng orang-orang yang biking apapa laeng yang malawang Tuhan pung ajarang yang batul. 11 Ajarang tu ada di dalang Kabar Bae soal Allah. Antua tu yang paleng hebat deng yang orang pujipuji. Allah su parcaya beta par pi kasi tau ajarang tu par orang-orang. Paulus minta dangke dari Yesus Kristus 12 Beta minta dangke banya lai dari Yesus Kristus, Tuhan yang katong somba. Beta minta dangke tagal Antua kasi kuat beta biar beta karja par Antua deng parcaya beta par biking akang. 13 Dolo-dolo beta hojat Antua. Beta jua siksa deng biking jahat par orang-orang yang parcaya Antua. Mar Tuhan kasi unju Antua pung hati bae par beta sampe Antua seng hukum beta. Barang, waktu itu beta balong parcaya Yesus deng beta seng tau apa yang beta biking. 14 Mala Antua, Tuhan yang katong somba, su kasi berkat basar batambong-tambong par beta. Yesus Kristus yang biking sampe beta bisa parcaya Antua deng sayang orang laeng tagal beta su hidop satu hati deng Antua. 15 Kata-kata yang katong dengar kalo Yesus Kristus datang ka dunya par kasi salamat orang-orang yang bardosa, itu memang batul. Jadi, sapa sa musti parcaya akang. La dari samua orang yang bardosa tu, beta ni, orang yang paleng bardosa. 16 Mar Yesus Kristus kasi unju Antua pung hati bae par beta biar orang-orang bisa lia kalo Antua paleng sabar deng beta, orang yang paleng bardosa ni. Akang jadi conto par samua orang yang nanti mau parcaya Antua la hidop tarus-tarus deng Antua. 20

31 1 Timotius 1, 2 17 Mari katong samua taru hormat deng puji-puji Allah tarus-tarus. Antua tu, Raja yang pung kuasa dari dolo sampe tarus-tarus. Antua hidop tarus-tarus. Antua seng parna mati. Seng ada orang yang bisa lia Antua. Cuma Antua tu Allah. Seng ada yang laeng. Amin. 18 Timotius, beta pung ana. Apa yang beta bilang par ale tu, akang iko pasang yang Allah pung Roh parna kasi tau soal ale pung karja par Antua pung juru-juru bicara. Beta kasi inga ale soal pasang tu biar ale lawang orang-orang yang kasi balajar apa yang seng batul. Lawang dong macang deng tantara lawang dia pung musu. 19 Ale musti tarus parcaya Yesus Kristus deng biking apapa yang ale tau tu batul. Ada orang-orang yang su bale balakang dari apa yang dong tau itu batul sampe dong seng parcaya Yesus Kristus lai, 20 macang Himeneus deng Aleksander. Beta su kasi pisa dong dua dari basudara yang parcaya Yesus macang beta kasi dong par setang pung bos. Beta biking bagitu biar dong dua tu tobat la jang bicara yang tar batul-batul soal Allah lai. Jamaat pung sombayang 2 1 Timotius, partama to, beta minta sunggu-sunggu biar kamong c angka hati par Tuhan, sombayang par samua orang, deng minta dangke banya-banya dari Allah par samua yang Antua su biking. 2 Beta minta kamong sombayang par raja-raja deng pamimping-pamimping biar katong samua hidop tanang, dame, iko Tuhan pung mau, deng pung kalakuang bae sampe orang taru hormat par kamong. 3 Sombayang macang bagitu, akang bae par katong manusia deng biking Allah pung hati sanang. Allah tu yang Kasi Salamat Katong Manusia. 4 Antua mau samua orang salamat deng tau soal Antua pung ajarang yang batul. 5 Allah tu cuma satu deng cuma ada satu orang yang jadi jambatang par Allah deng manusia. Orang tu Yesus Kristus. Yesus Kristus tu batul-batul manusia. 6 Yesus su kasi Antua pung diri mati di kayo salib par tabus samua orang dari dong pung dosa-dosa. Deng cara bagitu, di waktu yang Antua su ator, Allah kasi unju bukti par orang-orang kalo Antua mau kasi salamat samua orang. 7 Mar beta ni, Antua angka par jadi Antua pung utusang. Antua angka beta par pi kasi tau Antua pung ajarang yang batul deng kasi balajar akang par orang-orang yang bukang Yahudi biar dong tu parcaya. Apa yang beta bilang ni batul. Beta seng karang-karang. c 2:1 Kamong di sini ni, Timotius deng orang-orang parcaya. 21

32 1 Timotius 2, 3 Nasehat par laki-laki deng parampuang 8 Timotius e, beta minta samua laki-laki yang ada di mana sa kalo dong sombayang, dong musti sombayang deng hati yang barsi. Jang simpang mara deng jang bakalai deng orang laeng. 9 Bagitu lai deng parampuang-parampuang. Dong musti bapake baebae, pantas, deng biasa-biasa sa. Jang biking rambu deng sagala macang model. Jang talalu bastel deng mas, mutiara, ka pakiang yang mahalmahal. 10 Mala parampuang-parampuang tu musti biking apa sa yang bae, tagal itu tu pantas par parampuang-parampuang yang bilang kalo dong tu somba Antua. 11 Kalo ada orang yang kasi balajar ajarang soal Allah, parampuang-parampuang tu musti tado. Dong musti taru hormat deng dengar-dengarang par orang yang kasi balajar tu. 12 Beta larang parampuang-parampuang kasi balajar deng parenta laki-laki. Parampuangparampuang tu musti tado. 13 Barang, Allah biking Adam kamuka baru Antua biking Hawa. 14 Adam seng dapa tipu. Mar Hawa yang dapa tipu dari setang pung bos sampe seng iko Allah pung parenta. 15 Biar kata bagitu, Allah nanti kasi salamat parampuang-parampuang tagal dong barana. d Antua kasi salamat dong asal dong tarus parcaya Antua, sayang orang laeng, seng biking dosa, deng bawa diri bae-bae. Atorang-atorang par jadi penatua 3 1 Ada kata-kata yang bilang bagini, Sapa yang batul-batul mau karja jadi penatua, dia pung mau tu paleng bae paskali. Kata-kata tu memang batul. 2 Jadi, sapa yang mau jadi penatua, dia musti pung hidop batul biar orang seng bisa bilang kalo dia ada biking apapa yang sala. Dia pung bini musti satu sa deng dia seng maeng serong. Dia musti pikirang tajang sampe tau bawa diri bae-bae, pung kalakuang bae sampe orang taru hormat par dia, suka tarima sapa sa di dia pung ruma, deng pintar kasi balajar orang. 3 Dia jua bukang pamabo deng tangang seng haringang par pukul orang. Mar dia tu musti pung hati bae deng orang, suka hidop dame deng sapa sa, deng seng mata kepeng. 4 Dia musti tau ator dia pung ruma tangga, deng tau ajar dia pung anana biar dong taru d 2:15 Kalimat ini pung arti bukang cuma parampuang yang barana sa yang bisa salamat la yang seng barana seng bisa salamat. Ada orang yang pintar soal Alkitab yang bilang kalo ayat ni pung arti, Tuhan nanti tolong parampuang yang barana biar seng mati. Ada laeng lai yang bilang kalo Allah nanti kasi salamat samua orang tagal parampuang satu yang barana. Parampuang tu Maria. 22